Ri Lucax 2:49 - Quiché Bible

⁴⁹ Ri Jesus xubij chque: “¿Jasche quintzucuj alak? ¿La ma ta eta'm alak chi rajawaxic quinc'oji' chupam ri rachoch ri nu Tat che u banic ri u rayibal?”

RI KꞌAKꞌ TESTAMENTO PA TZIJOBꞌAL KꞌICHEꞌ

⁴⁹ Ri Jesús xubꞌij chike: ¿Jas che kintzukuj alaq? ¿La man etaꞌm alaq chi pa rachoch ri nuTat rajawaxik kinkꞌojiꞌ wi?

K'iche'

⁴⁹ Xubij c'u ri a Jesús chque: ¿Jas che quintzucuj alak? ¿A mat etam alak chi rajwaxic chi quinban ri u rayinic ri nu Tat? —xcha chque.

K'iche' (New Orthography)

⁴⁹ Xub'ij k'u ri a Jesús chke: ¿Jas che kintzukuj alaq? ¿A mat etam alaq chi rajwaxik chi kinb'an ri u rayinik ri nu Tat? —xcha chke.

Ri Lucax 2:49 ပူးပေါင်းရင်းမြစ်များ

Salmib 40:8

Ri in cäkaj chnuwäch ri u banic ri rayibal la; ¡e nu c'olom ri tijonic la pa ri wanima'!

Ri Malaquiy 3:1

Ri Ajawaxel ri c'o ronojel u cuinem je cubij wa': “Quintak bic ri nu tako'n rech cusuc'umaj apan ri be. Ri Ajawaxel ri cätajin quixtzucun che, man cäbeytaj ta ri roquic chupam ri rachoch. ¡Opanem cuban ri tako'n re ri c'ulwächinic ri ix eyeninak che!”

Ri Matey 21:12

Ri Jesus xoc chupam ri rachoch Dios, xeresaj bic conojel ri winak ri quec'ayinic xukuje' conojel ri quelok'omanic. Xebutzak ri qui mexa ri e q'uexel tak puak. Xebutzak ri qui tem ri ajc'ay tak palomax.

Ri Lucax 2:48

Aretak ri Jose ri Mariy xquilo, xquimayo. Xubij ri u nan che: “Wal, ¿jasche je a banom wa' chke? Chawilampe', ri in ruc' ri a tat uj elinak ch'u'j che a tzucuxic.”

Ri Xuan 4:34

Ri Jesus xubij chque: “Ri nu wa are wa' chi quinban ri u rayibal ri xintakow ulok, xukuje' chi quintz'akatisaj ri u chac.

Ri Xuan 5:17

Xch'aw ri Jesus, xubij chque: “Ri nu Tat c'ä cächacun camic, xukuje' c'u ri in quinchacunic.”

Ri Xuan 5:36

Are c'u ri in c'o jun k'alajisanic wuc' ri c'o na chuwäch ri yo'm che ri Xuan; ri chac ri xebuya' ri Tataxel chwe che qui tz'akatisaxic, we chac tak ri' ri quebenbano e are' queyo'w k'alajisanic chwij, chi are' ri Tataxel in takowinak ulok.

Ri Xuan 6:38

In kajinak c'u ulok pa ri caj, man che ta u banic ri nu rayibal, xane' che u banic ri u rayibal ri nu Tat ri xinutak ulok.

Ri Xuan 8:29

Are' c'ut ri xintakow ulok, are c'o wuc'. Ri Tataxel man in u yo'm ta can nu tuquiel. Amak'el c'ut quinban ri cäkaj chuwäch.”

Ri Xuan 9:4

Rajawaxic chi quinban ri u chac ri xintakow ulok, c'ä c'o ri k'ij. Cäpe ri ak'ab aretak man c'o ta jun cäcuinic cächacunic.