Ri Lucax 21:25 - Quiché Bible

²⁵ “Quec'oji' na etal chupam ri k'ij, chupam ri ic', chquipam ri ch'imil. Cäquixe'j na quib ri winak cho ri uwächulew, cäsach qui c'u'x rumal ri rok'ebal ri plo cachil ri e u k'et.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁵ Kakꞌexkꞌobꞌ na le qꞌij, le ikꞌ xuqujeꞌ le e chꞌumil. Ri winaq ri keꞌl pa taq ri tinimit kakꞌaxkꞌobꞌ na kanimaꞌ, xuqujeꞌ kemayijan na rumal ri uchꞌuꞌjarem ri plo.

K'iche'

²⁵ Quec'oji na etal ajsic chrij ri k'ij, chrij ri ic', chquij tak ri ch'imil. Sibalaj c'äx cäquirik na ri winak ri e c'o cho ruwächulew. Man cäquirik tä chic jas cäca'no, xane sibalaj cäquixej na quib rumal ri nimalaj rok'ebal ri cuban ruwoja' re ri mar, —cächa'.

K'iche' (New Orthography)

²⁵ Kek'oji na etal ajsik chrij ri q'ij, chrij ri ik', chkij taq ri ch'imil. Sib'alaj k'äx käkiriq na ri winaq ri e k'o cho ruwächulew. Man käkiriq tä chik jas käka'no, xane sib'alaj käkixej na kib' rumal ri nimalaj roq'eb'al ri kub'an ruwoja' re ri mar, —kächa'.

Ri Lucax 21:25 ပူးပေါင်းရင်းမြစ်များ

Salmib 46:3

pune' cäjinin ri plo, naj cäpaki' ri u wäch chicaj, pune' quebirbob ri juyub rumal ri u c'anal.

Ri Isaiy 13:10

Ri ch'imil xukuje' ronojel ri c'o cho ri caj man quetunun ta chic; ri k'ij c'äte jubik' quel ulok cäk'ekumaric, ri ic' man cäjuluw ta chic.

Ri Isaiy 17:12

¡Chitampe' ri qui jininem tak ri tinimit ri sibalaj quebuchuwic, jacha' ri u jininem ri plo! Are' ri wululem ri quequiya' ri nimak tak tinimit, jacha' ri qui chojojem nimak tak ja'.

Ri Isaiy 24:23

Aretak ri Ajawaxel ri c'o ronojel u cuinem cuc'ut rib chi are ajawinel pa ri juyub Sion xukuje' pa Jerusalen, ri k'ij xukuje' ri ic' cäk'ekumar na, ri e c'amal tak u be re ri u tinimit cäquil na ri u juluwem ri Ajawaxel.

Ri Isaiy 5:30

We nim tinimit ri', aretak copan ri k'ij ri c'utum, quejinin na jacha' ri plo, chrij ri Israel; we c'u c'o jun cäca'y che ri uwächulew cäril na chi ronojel c'o pa k'eku'm, k'ekumarinak c'u ri sakil cumal ri sutz'.

Ri Isaiy 51:15

In ri Ajawaxel ri a Dios, ri nu bi' are Ajawaxel ri c'o ronojel u cuinem in xinslaban ri plo xewalij c'u ri e u rekbala',

Ri Jeremiy 4:23

Xinwil ri ulew, uxinak c'u jun chaki'j uwo sak ri man c'o ta u cholajil; xinca'y cho ri caj, man c'o ta c'u sakil.

Ri Daniel 12:1

“ ‘Pa we jok'otaj ri' cätac'atob na ri Miquel, ri tako'n aj caj to'banel ri sibalaj nim u banic ri to'banel ri cuto' na ri a tinimit. Cux na jun jok'otaj re c'axc'ol, jun jok'otaj ri man c'o ta chi jun ri junam ta ruc' tzä aretak e c'olinak ulok ri nimak tak tinimit. Aretak chupam we jok'otaj ri' quecolotaj na conojel ri winak ri e re ri a tinimit ri tz'ibatal ri qui bi' chupam ri wuj.

Ri Miquey 7:4

Ri utz na chquixo'l xak junam ruc' jun q'uix; ri sibalaj tz'akat pa ronojel, xak junam ruc' ri chocol. Cäpe c'u na ri k'ij ri quetz'akatisax ri ajilanic, ri k'ij ri xuya' u bixic ri yuxlenel chawe. C'äte c'u ri' cajawin na ri yojcorem chquixo'l.

Ri Matey 24:29

“Chanim c'ut, aretak oc'owinak chic ri k'ij ri' re ri c'axc'olil, ri k'ij cäk'ekumar na, ri ic' man cuya' ta chic ri u sakil, ri ch'imil ri e c'o chicaj quetzak na ulok, ri chuk'ab e aj caj queyicop na.

Ri Matey 27:45

Kas pa ri tiq'uil k'ij c'ä pa ri urox jok'otaj benak k'ij xk'ekumar ronojel ri uwächulew.

Marcos 13:24

“Pa tak c'ut ri k'ij ri', ri cac'ow ri k'ijol rech ri c'axc'olil, ri k'ij cäk'ekumar na, ri ic' man cuya' ta na ri u sakil.

Marcos 13:26

C'äte ri' quil na ri Rija'l Winak petinak pa tak ri sutz' ruc' nimalaj cuinem, nim u k'ij cäpetic.

Marcos 15:33

Aretak xurik ri tiquil k'ij, xk'ekumar ronojel ri uwächulew c'ä pa ri oxib rajilabal ri benak k'ij.

Ri Lucax 21:24

Quek'ok'ex na che ch'ich' re ch'o'j, jujun chi c'ut queyut bic quec'am bic pa conojel tak ri nimak tak tinimit; are c'u ri Jerusalen cätac'alex na cumal ri man aj judeyib taj, c'ä quetz'akatisax na ri qui k'ij ri man aj judeyib taj.”

Ri Lucax 21:26

Cäquixe'j quib ri winak, cäqueyej jas ri cäbantaj na cho ri uwächulew; xukuje' ne tak ri chuk'ab aj chicajil quebirbob na.

Hechos 2:19

Quebenc'ut na mayibal ajsic pa ri caj, xukuje' quebenc'ut na etal iquim cho ri uwächulew, quic' ruc' k'ak' xukuje' sutz' re sib.

Apocalipsis 20:11

Xinwil c'u jun nim sakloloj tem re ajawibal xukuje' c'u ri t'uyul puwi'. Ri caj xukuje' ri ulew xebanimaj chuwäch ri are'. Man xriktaj ta jun c'olbal chque.