Ri Lucax 3:8 - Quiché Bible

⁸ Chibana' wächinic ri takal che q'uexoj c'uxaj. Michaplej c'u u bixic pa iwanima': ‘C'o ri Abraham che ka tat.’ Quinbij c'u chiwe, chi ri Dios cäcuinic quebuban rija'l ri Abraham chque tak we abaj ri'.

RI KꞌAKꞌ TESTAMENTO PA TZIJOBꞌAL KꞌICHEꞌ

⁸ Qas utz chixnoꞌjinoq rech qas kaqꞌalajinik chi qas xikꞌex ikꞌuꞌx. Man kixkwin ta kꞌut kibꞌij: “Are qatat ri Abraham.” Rumal kinbꞌij chiꞌwe chi ri Dios kakwinik kubꞌano chi kekꞌiy ralkꞌwaꞌl ri Abraham chike we abꞌaj riꞌ.

K'iche'

⁸ Bana ba' alak ri takal u banic ri cuk'alajisaj chi kas tzij xq'uextaj anima' alak. Mächaplej alak u bixic xol tak alak: “Utz ke rumal chi ri uj, uj rachalaxic ri ka mam Abraham,” —mächa ne alak. Quinbij na chech alak chi ri Dios cäcowin chubanic chque tak we abaj ri' chi e rachalaxic chic ri ka mam Abraham, —cächa'.

K'iche' (New Orthography)

⁸ B'ana b'a' alaq ri taqal u b'anik ri kuq'alajisaj chi qas tzij xk'extaj anima' alaq. Mächaplej alaq u b'ixik xol taq alaq: “Utz qe rumal chi ri uj, uj rachalaxik ri qa mam Abraham,” —mächa ne alaq. Kinb'ij na chech alaq chi ri Dios käkowin chub'anik chke taq we ab'aj ri' chi e rachalaxik chik ri qa mam Abraham, —kächa'.

Ri Lucax 3:8 ပူးပေါင်းရင်းမြစ်များ

Ri Nehemiy 5:11

Quixinbochi'j c'ut xukuje' chi kas camic chebitzelej tak ri culew, ri uva tak ri e qui ticom, ri qui che'al tak aseitun xukuje' tak ri cachoch, chebichupu' c'u tak ri qui c'as ri c'o tak iwuc', we puak, we trico, we u wa'l uva, we aseit.”

Ri Ezequiel 33:24

“Ri winak ri e jekel chquipam tak ri u tinimit ri Israel ri e etzeletajinak, je qui takem u bixic wa': ‘Ri Abraham xa' jun winak, pune' je u banic wa', xux ajchak'e ri ulew; c'o c'u na cubij chke uj, ri sibalaj uj q'ui, cujux na uj ajchak'e ri ulew.’

Ri Matey 21:43

Rumal c'u ri' quinbij chiwe, chi ri rajawibal ri Dios quesax na chiwe, cäya' c'u na chque ri winak ri cäquiya' na ri u wächinic.

Ri Matey 3:8

Chebibana' ba wächinic ri takal che q'uexoj c'uxaj.

Ri Matey 3:9

Michomaj u bixic pa iwanima': ‘Ri Abraham are' ri ka mam.’ Quinbij c'u chiwe, chi ri Dios cäcuinic cuban rija'l ri Abraham chque tak we abaj ri'.

Ri Lucax 13:25

Aretak c'u walijinak chic ri rajaw ja, aretak u tz'apim chi ri uchi'ja, quixpe ix, quixtaq'ui' cho ja, quic'orc'a' ri uchi'ja, quibij: ‘Kajaw, Kajaw, jaka' la chkawäch.’ Ri are' cubij na chiwe: ‘Man quinch'ob ta i wäch ix jawije' quixpe wi.’

Ri Lucax 13:26

C'äte ri' quichaplej na u bixic: ‘Uj wokinak chwäch la, uj uq'uianinak chwäch la, xetijoj la ri winak pa tak u be ri ka tinimit.’

Ri Lucax 14:9

Cäpe c'u ne ri xixsiq'uinic, cubij chawe: ‘Chaya' ri a c'olbal che we jun ri'.’ C'äte ri' catq'uixic, catbec, cac'am ri c'olbal ri man nim ta u banic.

Ri Lucax 19:40

Ri Jesus xubij chque: “Quinbij chiwe chi we ta ma ta quech'aw ri e are', ri abaj cäquirak na qui chi' ri'.”

Ri Lucax 19:9

Ri Jesus xubij che: “Camic xul ri colotajic pa we ja ri', xukuje' rumal chi we achi ri' xukuje' are rija'l ri Abraham.

Ri Lucax 5:21

C'äte c'u ri' ri ajtijab re ri pixab xukuje' ri pariseyib xquichaplej chomanic pa canima', xquibij: “¿Jachin wa', ri cuc'ulelaj ri Dios? ¿Jachin ta ri cäcuin che u sachic mac, xane' xuwi ri Dios?”

Ri Xuan 8:33

Xquibij che: “Ri uj uj rija'l ri Abraham. Man c'o ta jumul uj uxinak ta lok'om pataninelab che jun. ¿Jas c'u che cabij: ‘Quixtzokopitaj na’?”

Ri Xuan 8:39

Ri e are' xquibij che: “Ri ka tat are ri Abraham.” Ri Jesus xubij chque: “We ta kastzij ix ralc'ual ri Abraham, quiban ta c'u iwe ri' jas ri xuban ri Abraham.

Hechos 26:20

Xane' nabe xinya' u tzijoxic chque ri e c'o pa Damasc, xukuje' pa Jerusalen, xukuje' pa tak ri tinimit re Judey, xukuje' chque ri man aj judeyib taj. Xinbij chque chi chquiq'uexa' qui c'u'x, chchetzelej ruc' ri Dios. Xinbij chque chi aretak cäquiq'uex qui c'u'x, chquibana' utzalaj tak chac ri takal che ri q'uexoj c'uxaj.

Romanos 4:16

Jeri' ri winak ri quecojonic cäquirik na jas ri xchi'x ulok chi cäya' na chque rumal ri Dios. Xa' c'u rumal tok'ob cäquic'amo. Rech kas cäquirik na conojel ri e rija'l ri Abraham, man xuwi ta ri cäquinimaj ri pixab, xane' xukuje' ri c'o qui cojonic je jas ri u cojonic ri Abraham. Ri are' ri ka mam konojel.

Romanos 9:7

Man conojel taj ri e rija'l ri Abraham kas ta e ralc'ual, xane' u bim ri Dios che: “Ri e awija'l quepe na rumal ri Isaac.”

Filipenses 1:11

Ix nojinak chque tak wächinic re suq'uilal, ri e rumal ri Jesucrist che u juluwem xukuje' che u ya'ic u k'ij ri Dios.