Ri Lucax 24:27 - Quiché Bible

²⁷ Xuchaplej c'u ulok ruc' ri u Tzij ri Moises xukuje' ri qui Tzij conojel ri e k'axal tak tzij. Xuk'alajisaj chquiwäch ri Tzij ri qui bim can chrij ri are' pa conojel ri Tz'ibatalic.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁷ Xuchapleꞌj kꞌu utzijoxik rij ri bꞌiꞌtal loq chirij kumal ri e qꞌalajisal taq rech ri utzij ri Dios, xuchapleꞌj la rukꞌ ri Moisés xuqujeꞌ konojel ri e qꞌalajisal taq rech ri utzij ri Dios, ri kitzꞌibꞌam loq pa ri uchoch wuj.

K'iche'

²⁷ Xuchaplej c'u u k'alajisaxic chquiwäch ri u tzij ri mam Moisés xukuje' ri qui tzij ri ojer tak k'alajisal re ru Lok' Pixab ri Dios jas ri qui tz'ibam can chrij ri Cristo.

K'iche' (New Orthography)

²⁷ Xuchaplej k'u u q'alajisaxik chkiwäch ri u tzij ri mam Moisés xuquje' ri ki tzij ri ojer taq q'alajisal re ru Loq' Pixab' ri Dios jas ri ki tz'ib'am kan chrij ri Cristo.

Ri Lucax 24:27 ပူးပေါင်းရင်းမြစ်များ

Chapletajic 12:3

Quebentewichi'j na ri catquitewichi'j, quebenc'okoj na ri catquic'okoj; conojel ri winak cho ri uwächulew cäquirik na tewichibal rumal awech.”

Chapletajic 22:18

conojel c'ut ri nimak tak tinimit cho ri uwächulew caquirik na tewichibal rumal quech. Rumal rech chi at nimaninak chwe.’ ”

Chapletajic 26:4

Quinbana' na chi ri e awija'lil quebux na sibalaj e q'ui e jacha' ri ch'imil ri e c'o cho ri caj, quinya' c'u na ronojel we ulew ri' chque. Quebentewichi'j c'u na conojel ri nimak tak tinimit rech ri uwächulew cumal ri e awija'lil.

Chapletajic 3:15

Quinban na chi ri at xukuje' ri ixok, quic'ulelaj na iwib, junam xukuje' ri awija'lil ruc' ri rija'lil. Ri rija'lil cuwach' na ri a jolom, are c'u ri at cacatz na ri u xe' rakan.”

Chapletajic 49:10

Man c'o ta jun quesan ri cuinem pa u k'ab ri Juda mawi ri ch'ämiy ri c'o pa u k'ab c'ä cäpe na ri ajchak'e ri ch'ämiy, ri cänimax na cumal conojel tak ri tinimit.

Salmib 132:11

Pa ri u bi', ri Ajawaxel co xutiq'uiba' che ri David jun chi'nic ri kas cäban na, jun chi'nic wa' ri man c'o ta u q'uextajic:

Ri Isaiy 1:23

Ri e a takanelab man e tal ta tzij, e junam qui wäch cuc' ri eläk'omab. Conojel cäquic'ayij quib rumal puak xukuje' cäquitzucuj chi c'o cäsipax chque. Man cäquiban ta tok'ob che ri minor, mawi c'o cubij qui c'u'x che u to'ic ri malca'n ixok.

Ri Isaiy 50:6

Xinchi'j ri uwo wachak rech quinrapuxic xukuje' xak xinna' chi xebok ri wismachi'. Man xinwesaj ta ri nu palaj chquiwäch ri xinquiyok'o xukuje' xinquichubaj.

Ri Isaiy 7:14

Kas c'u are' ri Ajawaxel cäyo'w na jun etal chiwäch: Ri k'apoj yawab winak chic cäc'oji' c'u na jun ral, ri cucoj na Emanuel che u bi'.

Ri Isaiy 8:17

Pune' ri Ajawaxel cuc'u' rib chuwäch ri u tinimit ri Jacob, in cäcu'bi nu c'u'x chrij. Chrij ri are' nu yo'm wi ri eyebal nu c'u'x.

Ri Isaiy 9:1

Nabe canok ri Dios xumach'irisaj ri Galiley, ulew re Zabulon xukuje' Neptali, ulew ri c'o chquinakaj ri e k'ijilal tak diosib, ri qui kajbem ri ulew ch'akäp che ri Jordan copan c'ä chuchi' ri plo xunimarisaj c'u na qui k'ij.

Ri Ezequiel 34:23

Quenbana' na chi catzelej ulok ri pataninel wech ri David, xuwi c'ut ri are' quincoj na che ajyuk', ri are' quebuchajij na. Are' cux na yuk'ul quech.

Ri Ezequiel 37:25

Quejeki' na pa ri ulew ri xinya' che ri pataninel wech ri Jacob, ri xejeki' wi xukuje' ri e qui mam. Chila' quejekel wi na amak'el xukuje' tak ri e qui c'ojol xukuje' conojel ri quija'lil; are c'u ri pataninel wech ri David are' cux c'amal qui be amak'el.

Ri Daniel 7:13

Ri in nu takem quilic tak we c'utwächinic ri' pa ri chak'ab ri', xak c'u c'ätetal: Xinwilo chi petinak jun pa tak ri sutz' ri je ta ne cäpe jun rija'l winak, xbe c'ut jawije' c'o wi ri Nim Winak; xoquisax c'u chuwäch.

Ri Miquey 5:6

E are' quebajawin na puwi' ri Asir, ri rulew ri Nimrod, ruc' ch'ich' re ch'o'j ri cäjaw u pa u chi', cujquito'tajisaj c'u na pa qui k'ab ri aj asiriyab ri e qui xalk'atim tak ri e ka c'ulbat ri e qui majim tak ri kulew.

Ri Miquey 7:20

¡Ajawaxel, jekeba' la, ri jiquil xukuje' ri lok'ok'ebal c'uxaj ri xchi'j la ulok ojer chque ri e ka mam ri Abraham xukuje' ri Jacob!

Ri Zacariy 13:7

Ri Ajawaxel ri c'o ronojel u cuinem cujiquiba' u bixic: “¡Chatwalijok, ch'ich' re ch'o'j, che u banic c'ax che ri wajyuk' xukuje' che ri wachil! ¡Chacämisaj ri ajyuk', are c'u ri jumulaj cujabuj na rib, are c'u ri in quintzelej chi na che qui c'ulelaxic ri alaj ama'ib tak chij!

Ri Zacariy 9:9

¡Sibalaj chatquicotok tinimit Sion! ¡Chatbixon rumal quicotemal, tinimit re Jerusalen! Ri awajawinel cäpe na awuc', suc' xukuje' ch'äcanel, mach'al c'ut, quiejeninak chrij jun bur, chrij jun alaj bur, ral jun ati't bur.

Ri Malaquiy 4:2

Are c'u ri ix ri nim quiniwil wi, ri nu suq'uilal cajuluw na chiwe jacha' ta ne ri chaj ri cuya' ri k'ij, ri quebuc'am ulok rutzil wächaj chquipam tak ri e u tun. Are c'u ri ix quixch'opin na che quicotemal e jacha' ri alaj tak ama'ib wacax ri quebel ulok chupam ri qui warabal.

Ajilanic 21:14

Are wa' ri cubij ri wuj quech ri e u ch'o'j ri Ajawaxel: “Chujk'ax chupam ri Baheb, chupam ri ulew re Sup, pa tak ri alaj tak nima' xukuje' chupam ri Arnon,

Marcos 4:34

Man xebutzijobej taj ri ma ta cuc' c'ambal tak no'j. Cuk'alajisaj c'u ronojel chquiwäch ri e u tijoxelab pa qui tuquiel wi.

Ri Lucax 24:25

C'äte ri' ri Jesus xubij chque: “¡Ay, ri ix man quixchoman taj; man quicoj ta pa ri iwanima' ronojel ri qui tzijom ri k'axal tak tzij!

Ri Lucax 24:44

Xubij chque: “Are tzij wa' ri xinbij chiwe aretak c'ä in c'o iwuc': chi rajawaxic chi cätz'akatisax na ronojel ri tz'ibatal chwij pa ri u pixab ri Moises, pa tak ri qui wuj ri k'axal tak tzij, xukuje' pa tak ri Salm.”

Ri Xuan 1:45

Ri Pelip xurik ri Natanael, xubij che: “Xkarik ri jun ri xtz'ibam ri Moises chrij chquipam ri wuj re ri pixab, ri xukuje' xetz'ibam ri e k'axal tak tzij chrij. Are' ri Jesus, u c'ojol ri Jose aj Nazaret.”

Ri Xuan 12:41

Are wa' xubij ri Isaiy rumal rech chi xril ri u juluwem ri Jesus, xutzijoj c'ut ri are'.

Ri Xuan 5:37

Xukuje' ri Tataxel, ri xintakow ulok, are k'alajisaninak chwij. Man c'o ta jumul i tom ri u ch'abal, mawi iwilom ri u ca'yebal,

Ri Xuan 5:39

Chebisiq'uij ri e Tz'ibatalic, quichomaj c'ut chi chquipam wa' quirik wi ri junalic i c'aslemal. E are c'u wa' ri queyo'w k'alajisanic chwij.

Hechos 10:43

Conojel c'ut ri e k'axal tak tzij qui yo'm u bixic ri Jesus, quibim c'ut chi jachintak ri quecojon che are' caquic'amowaj na ri cuyubal macaj rumal ri are'.”

Hechos 3:18

Je c'u xbantaj wa' jas ri u bim ulok ri Dios pa qui chi' conojel ri e k'axal tak tzij: chi ri u Crist curik na c'ax.

Hechos 3:22

Are' ri Moises xubij: ‘Ri Ajawaxel, ri i Dios cuwalijisaj na jun k'axal u tzij chquixo'l ri e iwachalal, jacha' ri in. Chinimaj ronojel ri cubij na chiwe.

Hechos 3:24

Conojel ri e k'axal tak tzij, pa ri qui cholajil kas ruc' ulok ri Samuel, xequitzijoj ulok tak we k'ijol ri'.

Hechos 7:37

Are Moises wa' ri xbin chque ri aj israelib: ‘Ri Ajawaxel, ri i Dios cuya' na jun k'axal u tzij chquixo'l ri iwachalal je jas ri in.’

Hechos 8:35

Ri Pelip xch'awic, xuchaplej ruc' we Tz'ibatalic ri cätajin cusaq'uij ri aj Etiopiy, xebutzijoj c'ut ri utzalaj tak tzij ri xebubij ri Jesus.

U Camulixic ri Pixab 1:45

Aretak c'ut xixtzelej ulok, xixok' chuwäch ri Ajawaxel, are c'u ri are' man xoc ta il che ri iwok'ej.

U Camulixic ri Pixab 18:15

“Ri Ajawaxel ri i Dios cuban na chi cäwalij na jun k'axal tzij chixo'l jacha' ri in, rajawaxic c'ut quixniman che.

Apocalipsis 19:10

Xintzak wib chuwäch ri rakan ri tako'n aj caj che u k'ijilaxic. Xubij c'u chwe: “¡Mabano! In awach pataninel, in cach pataninel ri awachalal ri c'o u k'alajisaxic ri Jesus cuc'. Are' chak'ijilaj ri Dios.” Are c'ut ri u k'alajisaxic ri Jesus are ri u tzijoxic ri yo'm u bixic.