Ri Lucax 4:35 - Quiché Bible

³⁵ Ri Jesus xuyajo, xubij: “Chatz'apij u pa chi', chatel che we achi ri'.” C'äte ri' ri itzel uxlabal xuq'uiak ri achi pa qui niq'uiajil ri winak, xel bic che, man c'o ta c'ax xuban can che.

RI KꞌAKꞌ TESTAMENTO PA TZIJOBꞌAL KꞌICHEꞌ

³⁵ Ri Jesús xubꞌij che: Chatuxlanoq, xuqujeꞌ chatel bꞌik che we achi riꞌ. Che ri qꞌotaj riꞌ, ri itzel uxlabꞌal xutzaq ri achi pa ri ulew. Xel kꞌu bꞌik ri itzel uxlabꞌal man xubꞌan ta chi kꞌax che ri achi.

K'iche'

³⁵ Ri Jesús xuyajo, xubij: ¡Chatz'apij u pa chi', chatel che ri achi! —xcha che. Te c'u ri' ri itzelalaj espíritu xuq'uiäk ri achi cho ulew chquixol ri winak, xel bic, man c'o tä c'äx xuban can che.

K'iche' (New Orthography)

³⁵ Ri Jesús xuyajo, xub'ij: ¡Chatz'apij u pa chi', chatel che ri achi! —xcha che. Te k'u ri' ri itzelalaj espíritu xuk'iäq ri achi cho ulew chkixol ri winaq, xel b'ik, man k'o tä k'äx xub'an kan che.

Ri Lucax 4:35 ပူးပေါင်းရင်းမြစ်များ

Salmib 50:16

Che c'u ri banal etzelal ri Dios cubij che: ¿Jas ta ri awe at che chi quebanataj tak ri e nu pixab o canataj ri nu c'ulwächinic?

Ri Zacariy 3:2

Xubij c'ut ri aj cajalaj u tako'n ri Ajawaxel che ri tako'n aj caj ri tzujunel: “¡Ri Ajawaxel chatk'ilowok! ¡Are' ri Ajawaxel, ri calok'ok'en ri Jerusalen, chatyajowok! Are c'u we winak ri' xak junam ruc' jun ak'al ri canicowic ri esam ulok chquixo'l tak ri rachak k'ak'.”

Ri Matey 17:18

Ri Jesus xuyaj ri itzel uxlabal. Ri uxlabal c'ut xel che ri ala, xutzir c'ut pa ri jok'otaj ri'.

Ri Matey 8:26

Xubij ri Jesus chque: “¿Jasche quixe'j iwib, ri ix xa' jubik' ri i cojonic?” Xwalij c'ut, xuyaj ri quiakik' xukuje' ri ja'. Chanim c'u xtänic. Xpe c'u nimalaj jamaril pa ri cho.

Marcos 1:26

Ri itzel uxlabal xuyäcya' ri achi, xurakakej u chi', xel bic che.

Marcos 4:39

Xc'astaj c'u ri Jesus, xuyaj ri quiakik', xubij che ri cho: “Chattanalok, xa jun chatc'ol wi.” Xtäni' c'u ri quiakik', xlilob ronojel.

Marcos 9:26

Ri uxlabal xurak u chi', sibalaj xubak'atij ri ala, xel bic. Xcanaj can ri ala je ta ne cäminak chic. Jeri' e q'ui xquibij chi xcämic.

Ri Lucax 11:22

We c'u cäpe jun chrij ri c'o na u chuk'ab chuwäch ri achi ri', cuch'äc c'ut, queresaj bic conojel ri u ch'ojibal tak ri jiquil wi u c'u'x. Quebujach chquiwäch ri rachil ri jastak ri xebutokij bic.

Ri Lucax 4:23

Ri Jesus xubij chque: “Kastzij quibij na we tzij ri' chwe: ‘¡Aj cun, chacunaj awib! Conojel jastak ri e ka tom ri xeban pa Capernaum, chabana' xukuje' waral pa we awulew ri'.’ ”

Ri Lucax 4:39

Ri Jesus xket ruc' ri chuchu', xtaq'ui' cok che rilic. Xuyaj ri nimalaj k'ak', xtäni' c'u ri k'ak' che. Chanim xwalij ri chuchu', xebupatanij.

Ri Lucax 4:41

Xukuje' xebel itzel tak uxlabal chque q'ui, cäquirak qui chi', cäquibij: “At ri' ri u C'ojol ri Dios.” Xeyaj c'ut rumal ri Jesus, man xuya' ta chque chi quetzijonic, rumal rech chi queta'm chi ri Jesus are' ri Crist.

Ri Lucax 8:24

Xekeb ruc' ri Jesus, xquic'asuj, xquibij: “¡Kajtij, Kajtij, cäsach ka wäch!” Aretak xc'astajic, xuyaj ri quiakik', xuyaj ri u k'et ri ja'. Xetänic, ri c'ax xelilobic c'ut.

Ri Lucax 9:39

Chilampe' la, amak'el cächap rumal jun uxlabal, xak c'ätetal curak u chi'. Ri uxlabal cuq'uiak jela', cupuluwisaj u pu chi', cuban c'ax che, xukuje' man cäraj taj cutzokopij.

Ri Lucax 9:42

Aretak cätajin cäkebic, ri itzel uxlabal co xuq'uiak ri ala pa ulew, xubak'atila'. Ri Jesus xuyaj ri itzel uxlabal, xucunaj ri ala, xujach bic che ri u tat.

Apocalipsis 12:12

Rumal rech wa', chixquicotok, caj xukuje' ri ix ri ix jekel pa ri caj. ¡C'ax iwe ri ix ri ix c'o cho ri uwächulew xukuje' ri e c'o pa ri plo, rumal rech chi kajinak bic ri itzel iwuc', sibalaj c'o royowal! Reta'm c'ut chi xa quieb oxib k'ij chic c'olic.