Ri Lucax 18:16 - Quiché Bible

¹⁶ Ri Jesus xebusiq'uij ri alaj tak ac'alab. Xubij chque: “Chiya' chque ri ac'alab chi quepe wuc', mebik'atij. Ri rajawibal c'ut ri Dios quech ri e je tak wa'.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁶ Ri Jesús kꞌut xuꞌsikꞌij ri akꞌalabꞌ, kꞌa te riꞌ xubꞌij chike ri winaq: Chiya bꞌe chike ri akꞌalabꞌ kepe wukꞌ, man kiꞌqꞌil taj, rumal chi are ajchoqꞌe ri ajawarem rech ri Dios ri winaq ri kakubꞌiꞌ kikꞌuꞌx jetaq ri akꞌalabꞌ.

K'iche'

¹⁶ Ri Jesús xeusiq'uij ru tijoxelab, xubij chque: Chiya chque ri ac'alab chi quepe wuc', meik'atej, —cächa'. Xak xuwi chque ri winak ri e je' jas ri ac'alab ri' cäyi' wi chi cätakan ri Dios pa qui wi'.

K'iche' (New Orthography)

¹⁶ Ri Jesús xeusik'ij ru tijoxelab', xub'ij chke: Chiya chke ri ak'alab' chi kepe wuk', meiq'atej, —kächa'. Xaq xuwi chke ri winaq ri e je' jas ri ak'alab' ri' käyi' wi chi kätaqan ri Dios pa ki wi'.

Ri Lucax 18:16 ပူးပေါင်းရင်းမြစ်များ

Chapletajic 21:4

wajxakib k'ij chic ilom u wäch ri Isaac aretak xkopix ri u wi' ri u tz'umal ri achi' che retal rumal ri Abraham, jas ri takanic ri u yo'm ri Dios che.

Ucab Tzijobelil 20:13

Ronojel ri Juda tac'al chuwäch ri Ajawaxel, e are' juch'ob ri quixokil ri e qui c'ojol, xukuje' ne ri ac'alab ri c'ä e chutik na.

Ri Jeremiy 32:39

Quinban na chi xuwi c'o chic qui rayinic xukuje' qui yo'm chic qui tzij che u ya'ic nu k'ij ronojel ri qui c'aslemal che ri kas cutzil xukuje' chque ri quija'lil.

Ri Matey 19:14

Ri Jesus xubij c'u chque: “Chiya' chi quepe ri ac'alab wuc', mebik'atij, quech c'ut ri rajawibal ri Dios ri e je tak wa'.”

Ri Lucax 18:15

Xec'am ulok ac'alab chuwäch ri Jesus rech cuya' ri u k'ab paquiwi'. Ri tijoxelab aretak xquilo, xequiyaj ri e c'amowinak ulok.

Ri Lucax 18:17

Kastzij quinbij chiwe, chi apachin ri man cuc'am ta ri rajawibal ri Dios je jas ri jun ac'al, man coc ta chupam ri rajawibal ri Dios.”

Hechos 2:39

We chi'nic ri' chech alak xchi'x wi xukuje' chque ri e alc'ual alak, xukuje' chque conojel ri e c'o naj ri u bixic, chque conojel jachin tak ri quebusiq'uij ri Ajawaxel ri ka Dios.”

1 Corintios 14:20

Wachalal je mixchomanic jacha' ac'alab. Chixux ac'alab che ri etzelal; chixux c'u ri'jab aretak quixchomanic.

1 Corintios 7:14

Ri achajilaxel ri man cojonel taj, cux tastalic winak rumal ri rixokil. Ri ixokilaxel ri man cojonel taj, cux tastalic winak rumal ri rachajil. We ta ma ta jeri', e tz'il ta ri' ri iwalc'ual. Man e tz'il ta c'ut, xane' e tastalic.

U Camulixic ri Pixab 29:11

ri ac'alab, ri ixokib xukuje' ri man e i winakil ta ri e jekel chixo'l, xukuje' ne ri banal tak si', ri c'amal tak ja',

U Camulixic ri Pixab 31:12

Rajawaxic chi conojel ri tinimit cäquimulij na quib, chi achijab chi ixokib, ri ac'alab xukuje' ri man e i winakil ta ri e jekel pa ri e i tinimit tak, rech cäquita' ri u siq'uixic ri pixab xukuje' cäquetamaj u nimaxic ri Ajawaxel ri i Dios, cäquitakej c'u u banic ri cubij ri pixab.

1 Pedro 2:2

Jas jun alaj ne' sibalaj cäraj u tu', je xukuje' ri ix sibalaj chitzucuj ri utz che ri iwanima', je ta ne leche ri man c'o ta jas yujam ruc'. Chibana' wa' rech quixq'uiy pa ri i colotajic,