Ri Lucax 5:12 - Quiché Bible

¹² Aretak c'o ri Jesus pa jun chque ri tinimit, c'o c'u jun achi chila', sibalaj yawab che ch'a'c. Aretak ri are' xril ri Jesus, xxuquic, xukasaj ri u palaj cho ri ulew. Xubochi'j ri Jesus, xubij che: “Ajawaxel, we caj la, cäcuin la che nu josk'ixic.”

RI KꞌAKꞌ TESTAMENTO PA TZIJOBꞌAL KꞌICHEꞌ

¹² Ri Jesús are xopan pa ri jun leꞌaj xuriq jun achi nojinaq che chꞌaꞌk. Ri achi are xrilbꞌej rech ri Jesús, xukiꞌk, xuya ri upalaj pa ri ulew, xuta toqꞌobꞌ che kakunaxik jewaꞌ xubꞌij: Wajaw, we kaj la, chinkunaj la xuqujeꞌ chinchꞌojchꞌobꞌej la.

K'iche'

¹² Aretak ri Jesús c'o pa jun tinimit chic, xopan jun achi ruc', ri sibalaj yawab, ri c'o itzel ch'a'c che. Ri achi, aretak xril ri Jesús, xupachba rib chuwäch. Xuchap u bochi'xic, xubij: Tat, we caj la cäcowin la che nu cunaxic, —xcha'.

K'iche' (New Orthography)

¹² Aretaq ri Jesús k'o pa jun tinimit chik, xopan jun achi ruk', ri sib'alaj yawab', ri k'o itzel ch'a'k che. Ri achi, aretaq xril ri Jesús, xupachb'a rib' chuwäch. Xuchap u b'ochi'xik, xub'ij: Tat, we kaj la käkowin la che nu kunaxik, —xcha'.

Ri Lucax 5:12 ပူးပေါင်းရင်းမြစ်များ

Chapletajic 18:14

¿La c'o ta c'u lo jun jasach ri ma ta cäcuin ri Ajawaxel che u banic? Che ri jun junab chic junab ak'anok quinpe na che a solixic, pa ri k'ij ri' ri Sara c'o chic jun ral ala.”

Nabe Ajawinelab 18:39

Aretak xilitaj wa', conojel ri winak xquimej quib c'ä xquiya' na ri qui palaj cho ri ulew, xquibij c'ut: “¡Ri Ajawaxel are' ri Dios, ri Ajawaxel are' ri Dios!”

Ucab Ajawinelab 5:1

C'o jun achi Naaman u bi', qui nimal rajch'ojab ri ajawinel re Siriy, sibalaj lok' xukuje' sibalaj cätok'obisax u wäch rumal ri rajawinel, rumal chi ri Ajawaxel u yo'm ri ch'äcanic che ri Siriy rumal rech are'. Yawab c'ut we achi ri' c'o chuwilaj ch'a'c chrij.

Ucab Ajawinelab 5:27

Rumal c'u rech wa', ri u ch'a'c ri Naaman cusipaj na rib chawe xukuje' chque ri awija'lil amak'el.” Aretak xel bic ri Jiez chuwäch ri Elisey, nojinak che ch'a'c ri sibalaj sak niquinoj jacha' ri sakalaj tew.

Ucab Ajawinelab 7:3

E c'o c'u, quiejeb achijab ri c'o chuwilaj ch'a'c chquij ri e c'o chrij ri u chi' ri tinimit je xquibij wa' chquixo'l: “¿Jas ri cätajin cäkaban waral xak uj t'uyut'uj xuwi keye'm ri ka cämical?

Nabe Tzijobelil 21:16

Xca'y c'u apan ri David, xril apan ri u tako'n ri Ajawaxel chi c'o chuxo'l ri caj ruc' ri ulew, ruc'am jun ch'ich' re ch'o'j ch'anal pa u k'ab, ri are' cätajin cuc'ut ri Jerusalen. Are' c'u ri David xukuje' ri nimak tak tatayib, e qui cojom wakwoj tak atz'iak, xquimejela' quib cho ri ulew c'ä xquiya' na ri qui palaj cho ri ulew,

Salmib 50:15

Chinasiq'uij aretak at c'o chupam ri c'axc'olil; in catinwesaj na chupam ri c'axc'olil, ri at c'ut caya' na nu k'ij.

Salmib 91:15

Aretak quinusiq'uij, quintzelej na u wäch ri u tzij; ¡in quinc'oji' na ruc'! Quinwesaj na chupam ri c'ax quinya' na u k'ij;

Elem 4:6

Xutakej u bixic ri Ajawaxel che ri Moises: “Chanima' ri a k'ab pa ri a tolec'.” Ri Moises xunim ri u k'ab pa ri u tolec', aretak xresaj, xrilo chi ch'acarinak chic che ch'a'c ri sibalaj sak jacha' ri tew.

Aj Levitib 13:16

We c'u ne cuq'uex rib ri quiäk ti'j, cäsakar chi jumul, ri yawab rajawaxic cuc'utu chi na rib chuwäch ri cojol tabal tok'ob

Aj Levitib 9:24

Xel ulok k'ak' chuwäch ri Ajawaxel, xuporoj ri awaj ri poroxic rij, xukuje' tak ri xepo ri c'o puwi' ri porobal. Aretak xquil conojel ri aj israelib xquirak qui chi' ruc' quicotemal, xquimej quib c'ä xquiya' na ri qui palaj cho ri ulew.

Ri Matey 26:6

C'o c'u ri Jesus pa Betan, cho rachoch ri Simon, ri xc'oji' ch'a'c chrij.

Ri Matey 9:28

Aretak xopan cho ja, xekeb ri quieb moyab ruc'. Ri Jesus xubij chque: “¿La quicojo chi quincuin che u banic wa'?” Xquibij che: “Je', Kajaw.”

Marcos 5:23

Sibalaj xubochi'j, xubij: “Ri nu mia'l cämic cubano. Saj la, cheya' ri k'ab la puwi' rech cutziric, cäc'asi c'ut.”

Ri Lucax 17:16

Xxuqui' chuwäch ri Jesus, xukasaj ri u palaj cho ri ulew, xumaltioxij che. Ri are' c'ut aj Samar.

Ri Lucax 5:13

Ri Jesus xuyuk ri u k'ab, xunak ocok, xubij: “Quinwaj, chatjosk'itajok.” Chanim c'ut xel ri ch'a'c che.

U Camulixic ri Pixab 24:8

We ne c'o ch'a'c, ruc' tz'akatil chibana' ronojel ri caquibij ri e cojol tabal tok'ob aj levitib chiwe. Rajawaxic quiban ronojel je jas ri takanic ri nu yo'm chque.

Hebreos 7:25

Jeri' cäcuin che qui colic chbe k'ij sak ri winak ri quekeb ruc' ri Dios rumal are', rumal rech chi c'asal amak'el rech cubochi'j ri Dios paquiwi'.

Ri Josue 5:14

“Mawi ri jun mawi ri jun chic,” xcha' ri achi. “In petinak jacha' che c'amal qui be ri rajch'ojab ri Ajawaxel.” Xpe c'u ri Josue xumej rib c'ä xuya' na ri u palaj cho ri ulew, xuc'ot c'u u chi': “¿Jas ri takanic cuya' ri Wajaw che we pataninel ech la ri'?”