Ri Lucax 7:2 - Quiché Bible

² C'o jun qui nimal jun sient ajch'ojab sibalaj yawab ri pataninel re, cämic cubano, sibalaj lok' c'u chuwäch.

RI KꞌAKꞌ TESTAMENTO PA TZIJOBꞌAL KꞌICHEꞌ

² Chilaꞌ kel wi jun kinimaꞌqil ri ajchꞌoꞌjabꞌ chajil tinimit rech Roma. Xyawaj kꞌu jun patanil we achi riꞌ ri sibꞌalaj uloqꞌ, jubꞌiqꞌ karaj kakamik.

K'iche'

² Chila' c'ut c'o jun achi qui nimal soldados. C'o jun patänil re ri tata' ri sibalaj lok' chuwäch. Ri achi patäninel are sibalaj yawab, cämic cubano.

K'iche' (New Orthography)

² Chila' k'ut k'o jun achi ki nimal soldados. K'o jun patänil re ri tata' ri sib'alaj loq' chuwäch. Ri achi patäninel are sib'alaj yawab', kämik kub'ano.

Ri Lucax 7:2 ပူးပေါင်းရင်းမြစ်များ

Chapletajic 24:27

je xubij wa': “¡Tewichital ri Ajawaxel, ri u Dios ri wajaw Abraham, uxinak c'u jic xukuje' utz ranima' ruc' ri wajaw, u c'amom c'u nu be pa ri be ri copan cho cachoch ri e rachalaxic.!”

Chapletajic 35:8

Xukuje' chila' xcäm wi ri Debora ri ixok ri xq'uiyisan ri Rebec, xmuk c'u can chuxe' jun bakit chunakaj ri Betel, ri Jacob xucoj ri u bi' we c'olbal ri' “Ri räx che' re ri ok'ej.”

Ri Job 31:5

Quinban na ri chi'nic ri kas cäban na, quincha' chi mawi jumul nu banom ri cawachil mawi nu tijtobem u subic jachin jun.

E C'ambal tak Tzij 29:21

Ri cupuquej ri u lok'om pataninel pa ri u ch'utinal, chuq'uisbalil cäril na rib pa u k'ab.

Ri Matey 27:54

Ri qui nimal ri jun sient ajch'ojab e rachil ri chajil tak re ri Jesus, aretak xquil ri cabrakan, aretak xquil ronojel ri xc'ulmaxic, sibalaj xquixe'j quib, xquibij: “Kastzij we achi ri' u C'ojol ri Dios.”

Ri Lucax 23:47

Aretak ri qui nimal ri jun sient ajch'ojab xril ri xc'ulmaxic, xunimarisaj u k'ij ri Dios, xubij: “Kastzij ba' we achi ri' kas suc'.”

Ri Lucax 7:1

Aretak xto'taj che u tzijoxic ronojel wa' chque ri winak ri quetatabenic, xbe ri Jesus pa Capernaum.

Ri Lucax 7:3

Ri qui nimal ri ajch'ojab, aretak xuta' u tzijol ri Jesus, xebutak bic nimak tak tatayib aj judeyib ruc', rech cäquibochi'j chi cäpe che u cunaxic ri pataninel re.

Ri Lucax 8:42

Xa' c'u jun u mia'l c'olic, cäraj cablajuj u junab, xa' jubik' man quel ranima'. Benak c'u ri Jesus, cäpitz' cumal ri q'uialaj winak.

Hechos 10:1

C'o jun achi pa ri tinimit Sesarey, Cornel u bi'. Are qui nimal jun sient ajch'ojab ri cäbix aj ital che.

Hechos 10:7

Aretak benak chic ri tako'n aj caj ri xtzijon ruc' ri Cornel, xebusiq'uij quieb pataninel tak rech xukuje' jun ajch'o'j ri cäniman che ri Dios, jun chque ri cucu'ba' u c'u'x chquij.

Hechos 22:26

Ri qui nimal ri ajch'ojab, aretak xuta' wa', xbe che u bixic che ri qui nimal ri jun mil ajch'ojab, xubij che: “¿Jas caban na la? We achi ri' aj rom.”

Hechos 23:17

Ri Pawl c'ut xusiq'uij jun chque ri qui nimakil ri jun sient ajch'ojab, xubij che: “C'ama' la bic we ala ri' chuwäch ri qui nimal ri jun mil ajch'ojab. C'o jas cutzijoj na che.”

Hechos 27:1

Aretak xchomaxic chi cujbe puwi' ri plo pa Ital, xjach ri Pawl xukuje' ri niq'uiaj ajpache' chic pa u k'ab jun qui nimal jun sient ajch'ojab Julio u bi', are' cätakan paquiwi' ri ajch'ojab ri cäbix aj August che.

Hechos 27:3

Chucab k'ij xujopan pa Sidon. Ri Julio xuban utzil che ri Pawl, xuya' che chi cäbe che qui ch'abexic tak ri e rachil rech cäya' ri cajwataj che.

Hechos 27:43

Are c'u ri qui nimal ri jun sient ajch'ojab xraj xucol ri Pawl, rumal ri' man xuya' ta chque ri ajch'ojab chi je cäquibano. Xtakanic chi ri queta'm quemuxanic chquiq'uiaka' quib pa ri plo, quebopan c'u nabe pa ulew.

Colosenses 3:22

Ix lok'om tak pataninelab, chebinimaj ri iwajaw waral cho ri uwächulew pa ronojel. Chebipatanij, man xuwi ta c'ut aretak quixquilo rech quixkaj chquiwäch, xane' ruc' ronojel iwanima', chixe'j iwib chuwäch ri Dios.