Ri Lucax 23:5 - Quiché Bible

⁵ Ri e are' c'ut xquicoj qui chuk'ab che u bixic: “Quebutuquij ri winak, quebutijoj ri winak pa ronojel Judey. Xuchaplej ulok pa Galiley, ulinak c'ä waral.”

RI KꞌAKꞌ TESTAMENTO PA TZIJOBꞌAL KꞌICHEꞌ

⁵ Ri winaq kꞌut xkibꞌij: We achi riꞌ uchapleꞌm loq pa Galilea xuqujeꞌ pa ronojel Judea, xul kꞌa waral, rukꞌ ri ukꞌutuꞌn, kusach kikꞌuꞌx ri winaq rech ri tinimit.

K'iche'

⁵ Co c'ut xquijiquiba u bixic wa' conojel, xquibij: Xa cusach qui c'ux ri winak, cuya tijonic pa ronojel tinimit rech Judea. Xuchaplej lok tijonic pa Galilea, u takem u banic wa', xul waral pa Jerusalén, —xecha che.

K'iche' (New Orthography)

⁵ Ko k'ut xkijikib'a u b'ixik wa' konojel, xkib'ij: Xa kusach ki k'ux ri winaq, kuya tijonik pa ronojel tinimit rech Judea. Xuchaplej loq tijonik pa Galilea, u taqem u b'anik wa', xul waral pa Jerusalén, —xecha che.

Ri Lucax 23:5 ပူးပေါင်းရင်းမြစ်များ

Salmib 22:16

Jumulaj banal tak etzelal e jacha' ri tz'i' qui sutim wij; e qui worom ri nu k'ab xukuje' ri e wakan.

Salmib 57:4

In liq'uin, cho ri ulew, chquixo'l tak coj ri e tijol tak winak; ri qui ware junam cuc' ri tz'imaj ch'ich' xukuje' tak ri ch'ab, ri cak' junam ruc' jun ch'ich' re ch'o'j ri banom u pa u chi'.

Salmib 69:4

Ri man c'o ta rumal caquetzelaj nu wäch e c'o na ri qui q'uiyal chuwäch ri wi'aj ri e c'o che ri nu jolom; e q'uiyirinak ri qui banom qui c'ulel chwe ri man c'o ta jasche caquisachisaj nu wäch caquicoj c'u qui chuk'ab chwe chiquintzelej ri man welek'am taj.

Ri Matey 11:1

Ri Jesus, aretak xepixbetaj ri cablajuj u tijoxelab, xel bic chila' che u ya'ic tijonic pa tak q'ui tinimit.

Ri Matey 2:1

Aretak xalax ri Jesus pa Belen re Judey, pa tak ri u k'ijol ri ajawinel ri Herod, xebopan pa Jerusalen jujun ajno'jab ri qui petic pa elebal k'ij.

Ri Matey 27:24

Ri Pilat aretak xrilo chi man c'o ta curechbej, xane' xban jun nimalaj tuquin ib. Xuc'am c'u ja', xuch'aj ri u k'ab chquiwäch ri winak, xubij: “Man quinweklej ta ri u quiq'uel we achi ri' ri man c'o ta u mac. Ix chixilowok.”

Ri Matey 4:23

Ri Jesus xusolij ronojel ri Galiley. Quebutijoj ri winak pa tak ri ja ri cäquitijoj wi quib ri aj judeyib che ri pixab. Quebucunaj c'u conojel ri winak che ronojel ri qui yabilal xukuje' tak ri qui k'oxomal.

Marcos 1:14

Cojom c'u ri Xuan pa che', ri Jesus xbe pa Galiley, xutzijoj ri utzalaj tak u tzij ri Dios chque ri winak.

Ri Lucax 11:53

Aretak ri Jesus xebubij we jastak ri chque, ri ajtijab re ri pixab xukuje' ri pariseyib sibalaj xpe coyowal, xquicoj qui chuk'ab, xquichap u c'otic u chi' chquij q'ui tak jastak.

Ri Lucax 23:23

Ri winak c'ut xquicoj qui chuk'ab, sibalaj xquirak qui chi', xquitz'onoj chi chripok ri Jesus cho jun ripibal. Xch'äcan c'u ri qui tzij, rumal rech chi sibalaj xquirak qui chi'.

Ri Lucax 23:6

Ri Pilat, aretak xuta' wa', xuto we aj Galiley we achi ri'.

Ri Xuan 1:43

Chucab k'ij ri Jesus xuchomaj xbe pa Galiley. Xurik c'u ri Pelip, xubij che: “Chinaterenej.”

Ri Xuan 19:15

Ri e are' xquirak qui chi': “¡Chc'ama' la bic! ¡Chc'ama' la bic! ¡Chripa' la cho jun ripibal!” Ri Pilat xubij chque: “¿La quinrip ta c'ut ri iwajawinel?” Ri e qui nimakil ri e cojol tabal tok'ob xquibij che: “Man c'o ta kajawinel, xuwi' ri Sesar.”

Ri Xuan 2:11

Are nabe etal wa' ri xuban ri Jesus pa Cana re Galiley, xuc'ut ri u juluwem. Xecojon c'u ri u tijoxelab che.

Ri Xuan 7:41

Jujun chic xquibij: “Are wa' ri Crist.” Ri niq'uiaj chic xquibij: “¿La pa Galiley ta lo cäpe wi ri Crist?

Ri Xuan 7:52

Xquibij c'u che: “¿La at lo xukuje' aj Galiley? Chatzucuj pa ri Tz'ibatalic, chawila' chi man c'o ta jun k'axal tzij cäwalij pa Galiley.”

Hechos 10:37

Ix iweta'm ri xc'ulmax ulok pa ronojel Judey. Xchaplex ulok c'ä pa Galiley aretak xbitaj chque ri winak rumal ri Xuan xban c'ut ri qui bautism.

Hechos 23:10

Xnimataj c'u ri c'ulelam ib chquixo'l ri achijab, xuxe'j c'u rib ri qui nimal ri jun mil ajch'ojab, we ne cäch'akatix ri Pawl cumal ri achijab. Xtakanic chi quekaj ulok ajch'ojab, rech cäquesaj bic ri Pawl chquixo'l ri winak, cäquic'am bic pa ri cachoch ri ajch'ojab.

Hechos 5:33

Ri nimak qui banic, aretak xquita' wa', xpe nimalaj coyowal, cäcaj c'ut quequicämisaj ri takomxenlab.

Hechos 7:54

Aretak xequita' jas xubij ri Estebn, xyactaj coyowal, xquikuch'uch'ej qui ware rumal rech ri u tzij.

Hechos 7:57

C'äte ri' ri winak xquirak qui chi' ruc' chuk'ab, xquitz'apij ri qui xiquin. Conojel xa' junam qui wäch xebe chrij ri Estebn.