Ri Lucax 24:5 - Quiché Bible

⁵ Ri ixokib xquixe'j quib, xquipachba' quib, xquikasaj ri qui palaj cho ri ulew. Xquibij c'u ri achijab chque: “¿Jasche quitzucuj ri c'aslic chquixo'l ri cäminakib?

RI KꞌAKꞌ TESTAMENTO PA TZIJOBꞌAL KꞌICHEꞌ

⁵ Xkixiꞌj kꞌu kibꞌ ri ixoqibꞌ, xexukiꞌk xkiya ri kipalaj pa ri ulew, ri achyabꞌ kꞌut xkibꞌij chike: ¿Jas che kitzukuj ri Kꞌaslik chikixoꞌl ri kaminaqibꞌ?

K'iche'

⁵ Xquixej c'u quib ri ixokib, xquipachba quib pulew. Xquibij c'u ri achijab chque: ¿Jas che quitzucuj ri c'aslic chquixol ri cäminakib?

K'iche' (New Orthography)

⁵ Xkixej k'u kib' ri ixoqib', xkipachb'a kib' pulew. Xkib'ij k'u ri achijab' chke: ¿Jas che kitzukuj ri k'aslik chkixol ri käminaqib'?

Ri Lucax 24:5 ပူးပေါင်းရင်းမြစ်များ

Ri Daniel 10:16

Xak c'ätetal c'u xpe jun ri cäjunamataj ruc' jun rija'l winak xuchap ri qui chi' ri nu chi'. Xinbij c'u che ri c'o chnuwäch: “Ajawaxel, we c'utwächinic ri' c'axc'obisam canok, resam ri nu chuk'ab.

Ri Daniel 10:19

xubij c'u chwe: ‘Maxe'j awib mawi matoc il. Ri Dios catulok'ok'ej; ¡chachajij anima' chc'ol c'u a chuk'ab! Aretak cätajin cätzijon wuc', xinna' chi xpe chajin anima' chwe, xinbij c'ut: Ajawaxel tzijom la wuc', e tzelem c'u la ri nu chuk'ab.’

Ri Lucax 1:29

Ri Mariy c'ut, xumay ri u tzij, xuchomaj jas quel wa', chi je u ya'ic rutzil nu wäch wa' rumal.

Ri Lucax 24:4

Xsach qui c'u'x ri ixokib rumal wa'. Xak c'u c'ätetal xequil quieb achijab xetaq'ui' chquixcut, cärepc'un ri catz'iak.

Ri Lucax 24:6

Man c'o ta waral, xane' xc'astaj bic. Chnataj chiwe jas ri xutzijoj can chiwe aretak c'ä c'o pa Galiley:

Hechos 2:24

Are c'u ri Dios xuc'astajisaj, xutzokopij chupam ri k'oxowem re ri cämical. Rumal rech chi ri cämical man xcuin taj xuchap canok.

Hebreos 7:8

Waral ri cäquic'am ri lajujil, e winak ri e cämel. Are c'u ri tz'ibatalic cubij chi ri Melquisedec ri xuc'am ri lajujil c'ä c'aslic.

Apocalipsis 1:18

In ri' ri c'aslic. Xincäm na. Chawilampe', in c'asal c'u chbe k'ij sak. C'o ri e u laweyil ri cämical wuc' xukuje' ri re ri qui c'olbal ri cäminakib.

Apocalipsis 2:8

“Chatz'ibaj che ri u tako'n re ri comon cojonelab pa Smirn: ‘Ri nabe xukuje' ri q'uisbal, ri xcäm na, c'asal chi c'ut, je xubij wa':