Ri Lucax 6:25 - Quiché Bible

²⁵ ¡C'ax iwe, ri ix nojinak rumal rech chi quixnum na! ¡C'ax iwe ix ri quixtze'n camic, rumal rech chi quixok' na rumal bis!

RI KꞌAKꞌ TESTAMENTO PA TZIJOBꞌAL KꞌICHEꞌ

²⁵ Nimalaj kꞌaxkꞌolal iwayeꞌm ri kixnoꞌjitajik, xuqujeꞌ ixchomaꞌq. Rumal cher kape na jun nimalaj wiꞌjal pa iwiꞌ. Nimalaj kꞌaxkꞌolal iwayeꞌm ix ri kixtzeꞌn kamik rumal cher ri itzeꞌ kakꞌexetaj na pa oqꞌej xuqujeꞌ pa kꞌax.

K'iche'

²⁵ Tok'ob i wäch ix ri sibalaj c'o quitij cämic rumal chi cäpe ri k'ij ri sibalaj quixnum na. Tok'ob i wäch ix ri xa quixtze'n ruc' quicotemal cämic rumal chi quixbison na, quixok'ic.

K'iche' (New Orthography)

²⁵ Toq'ob' i wäch ix ri sib'alaj k'o kitij kämik rumal chi käpe ri q'ij ri sib'alaj kixnum na. Toq'ob' i wäch ix ri xa kixtze'n ruk' kikotemal kämik rumal chi kixb'ison na, kixoq'ik.

Ri Lucax 6:25 ပူးပေါင်းရင်းမြစ်များ

Salmib 49:19

copan na ri k'ij aretak cäcämic, man cäril ta chi c'u ri chäj.

E C'ambal tak Tzij 14:13

Cak'oxow ne ri anima'aj rumal ri tze', chuq'uisbalil c'ut ri jajatem cäq'uis pa ok'ej.

E C'ambal tak Tzij 30:9

we c'u ne c'o u wi' cäto'tajic wuc'; cuya' ri' cäsach la pa nu jolom, quinbij ta c'ut chi man weta'm ta wäch la; we c'u man cubana' chwe cuya' ri' quineläk'ic, quinya' c'u ri tastalicalaj bi' la pa yok'ic.

Ri Tzijonel 2:2

Xinch'ob c'ut chi ri tze' xukuje' ri cäkaj chwächaj man c'o ta cupatanij.

Ri Tzijonel 7:3

Are utz na ri ok'enic chuwäch ri t, cäraj ne caretzelaj ri palajaj utz c'u cuban na che ri anima'aj.

Ri Tzijonel 7:6

Ri e u tze' ri man c'o ta u no'j quejunamataj cuc' ri qui kuch'uch'ic ri xic'ay q'uix pa ri k'ak', xukuje' wa' man c'o ta u beya'l, xak lok'.

Ri Isaiy 28:7

E c'o chi c'u niq'uiaj ri quebak'ot rumal ri u wa'l uva quepajlobic quebak'otilobic rumal ri k'obisam u wa'l uva: e cojol tabal tok'ob xukuje' e k'axal tzij quebak'otilobic cumal ri k'obisam u wa'l uva; queconir rumal ri u wa'l uva, quebak'otilobic cumal tak ri k'obisam u wa'l uva, quebak'otilobic aretak quequil c'utwächinic e k'abarelab aretak caquik'at tzij.

Ri Isaiy 65:13

Rumal ri' cubij ri Ajawaxel: “Ri e pataninelab tak wech c'o na cäquitijo, are c'u ri ix quina' na wi'jal ri e are c'o na cäcuq'uiaj, are c'u ri ix quina' na chakij chi' ri e are quequicot na, are c'ut ri ix quixcanaj pa q'uixbal;

Ri Isaiy 8:21

Ri winak quexulic, quepakic, qui rikom c'ax xukuje' quenumic, rumal c'u ri numic cäpe na coyowal. Cäquic'okoj na ri qui ajawinel xukuje' tak ri e qui dios. Queca'y na chicaj

Ri Amos 8:10

Quebenq'uex na tak ri nimak'ij pa cok'exic cäminakib, ri e tak bix pa bit'oj tak ib cuc' cäminakib; quinban na chi quebicoj tak atz'iak re bis, quebitolorisaj c'ut ri i jolom che u c'utic ri c'axc'ol. Quejuyuw c'u na jacha' ri cuban ri xutzak jun u c'ojol ri xa' jun c'olic ronojel c'ut cäq'uis na pa c'ayil.”

Ri Nahum 1:10

Ix jacha' q'uix ri qui quemom tak quib, jacha' ri chaki'j u xak k'ayes, kas quixporox na.

Ri Lucax 12:20

Xubij c'u ri Dios che ri achi ri': ‘Ri at man c'o ta aweta'm. Camic chak'ab catcämic. Are c'u ri jastak ri a c'olom, ¿jachin lo quechbenic?’

Ri Lucax 13:28

Chila' c'ut quixok' wi na xukuje' quikuch'uch'ej na ri e i ware, aretak quebiwil ri Abraham, ri Isaac xukuje' ri Jacob pa ri rajawibal ri Dios cuc' conojel ri k'axal tak tzij, ri ix c'ut ix yo'm apan jela'.

Ri Lucax 6:24

¡C'ax iwe, ri ix k'inomab, rumal rech chi xcu'bisax i c'u'x!

Ri Lucax 6:26

¡C'ax iwe aretak utz i tzijol cumal conojel ri winak, je c'u wa' xquiban ri qui mam we winak ri' cuc' ri subunelab tak k'axal tak tzij!”

Ri Lucax 8:53

Ri winak xquitze'j u wäch. Queta'm c'ut chi cäminak chic.

Efesios 5:4

Mibij q'uixbalalaj tak tzij, mawi conalaj tak tzij. Miwetz'bej qui wäch niq'uiaj winak chic. Are jastak wa' man takal ta chiwe. Xane' quixmaltioxin che ri Dios.

1 Tesalonicenses 5:3

Aretak cäquibij ri winak: “Utz uj c'olic, man c'o ta cäkac'ulmaj”, c'äte ri' cäpe na ri sachbal wächaj paquiwi' jas ri u k'oxowem ri ixok ri yawab winak. Man cato'taj ta c'ut.

Santiago 4:9

Chk'oxow ri iwanima', chixbisonok, chixok'ok. Ri i tze' chq'uextaj pa ok'ej, ri i quicotemal chq'uextaj pa bis.

Apocalipsis 3:17

Cabij c'ut: In k'inom, utz in c'olic, man c'o ta jas rajawaxic chwe. Man aweta'm taj chi sibalaj at c'okotajinak, tok'ob c'u a wäch, at meba', at moy, at ch'analic.

Nabe Samuel 2:5

Ri sibalaj oc'owinak ulok u wi' ri cäquitijo, camic cäquiya' quib pa moquic xa rumal u rikic juba' wa; e are' c'ut ri c'o quinumic, man quenum ta chic. Ri ixok ri man cäcuin taj quec'oji' ral, wukub mul alc'ualinak chic; are c'u ri sibalaj calc'ualanic, camic xa jumul xyututiric.