Ri Lucax 8:15 - Quiché Bible

¹⁵ Ri ija' ri xkaj pa ri utzalaj ulew, are cuq'uexwächij ri winak ri cäquita' ri tzij, cäquicoj ruc' ronojel canima'. Ri e are' cäquik'i ronojel u wäch c'ax, quewächin ruc' coch'onic.”

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁵ Are kꞌu ri ijaꞌ ri xqaj pa utz laj ulew are ri winaq ri kakitatabꞌej ri tzij rukꞌ ronojel kanimaꞌ, kakiyak ri tzij pa kanimaꞌ, amaqꞌel kewachinik rumal cher amaqꞌel kakichakuj ri utzij ri Dios.

K'iche'

¹⁵ Ri ija' c'ut ri xkaj pa utzalaj ulew, quinjunamaj cuc' ri winak ri utz canima', ri cäca'n ronojel ruc' jicomal, cäquijiquiba canima' chrij ri Tzij ri xquitatabej. Cäquitakej c'ut, sibalaj quewächinic, —xcha ri Jesús chque.

K'iche' (New Orthography)

¹⁵ Ri ija' k'ut ri xqaj pa utzalaj ulew, kinjunamaj kuk' ri winaq ri utz kanima', ri käka'n ronojel ruk' jikomal, käkijikib'a kanima' chrij ri Tzij ri xkitatab'ej. Käkitaqej k'ut, sib'alaj kewächinik, —xcha ri Jesús chke.

Ri Lucax 8:15 ပူးပေါင်းရင်းမြစ်များ

Salmib 119:11

E nu c'olom tak ri tzij la chupam ri wanima'; rech man quinmacun ta chwäch la.

Salmib 51:10

Nu Dios, ¡cojo' la jun ch'ajch'ojalaj wanima'!, ¡ya' la jun c'ac' uxlabal chwe ri jic!

E C'ambal tak Tzij 3:1

Mebasach ri e nu tijonic, nu c'ojol; chebac'olo' ri e nu takomal pa ri a chomabal,

Ri Jeremiy 15:16

Aretak catzijon la wuc', in quebenbik' bic tak ri e tzij la: man e c'o ta c'u e jewa' chwe quicotemal c'ut che ri wanima', rumal rech chi in ech la, Ajawaxel xukuje' Dios ri c'o ronojel u cuinem.

Ri Jeremiy 31:33

Are' c'u c'ulwächinic wa' quenbana' na ruc' ri Israel pa ri k'ijol ri': Quincoj na ri nu pixab chupam ri ranima' quintz'ibaj c'u na chupam ri u chomanic. In quinux na qui Dios are c'u ri e are' quebux na nu tinimit. In, ri Ajawaxel, quinjiquiba' u bixic.

Ri Jeremiy 32:29

Ri aj caldeyib cätajin caquiban c'ax che ri tinimit queboc c'u na chupam caquit'ik c'u na k'ak' che; caquiporoj na junam cuc' tak ri ja ri queporox tak wi c'oc' k'ol paquiwi' rachil u wa'l uva che ri Baal xukuje' quecoj wi tak tabal tak tok'ob chque tak diosib chic.

Ri Matey 24:13

Apachin c'ut ri co cataq'uic c'ä pa ri q'uisbalil, are quesäx na pa ri c'ax.

Ri Lucax 11:28

Ri Jesus xubij: “Are quicotemal chque ri cäquitatabej ri u tzij ri Dios, cäquinimaj c'ut.”

Ri Lucax 6:45

Ri utzalaj winak che ri utzalaj tak jastak ri c'o pa ranima', cäresaj wi ulok ri utz. Are c'u ri itzel winak che ri itzel tak jastak ri c'o pa ranima', cäresaj wi ulok ri etzelal. Che ri q'uiyal ri c'o pa ri ranima' quel wi ulok ri cubij ri u chi'.”

Ri Lucax 8:14

Ri ija' ri xkaj pa tak ri q'uix, are wa' ri winak ri cäquita' ri tzij. Are c'u queboc na il chque ri jastak aj uwächulew, benak qui c'u'x ruc' ri k'inomal xukuje' ri quicotemal aj uwächulew, quejik'isax c'u cumal. Man c'u quewächin taj.

Ri Lucax 8:16

“Man c'o ta jun ri cutzij jun chäj, cuch'uk ta c'u ruc' jun subal o cuya' ta chuxe' ri ch'at. Xane' cuya' puwi' jun tzuc'ulibal, rech quilitaj ri u sakil cumal ri winak ri queboc pa ri ja.

Ri Xuan 14:15

“We quinilok'ok'ej, quebinimaj na ri' ri e nu takomal.

Ri Xuan 15:10

We quinimaj ri e nu takomal, quixjeki' na pa ri lok'ok'ebal nu c'u'x, jas ri in xukuje' e nu nimam ri e u takomal ri nu Tat, in jekel pa ri lok'ok'ebal u c'u'x.

Romanos 2:7

Cuya' c'u na ri junalic c'aslemal chque ri caquitzucuj ri juluwem, ri nim ilic, xukuje' ri man cämic taj; ri qui takem ri u banic ri utzil;

Romanos 6:22

Camic c'ut, ix tzokopitajinak chic ix esam chic pa u k'ab ri mac, ix chi c'u u lok'om pataninelab ri Dios. Ri quiwechbej camic are jun tastalic c'aslemal, xukuje' ri quiwechbej na are ri junalic c'aslemal.

Romanos 7:18

Weta'm c'ut chi man c'o ta ri utz pa ri wanima', pa ri u rayibal ri nu banic aj winak re mac. Rumal c'u ri', quinwaj quinban ri utz, man quincuin ta c'u che u banic.

Romanos 7:4

Jewa' xukuje' ri ix, wachalal, ix cäminak chi chuwäch ri pixab rumal ri u cämical ri Crist, camic ix re jun chic, are wa' ri Crist ri xc'astaj chquixo'l ri cäminakib, rech cakaya' wächinic che ri Dios.

Romanos 8:25

We c'u cu'l ka c'u'x chrij ri man cäkil taj, ruc' coch'onic ri' cäkeyej na.

1 Corintios 7:19

We jun achi kopim ri u wi' ri u tz'umal ri achi wi, o man kopim taj, man c'o ta u banic wa'. Xane' ri u nimaxic ri u takanic ri Dios, are ri' c'o u banic.

Efesios 2:8

Rumal ri u tok'ob ri Dios ix colotajinak chic, rumal ri i cojonic. Man ix taj xixbanowic pa iwe wi, xane' xak sipam chiwe rumal ri Dios.

U Camulixic ri Pixab 30:6

Cucoj na ri retal ri c'ulwächinic pa tak ri iwanima', xukuje' pa tak ri canima' ri e iwija'lil, rech quilok'ok'ej na ruc' ronojel iwanima', xukuje' ruc' ronojel i c'aslibal, rech cäc'oji' i c'aslemal.

Filipenses 1:11

Ix nojinak chque tak wächinic re suq'uilal, ri e rumal ri Jesucrist che u juluwem xukuje' che u ya'ic u k'ij ri Dios.

Colosenses 1:10

Jeri' quibano jas ri takal chiwe ri ix rech ri Ajawaxel, rech ronojel ri quibano cäkaj chuwäch. Quiya' c'u conojel wächinic que conojel utzalaj tak chac, sibalaj c'u quiwetamaj na u wäch ri Dios.

Colosenses 1:6

We tzij ri' ri xtzijox chiwe, are' wa' tzijom pa tak conojel ri c'olbal cho ri uwächulew. Cätajin cäq'uiyic xukuje' cuya' u wächinic jas ri u banom ulok iwuc' pa ri k'ij aretak xita' ri u tok'ob ri Dios xukuje' kas c'u xiwetamaj chi are' kastzij.

Hebreos 10:36

Ri ix rajawaxic chuk'ab chiwe pa ri c'axc'olil, aretak i banom ri u rayibal ri Dios, quic'am na jas ri u bim chi cuya' na.

Hebreos 2:1

Rumal ri', rajawaxic chi sibalaj quekanimaj na ri jastak ri ka tom, mäkatas kib chrij.

Santiago 1:4

Chiya' ba' chi quiwetamaj quich'ij ronojel u wäch c'ax, rech quixux tz'akat xukuje' xak are', man c'o ta jas cäraj na chiwe.

1 Juan 2:3

We cäkanimaj ri e u takomal ri Dios, kas jic ri' chke chi ketamam u wäch.