Ri Lucax 7:39 - Quiché Bible

³⁹ Ri parisey ri xula'nic, aretak xril wa', xuchomaj pa ranima', xubij: “We achi ri', we ta kas jun k'axal tzij, cuch'ob ta wa' jachin ri ixok ri cänakowic, cuch'ob ta wa' chi ajmac.”

RI KꞌAKꞌ TESTAMENTO PA TZIJOBꞌAL KꞌICHEꞌ

³⁹ Are xril ri fariseo ri xsikꞌin ri Jesús, xubꞌij: We ta qas jun qꞌalajisal rech ri utzij ri Dios we achi riꞌ, retaꞌm ta uwach waꞌ we ixoq riꞌ ri tajin kachapowik, waꞌ areꞌ jun ajmak ixoq.

K'iche'

³⁹ Aretak ri tata' fariseo ri xula'n ri Jesús xril ri xuban ri ixok, xchoman pa ranima', xubij: “We ta are k'alajisal re ru Lok' Pixab ri Dios we achi ri', cuch'ob ta ri Are' jachin ri ixok ri'. Xukuje' cuch'ob ta na jas u banic ri ixok ri cächapow cok, chi are jun ixok re be wa',” —xcha ri fariseo pa ranima'.

K'iche' (New Orthography)

³⁹ Aretaq ri tata' fariseo ri xula'n ri Jesús xril ri xub'an ri ixoq, xchoman pa ranima', xub'ij: “We ta are q'alajisal re ru Loq' Pixab' ri Dios we achi ri', kuch'ob' ta ri Are' jachin ri ixoq ri'. Xuquje' kuch'ob' ta na jas u b'anik ri ixoq ri kächapow koq, chi are jun ixoq re b'e wa',” —xcha ri fariseo pa ranima'.

Ri Lucax 7:39 ပူးပေါင်းရင်းမြစ်များ

Ucab Ajawinelab 5:20

ri Jiez, ri u pataninel ri Elisey ri k'axal tzij, xchomanic: “Ri wajaw u tzokopim bic ri Naaman ri aj Siriy man c'o ta c'u xuc'am can che ri xuc'am ulok. Quinban na ri chi'nic ri kas cäban na, quincha' pa u bi' ri Ajawaxel chi quinbe che u rikic aninak, quenwila' na jas ri quinwesaj can che.”

E C'ambal tak Tzij 23:7

quejunamataj c'u ruc' jun wi'aj pa ri a kul: ri are' catrulaj che wa'im xukuje' che uq'uianic, man c'u ruc' ta ronojel ranima' cubij;

Ri Isaiy 65:5

Je caquibij wa': ‘Chatcanaj chi' minako sibalaj in tastalic man ya'tal ta quinachapo.’ We winak ri' xak e junam ruc' ri k'ak' ri cänicow ronojel ri jun k'ij c'ax cäquiban chwe, cäbe ri qui c'ayil pa nu tza'm jacha' ri sib.

Ri Matey 20:16

Je c'u ri' ri e nabe quebux na q'uisbal. Are c'u ri e q'uisbal quebux na nabe.”

Ri Matey 21:11

Ri winak xquibij: “Are wa' ri Jesus ri k'axal tzij, ri aj Nazaret aj Galiley.”

Marcos 7:21

Jeri' rumal rech chi pa canima' ri winak, quebelwilok ri itzel tak chomanic, ri cuc'axic quib cuc' achijab ixokib che qui banic macunic, ri eläk'anic, ri cämisanic,

Ri Lucax 12:17

Xuchomaj pa ranima', xubij: ‘¿Jas quinbano? Man c'o ta chi c'olbal jawije' quinmulij wi ri u wächinic ri nu tico'n.’

Ri Lucax 15:2

Xewixwit c'u ri pariseyib xukuje' ri ajtijab re ri pixab, xquibij: “We achi ri' quebuc'ulaj ri ajmaquib, cäwa' cuc'.”

Ri Lucax 16:3

Xubij c'u ri chajinel pa ranima': ‘¿Jas quinbano? Ri wajaw cäresaj ri jastak re pa nu k'ab. Man quincuin ta che u banic tajin. Quinq'uix che ri u ta'ic cochinic.

Ri Lucax 18:4

Quieb oxib k'ij ri k'atal tzij man xraj taj. Te c'u ri' xuchomaj: ‘Pune' man quinxe'j ta wib chuwäch ri Dios, mawi quinya' qui k'ij ri winak,

Ri Lucax 3:8

Chibana' wächinic ri takal che q'uexoj c'uxaj. Michaplej c'u u bixic pa iwanima': ‘C'o ri Abraham che ka tat.’ Quinbij c'u chiwe, chi ri Dios cäcuinic quebuban rija'l ri Abraham chque tak we abaj ri'.

Ri Lucax 7:16

Conojel xquimayij, xquinimarisaj u k'ij ri Dios, xquibij: “C'o jun k'axal tzij chkaxo'l ri nim u banic. Ri Dios xulusolij ri u winak.”

Ri Lucax 7:37

C'o c'u jun ajmacalaj ixok pa ri tinimit. Aretak xuto chi c'o ri Jesus pa ri mexa pa rachoch ri parisey, xuc'am ulok jun lime't re ri je'licalaj abaj alabastr u bi', nojinak c'oc'al chupam.

Ri Lucax 7:38

Xkeb pa rakan ri Jesus, cok'ic. Xuchaplej qui ja'xic ri rakan ruc' ri u wa'l u wäch, quebusu' ruc' ri u wi'. Xebutz'umaj ri rakan, xukuje' xutix ri c'oc'al chquij.

Ri Lucax 7:40

Xch'aw c'u ri Jesus, xubij che ri parisey: “Simon, c'o jas quinbij na chawe.” Ri are' xubij: “Bij la, Ajtij.”

Ri Xuan 4:19

Xubij ri ixok che: “Tat, in quinwilo chi lal jun k'axal tzij.

Ri Xuan 7:12

C'o nimalaj wixwitem chrij chquixo'l ri q'ui winak; jujun caquibij: “Jun utzalaj winak wa'.” Jujun chic c'ut caquibij: “Man utz taj, xane' quebusub ri winak.”

Ri Xuan 9:24

C'äte ri' xquisiq'uij chic chucamul ri achi ri moy canok, xquibij che: “Chanimarisaj ba' u k'ij ri Dios. Uj keta'm chi we achi ri' ajmac.”