Ri Lucax 6:42 - Quiché Bible

⁴² ¿La cuya' lo cabij che ri awachalal: ‘Wachalal, chaya' chi quinwesaj na ri mes ri c'o pa ri a bak'wäch’, man cawil ta c'u ri cuta'm ri c'o pa ri a bak'wäch at? Xa' quieb a wäch, nabe chawesaj ri cuta'm pa ri a bak'wäch at. C'äte ri' kas catca'y che resaxic ri mes pa ri u bak'wäch ri awachalal.”

RI KꞌAKꞌ TESTAMENTO PA TZIJOBꞌAL KꞌICHEꞌ

⁴² ¿Jas kꞌu che kabꞌij: “Wachalal, chaya bꞌe chwe kinwesaj ri nitzꞌ mes ri kꞌo pa ri abꞌoqꞌoch”? Katkwin ta kꞌut kawil jun jastaq chik, xwi ya kawil ri kutaꞌm ri kꞌo pa ri abꞌoqꞌoch at. ¡Kawach! Nabꞌe chawesaj ri kutaꞌm ri kꞌo pa ri abꞌoqꞌoch, rech katkwinik kawilo jas kabꞌan chi resaxik ri nitzꞌ mes ri kꞌo pa ubꞌoqꞌoch ri awachalal.

K'iche'

⁴² Je' ta ne chi cabij che ri awachalal: “Chaya chwe chi quinwesaj cok ri alaj mes ri c'o pa ra wak'äch,” —catcha che. ¡Xak quieb a wäch! Man cawil tä c'u ri tem ri c'o pa ra wak'äch at. Nabe rajwaxic casuc'umaj ri a c'aslemal at je' ta ne chi cawesaj bi jun tem pa ra wak'äch. Te c'u ri' kas utz catca'y na che resaxic cok ri alaj mes pa ru wak'äch ri awachalal ri je' ta ne xa jun mac ri man nim taj, —xcha ri Jesús.

K'iche' (New Orthography)

⁴² Je' ta ne chi kab'ij che ri awachalal: “Chaya chwe chi kinwesaj koq ri alaj mes ri k'o pa ra waq'äch,” —katcha che. ¡Xaq kieb' a wäch! Man kawil tä k'u ri tem ri k'o pa ra waq'äch at. Nab'e rajwaxik kasuk'umaj ri a k'aslemal at je' ta ne chi kawesaj b'i jun tem pa ra waq'äch. Te k'u ri' qas utz katka'y na che resaxik koq ri alaj mes pa ru waq'äch ri awachalal ri je' ta ne xa jun mak ri man nim taj, —xcha ri Jesús.

Ri Lucax 6:42 ပူးပေါင်းရင်းမြစ်များ

E C'ambal tak Tzij 18:17

Ri cuto' rib nabe je ta ne ri kastzij ri cubij, c'ä copan na ri cac'ulelanic ri cubij na chi man je taj.

Ri Matey 26:75

Xnataj c'u che ri Lu' ri u tzij ri Jesus, ri xubij: “C'ä majok cok' ri ama' ec', oxmul cabij na chi man aweta'm ta nu wäch.” Xel c'u apanok ri Lu', xok' ruc' c'ayil.

Ri Matey 7:3

¿Jasche caca'yej ri mes ri c'o pa ri u bak'wäch ri awachalal, man cawil ta c'ut ri cuta'm ri c'o chupam ri a bak'wäch at?

Ri Matey 7:4

We c'u ri at c'o jun cuta'm chupam ri kas a bak'wäch, ¿jas ta c'u ri cabano catcuinic cabij che ri awachalal: ‘Chaya' c'olbal chwe quinwesaj ri pajo ri c'o chupam ri a bak'wäch?’

Ri Lucax 13:15

Xch'aw c'u ri Ajawaxel, xubij che: “Ri ix xa' quieb i wäch. Pa jun k'ij re uxlanem, ¿la ma ta iwonojel quiquir ri i wacax o ri i bur pa ri recha'bal, quic'am c'u bic che u ya'ic u ja'?

Ri Lucax 22:32

Xinbochi'n c'u pawi', rech man caya' ta can ri a cojonic. Ri at c'ut, aretak chaq'uex chi na a c'u'x, chaya' qui chuk'ab ri awachalal.”

Ri Lucax 6:41

¿Jasche caca'yej ri mes ri c'o pa ri u bak'wäch ri awachalal, are c'u ri cuta'm ri c'o pa ri a bak'wäch at, man cawil taj?

Ri Lucax 6:43

“Man c'o ta jun utzalaj che' ri cuya' ta u wächinic ri man utz taj. Mawi c'o jun che' ri man utz taj ri cuya' ta utzalaj u wächinic.

Hechos 13:10

xubij: “¡Ay, at nojinak che ronojel subunic, che ronojel etzelal, at ralc'ual ri itzel, a banom a c'ulel che ronojel suq'uilal! ¿La ma ta catanaba' u jech'baxic ri suc'alaj u be ri Ajawaxel?

Hechos 2:38

Ri Lu' xutzelej u bixic chque: “Chq'uexa' c'u'x alak, chban c'ut ri bautism alak pa ri u bi' ri Jesucrist chjujunal alak, chuc'utic chi e cuyutajinak chic ri mac alak, cäc'am c'u alak ri cochinic ri are' ri Ruxlabal ri Dios.

Hechos 8:21

Ri at man ya'tal ta jubik' chawe chi cac'amowaj, man suc' ta c'ut ri awanima' chuwäch ri Dios.

Romanos 2:1

Rumal c'u ri', man c'o ta cawesaj wi awib, xa' ta ne at apachinok ri catk'atow tzij. Aretak c'u cak'at tzij puwi' jun chic, cätajin cac'am ulok c'ax pawi' chbil awib. Ri at c'ut ri catk'atan tzij, xa' junam caban ruc' ri jun ri cak'at tzij puwi'.

2 Corintios 5:18

Ronojel wa' are u banoj ri Dios, ri rumal ri Crist xujuya' pa jamaril kas ruc' are', xubij c'u chke chi chkabana' tok'ob chekaya' conojel ri winak pa jamaril ruc' ri Dios.

2 Timoteo 2:21

Jeri' xukuje' we jun cujosk'ij rib, xukuje' man cuban ta ri etzelal, are ri' nim quil wi, tastalic winak, c'o c'u u patan che ri Ajawaxel, suc'umam che ronojel u wäch utzalaj tak chac.

2 Pedro 1:9

Apachin c'u ri man cuban ta we jastak ri', moy, man naj ta cäca'y wi, sachinak pa u jolom chi e ch'ajtajinak chic ri ojer tak u mac.