Ri Lucax 4:40 - Quiché Bible

⁴⁰ Aretak xkaj ri k'ij, conojel ri c'o yawabib cuc' re ronojel u wäch yabil, xequic'am ulok chuwäch ri Jesus. Ri are' xuya' ri u k'ab paquiwi' chquijujunal, xebucunaj.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴⁰ Are xsaqirik, ri e winaq rech taq ri leꞌaj xeꞌkikꞌam bꞌik ri e kachalal ri e yawabꞌibꞌ rech kekunax kan rumal ri Jesús. Xapakux kꞌu ne ri yabꞌil ri kꞌo chike, xuꞌtzirik are xechap rumal ri Jesús.

K'iche'

⁴⁰ Aretak kajem cuban ri k'ij, conojel ri e c'o yawabib cuc' xequic'am lok chuwäch ri Jesús. Pune q'uia u wäch ri yabil ri e c'o chque ri winak, xcowin ri Jesús che qui cunaxic. Xuya ru k'ab pa qui wi' chquijujunal rech queutziric.

K'iche' (New Orthography)

⁴⁰ Aretaq qajem kub'an ri q'ij, konojel ri e k'o yawab'ib' kuk' xekik'am loq chuwäch ri Jesús. Pune k'ia u wäch ri yab'il ri e k'o chke ri winaq, xkowin ri Jesús che ki kunaxik. Xuya ru q'ab' pa ki wi' chkijujunal rech keutzirik.

Ri Lucax 4:40 ပူးပေါင်းရင်းမြစ်များ

Ri Matey 11:5

Ri moyab, queca'yic chic. Ri ch'ocojib quebin chic. Ri c'o ch'a'c chquij quecunatajic. Ri man queta'm taj, queta'm chic. Ri cäminakib quec'astajic. Chque ri mebayib cätzijox wi ri utzalaj tzijol.

Ri Matey 14:13

Xetamataj c'ut rumal ri Jesus ri xc'ulmatajic, xel bic chila' pa jun jucub man c'o ta jun xnabenic, xbe pa ri chaki'j uwo sak pa u tuquiel wi. Aretak xetamataj cumal ri winak, xebel ulok pa tak ri tinimit. Xquiterenej chicakan.

Marcos 3:10

Xebucunaj e q'ui winak, jeri' chi conojel ri yawabib caquich'iquimila' quib che u chapic ri Jesus.

Marcos 5:23

Sibalaj xubochi'j, xubij: “Ri nu mia'l cämic cubano. Saj la, cheya' ri k'ab la puwi' rech cutziric, cäc'asi c'ut.”

Marcos 6:5

Man xcuin ta c'u che u banic jun nimalaj mayibal chila'. Xuwi xebuya' ri u k'ab paquiwi' quieb oxib yawabib, xebucunaj c'ut.

Hechos 19:12

Jeri' chi xukuje' ne tak ri su't o atz'iak ri quebunak ri u cuerp quec'am bic chque tak ri yawabib, quecunataj c'u wa' chque tak ri qui yabilal, xukuje' ri e itzel tak uxlabal quebel bic chque.

Hechos 5:15

Jeri' chi quequesaj ulok ri yawabib pa tak ri be, e c'o cho tak qui pop, e c'o cho tak qui soc, rech aretak coc'ow ri Lu', pune' ta xak xuwi ri u nanoch' cäkaj puwi' jun chque.