Ri Lucax 6:49 - Quiché Bible

⁴⁹ Are c'u ri jun ri cutatabej ri nu tzij, man cunimaj ta c'ut, junam ruc' jun winak ri xuyac rachoch puwi' ri ulew, man xucoj ta c'ut u tac'alibal. Ri nima' xupujij rib chrij, chanim xtzak ri ja, nim c'ut ri u yojyobic.”

RI KꞌAKꞌ TESTAMENTO PA TZIJOBꞌAL KꞌICHEꞌ

⁴⁹ Ri winaq kꞌut ri kutatabꞌej ri nutzij, kꞌa te riꞌ man kuchakubꞌej taj ri kinbꞌij, kinjunamaj rukꞌ ri achi ri xuyak rachoch pa ri ulew. Maj utakꞌalibꞌal xubꞌano. Are xpe ri nimaꞌ, xupuyij ribꞌ cho ri ja, xtukin ri ja, sibꞌalaj man utz ta ri xkꞌulmatajik.

K'iche'

⁴⁹ Ri winak c'ut ri quetataben ri nu tzij, man queniman tä c'u ri', e are' junam ruc' ri winak ri cuyac ri rachoch puwi' ri ulew, man cuban tä c'u ru tac'alibal ri ja. Aretak cäq'uiy ri ja', cupuq'uij rib chrij ri ja, chanim cätzakic, cäyojyob c'u ri ja, —xcha ri Jesús chque.

K'iche' (New Orthography)

⁴⁹ Ri winaq k'ut ri ketatab'en ri nu tzij, man keniman tä k'u ri', e are' junam ruk' ri winaq ri kuyak ri rachoch puwi' ri ulew, man kub'an tä k'u ru tak'alib'al ri ja. Aretaq käk'iy ri ja', kupuk'ij rib' chrij ri ja, chanim kätzaqik, käyojyob' k'u ri ja, —xcha ri Jesús chke.

Ri Lucax 6:49 ပူးပေါင်းရင်းမြစ်များ

E C'ambal tak Tzij 28:18

Ri winak ri tz'akatisanel pa ronojel man c'o ta cuc'ulmaj, are' c'u ri itzel winak cätzak na pa ri etzelal.

Ri Ezequiel 33:31

Je c'u ri' ri nu tinimit cäpetic cat'uyi' chawäch, jacha' nak'atal u banic rumal, che qui tatabexic tak ri a tzij. Man c'u caquiban taj jas ri caquibij. Caquitzelela' tak u bixoxic jacha' caban che qui bixoxic tak bix quech taquenic, benak c'u ri ranima' chrij ri puak.

Ri Osey 4:14

Are' c'u ri in man quenc'äjisaj ta na qui wäch tak ri e qui mia'l qui mac quech ri qui mac jacha cäquiban ri quech ri nim ch'utin, mawi tak ri e calib qui mac ri quekaj pa mac cuc' niq'uiaj chic, xukuje' tak c'ut ri ix quixbe cuc' tak ri quech ri nim ch'utin; che qui chi'xic tak tabal tok'ob quibirika tak iwib cuc' tak ixokib ri quequiban ri qui mac ri nim ch'utin jacha' jun k'ijilanic. ¡Je' c'u ri' cäbik'taj jun tinimit ri man c'o ta u ch'obonic!

Ri Matey 23:3

Je c'u ri', ronojel ri cäquibij chiwe chi rajawaxic quibano, chibana', chinimaj ri qui tzij. Miban c'u iwe jas ri cäquibano. Ri e are, cäquibij jun jasach, jun chi c'u wi ri caquibano.

Ri Matey 24:10

E q'ui c'ut quetukar na pa ri qui cojonic; cäquijachala' na quib, cäquetzelala' na qui wäch.

Marcos 4:17

Man c'o ta c'u qui c'amal benak pa ri ulew, xane' xa quieb oxib k'ij cäquich'ijo. Aretak c'ut cäquirik c'ax o quebokatax rumal rech ri tzij, chanim quetzakic.

Ri Lucax 12:47

Ri pataninel ri', ri cuch'ob ri u rayibal ri rajaw, man xusuc'umaj ta c'u rib, mawi xuban ri u rayibal ri rajaw, ri are' sibalaj cäc'äjisax na u wäch cäch'ay na.

Ri Lucax 19:14

E are c'u ri e aj u tinimit ri cäquetzelaj u wäch, xequitak bic tako'n chrij che u bixic: ‘Man cäkaj taj chi we achi ri' cux kajawinel.’

Ri Lucax 19:27

E are tak c'ut ri qui banom qui c'ulel chwe, ri man xcaj taj chi c'o nu takanic paquiwi', chebic'am ulok, chebicämisaj chnuwäch.’ ”

Ri Lucax 6:46

“¿Jasche quibij ‘Ajawaxel, Ajawaxel’ chwe, man quiban ta c'ut jas ri quinbij chiwe?

Ri Lucax 6:48

Are' junam ruc' jun winak ri xuyac jun ja, ri xuc'ot ri u c'olbal, naj xukasaj, xucoj ri u tac'alibal puwi' abaj. Aretak xpe jun nimalaj jäb, xnimar ri nima', xupujij rib chrij ri ja ri', man xcuin ta c'u che u yicopisaxic, rumal rech chi kas utz u yaquic banom.

Ri Lucax 7:1

Aretak xto'taj che u tzijoxic ronojel wa' chque ri winak ri quetatabenic, xbe ri Jesus pa Capernaum.

Ri Xuan 15:2

Conojel ri nu k'ab ri man quewächin taj, ri are' queresaj na. Conojel ri nu k'ab ri quewächinic, ri are' quebujosk'ij rech cutakej wächinic.

Hechos 20:29

Weta'm c'ut chi aretak in benak chic, queboc na winak chixo'l e je ta ne c'a'nalaj tak utiw, ri cäcan na c'ax chque ri jumulaj chij.

Hechos 26:11

Q'ui mul xinc'äjisaj qui wäch pa tak ri ja ri cäquitijoj wi quib ri aj judeyib che ri pixab. Xincoj chuk'ab chque che u k'ilic quib che ri qui cojonic. Sibalaj xpe woyowal chquij, c'ä xinoc pa tak ri tinimit ri man e aj kuc' taj che qui c'axc'obisaxic.”

1 Tesalonicenses 3:5

Rumal ri', xukuje' ri in man xink'i' ta chic ma ta quinwil i wäch. Xintakan c'ut rech quetamax ri i cojonic, we ne xixtakchi'x che mac rumal ri takchinel, man c'o ta c'u u patan ri' ri c'axalaj ka chac.

2 Pedro 2:20

Aretak e animajinak chquiwäch ri tz'ilol re ri uwächulew rumal ri retamaxic u wäch ri Ajawaxel xukuje' ri Colonel Jesucrist, we c'u qui caralij chi jumul quib chupam, sibalaj c'ax na ri' cäquiriko chuwäch ri nabe.

1 Juan 2:19

Kuc' xebel wi bic, man c'u e jun taj kuc'. We ta e jun kuc', xec'oji' ta ri' kuc'. Xebel c'u bic, jeri' k'alaj chi man conojel taj e jun kuc'.