Ri Lucax 2:35 - Quiché Bible

³⁵ jeri' cäk'alajin ri u chomanic ri canima' e q'ui winak. Ronojel c'u wa' cux na chawe jacha' jun ch'ich' re ch'o'j ri cuk'ok'ej na ri kas a c'aslibal.”

RI KꞌAKꞌ TESTAMENTO PA TZIJOBꞌAL KꞌICHEꞌ

³⁵ Rumal rech, kaqꞌalajin na ri chomabꞌal rech ri kanimaꞌ ri winaq, chawe at ri at unan, ronojel we jastaq riꞌ je ri kok na jun chꞌichꞌ che ri awanimaꞌ.

K'iche'

³⁵ Cuban na ri Kajaw Jesús chi cäk'alajinic jas ri quechoman ri winak pa canima', —cächa chque. Ri lal, nan, cäq'uis na ib la che ok'ej, —xcha che ri nan María.

K'iche' (New Orthography)

³⁵ Kub'an na ri Qajaw Jesús chi käq'alajinik jas ri kechoman ri winaq pa kanima', —kächa chke. Ri lal, nan, käk'is na ib' la che oq'ej, —xcha che ri nan María.

Ri Lucax 2:35 ပူးပေါင်းရင်းမြစ်များ

Salmib 42:10

C'ä quek'oxow c'u ne na ri e nu bakil cumal ri c'axc'obisanic ri cäquiban ri e nu c'ulel chwe, ri amak'el cäquic'ot nu chi' cäquibij: “¿Jawije' c'o wi ri a Dios?”

Ri Lucax 2:34

Ri Simeon xebutewichi'j, xubij c'u che ri Mariy ri u nan ri Jesus: “Chawilampe', we ne' ri' q'uiakom chrij chi cubana' chi e q'ui pa Israel quetzakic o quewalijic. Ri are' cux na jun etal ri e q'ui quexutun na,

Ri Lucax 2:36

Chila' c'oc'owi jun ixok, Na' u bi', k'axal tzij. Are' u mia'l ri Panuel, rija'l ri Aser. Ri Na' nim winak chi c'ut. Sibalaj k'apoj c'ut aretak xc'uli'c ruc' ri rachajil. Xa' wukub junab c'ut xjujayir ruc' ri rachajil.

Ri Xuan 19:25

Chunakaj c'ut ri u ripibal ri Jesus tac'al wi ri u nan, xukuje' ri rachalal ri u nan, ri Mariy rixokil ri Cleops, xukuje' ri Mariy Magdalen.

1 Corintios 11:19

¡Man c'o ta quieblan c'uxaj chi ri ix quitasala' iwib pa tak k'at, man e utz ta c'u wa' ri tasow ib ri'; quek'alajin c'ut e jachin tak ri e utz chiwe cho ri Dios!

U Camulixic ri Pixab 8:2

Chnataj chiwe ronojel ri be ri xixuc'am wi ulok ri Ajawaxel ri i Dios pa ri chaki'j uwo sak ronojel ri cawinak junab, che i mach'irisaxic, xukuje' che i c'ambejexic, rech caretamaj tak ri e i chomanic, cäretamaj c'ut we quebitz'akatisaj, o we man quitz'akatisaj ta ri e u takomal.

1 Juan 2:19

Kuc' xebel wi bic, man c'u e jun taj kuc'. We ta e jun kuc', xec'oji' ta ri' kuc'. Xebel c'u bic, jeri' k'alaj chi man conojel taj e jun kuc'.