Ri Lucax 6:6 - Quiché Bible

⁶ Pa jun k'ij chic re uxlanem, ri Jesus xoc pa ri ja ri cäquitijoj wi quib ri aj judeyib che ri pixab, xebutijoj ri winak chila'. C'o c'u chila' jun achi ri chaki'j ri u k'ab re u wiquiak'ab.

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ Pa jun qꞌij rech uxlanem, are tajin kuya kꞌutuꞌn ri Jesús pa ri Sinagoga, kꞌo kꞌu jun achi, kaminaq ri wiqiqꞌabꞌ uqꞌabꞌ.

K'iche'

⁶ Pa jun k'ij re uxlanem chic xoc bi ri Jesús pa ri rachoch Dios, xuchap c'u u ya'ic tijonic chque ri winak. C'o jun achi chila' ri cäminak jun u k'ab, ri u wiquiäk'ab.

K'iche' (New Orthography)

⁶ Pa jun q'ij re uxlanem chik xok b'i ri Jesús pa ri rachoch Dios, xuchap k'u u ya'ik tijonik chke ri winaq. K'o jun achi chila' ri käminaq jun u q'ab', ri u wikiäq'ab'.

Ri Lucax 6:6 ပူးပေါင်းရင်းမြစ်များ

Nabe Ajawinelab 13:4

Aretak ri ajawinel Jeroboam xuta' ri xubij ri k'axal tzij ri cutaklebej na ri porobal ri c'o pa Betel, xulic' ri u k'ab ruc' ri porobal xubij c'ut: “¡Chichapa'!” Are c'u ri u k'ab ri xulic' che u c'utic xche'ar canok man xcuin ta chic xukasaj.

Ri Zacariy 11:17

¡Tok'ob u wäch ri ajyuk' ri man c'o ta cäc'am che, ri cuq'uiak can ri jotzabaj jela'! ¡Chisoc ri u k'ab rumal ri ch'ich' re ch'o'j xukuje' ri u bak'wäch re ri riquiak'ab! ¡Chyututar ri u k'ab kas c'u chmoyir c'u can ri u bak'wäch!”

Ri Matey 4:23

Ri Jesus xusolij ronojel ri Galiley. Quebutijoj ri winak pa tak ri ja ri cäquitijoj wi quib ri aj judeyib che ri pixab. Quebucunaj c'u conojel ri winak che ronojel ri qui yabilal xukuje' tak ri qui k'oxomal.

Ri Lucax 13:10

Pa ri k'ij re uxlanem, ri Jesus cätajin quebutijoj ri winak pa jun chque ri ja ri cäquitijoj wi quib ri aj judeyib che ri pixab,

Ri Lucax 14:3

Ri Jesus xch'awic, xebuch'abej ri ajtijab re ri pixab xukuje' ri pariseyib, xubij: “¿La cuya' quecunax ri winak pa ri k'ij re uxlanem?”

Ri Lucax 4:16

Ri Jesus xopan pa Nazaret, are ri tinimit jawije' xq'uiyisax wi. Pa ri k'ij re uxlanem, xoc bic pa ri ja ri cäquitijoj wi quib ri aj judeyib che ri pixab, jas ri u nak'atisabal. Xtaq'ui' c'ut che u siq'uixic ri wuj.

Ri Lucax 4:31

Ri Jesus xkaj bic pa Capernaum, tinimit re Galiley. Quebutijoj ri winak pa tak ri k'ij re uxlanem.

Ri Lucax 6:1

Pa jun k'ij re uxlanem, oc'owem re ri Jesus e rachil ri u tijoxelab pa tak ri tico'n. Ri tijoxelab cäquich'up ri u jolom trico, cäquik'ich pa tak qui k'ab, cäquitijo.

Ri Lucax 6:5

Ri Jesus xubij c'u chque: “Ri Rija'l Winak are' Rajaw ri k'ij re uxlanem.”

Ri Xuan 5:3

Pa tak ri rakan ja e k'oyok'oj wi e q'ui yawabib, moyab, ch'ocojib xukuje' chaki'jab qui cuerp.

Ri Xuan 9:16

Jujun c'ut chque ri pariseyib xquibij: “We achi ri' man rech ta ri Dios, rumal rech chi man nim ta cäril wi ri k'ij re uxlanem.” Jule' chic xquibij: “We ta ri are' jun winak ajmac, ¿jas ta c'u che cäcuin che u banic etal je tak wa'?” Man junam ta c'u ri qui chomanic.