Ri Lucax 18:13 - Quiché Bible

¹³ Are c'u ri tok'il alcabal tac'al chi naj, mawi ne cäraj cäca'y chicaj, xane' cut'oc ri uwo u c'u'x, xubij: ‘Ay, Dios, chel ri c'u'x la chwe. In ajmac.’

RI KꞌAKꞌ TESTAMENTO PA TZIJOBꞌAL KꞌICHEꞌ

¹³ Are kꞌu ri toqꞌil alkabal naj xkanaj wi kanoq, xa ta ne kuwaꞌjilisaj ri uwach cho ri kaj, kutꞌikitaꞌ ri uwach ukꞌuꞌx xubꞌij: “Cheꞌl kꞌuꞌx la chwe o Dios, wetaꞌm chi in ajmak.”

K'iche'

¹³ Are c'u ri tok'il alcabal, tac'al chinaj, man craj tä c'u cäca'y chicaj, xane cut'oc u wo u c'ux chuc'utic chi cäbisonic, cubij: “¡Ay, Dios! We ne cäpax c'ux la chwe in, in wa' sibalaj in ajmac,” —xcha'.

K'iche' (New Orthography)

¹³ Are k'u ri toq'il alkab'al, tak'al chinaj, man kraj tä k'u käka'y chikaj, xane kut'ok u wo u k'ux chuk'utik chi käb'isonik, kub'ij: “¡Ay, Dios! We ne käpax k'ux la chwe in, in wa' sib'alaj in ajmak,” —xcha'.

Ri Lucax 18:13 ပူးပေါင်းရင်းမြစ်များ

Ucab Samuel 12:13

Ri David xucoj rib chupam ri u mac chuwäch ri Natan. “In macuninak chuwäch ri Ajawaxel.” Xutzelej c'u u bixic ri Natan che: “Ri Ajawaxel man cuc'äjisaj ta wäch la che ri mac la ri bano la, man quecäm ta c'u na la.

Ucab Tzijobelil 33:19

Ri u ch'awem ruc' Dios xukuje' ri tzelebal u wäch ri xuc'amo, ronojel ri u tzijoxic ri u mac xukuje' ri u jech'balil xukuje' tak ri c'olbal ri xebuyac wi tak ri porobal ri quek'ijilax wi diosib, xukuje' ri xebuya' wi tak ri e u wächbal ri Asera xukuje' tak ri diosib, c'ä majok chumach'irisaj rib chuwäch ri Dios, e tz'ibatal pa ri qui tzijobelil ri e k'axal u tzij.

Ucab Tzijobelil 33:23

Man c'u xumach'irisaj ta rib chuwäch ri Ajawaxel, jacha' ri xuban ri Manases ri u tat, xane' xebumulij q'ui macaj puwi'.

Ri Esdras 9:6

je c'u xinbij wa': “Nu Dios, nu Dios, quinna' wib chi elinak nu q'uixbal, man quinch'ob ta c'ut jas ta ri quinban na quintzijon ta uc' la. Ri etzelal ri e ka banom e oc'owinak qui wi', ri e ka macunic tak e opaninak c'ä chicaj.

Ri Job 42:6

Rumal ri' quintzelej wib chwij nu q'uexom nu c'u'x, in t'uyul chupam puc'uc' ulew xukuje' chaj.”

Salmib 106:6

Uj macuninak, ka banom ke jas ri xquiban ri e ka mam; ketzelam kib; ka banom ri man utz taj.

Salmib 119:41

Ajawaxel, c'utu' la ri lok'ok'ebal c'u'x la chnuwäch xukuje' ri colonic la, je jacha' ri chi'm la.

Salmib 130:7

chaweyej at Israel, ri Ajawaxel, ruc' c'u are' c'o wi lok'ok'ebal c'uxaj xukuje' tz'akatalaj to'tajem.

Salmib 25:11

Ajawaxel, sibalaj nim ri wetzelal; sacha' la nu mac, ya' la u k'ij ri bi' la.

Salmib 25:7

menataj chi c'ut ri nu mac che la, mawi ri etzelal ri xinban pa ri wac'alal. Ajawaxel, chinnataj ba che la, rumal ri lok'ok'ebal c'u'x la xukuje' ri utzil la.

Salmib 40:12

E q'ui c'u tak ri quiäkasakil e nu taklebem ri mawi ne quincuin ta che cajilaxic. In quikajbem ri wetzelal; ¡mawi c'u ne quinca'y chic! C'o na ri qui q'uial chquiwäch ri nu wi', xukuje' ne ri wanima' xtukaric.

Salmib 41:4

Ri in nu bim: “Ajawaxel, chel c'u'x la chwe; chincunaj la, pune' in macuninak chwäch la.”

Elem 33:10

Aretak cäquil ri winak chi cäc'oji' ri jutac'aj sutz' chuchi' ri Lic'om, chquijujunal quexuqui' chuchi' ri kas qui cäbal ri lic'om, quek'ijilanic.

Ri Isaiy 1:18

Ri Ajawaxel cubij: “Tisaj kachomaj we jasach ri'. Pune' ta ne sibalaj quiäk rokroj ri i mac, quinban na che jacha' ri sak tew; pune' ta junam ruc' jun atz'iak ri rubum pa corinto quinban na sak che jacha' ri sakalaj rismal chij.

Ri Isaiy 6:5

Xinchomaj c'ut: “¡Tok'ob nu wäch, quinecämok! Wilom ri Ajawinel cuc' ri nu bak'wäch, ri Ajawaxel ri c'o ronojel u cuinem; in, ri in jun winak ri e tz'il ri u chi', in c'o chquixo'l ri winak ri e tz'il ri e qui chi'.”

Ri Isaiy 66:2

Kas in xebenban conojel we jastak ri', je c'u ri' xquichaplej qui c'olem. In, ri Ajawaxel, quinjiquiba' u bixic.” “Ri winak ri quinoc wi il are ri meba', ri u rikom c'ax ri nim cäril wi ri nu tzij.

Ri Ezequiel 16:63

At cänataj c'u na chawe, cana' c'u na nimalaj q'uixbal xukuje' mach'ibal ib man c'u cachajij ta chic anima' c'o ta chi jas cabij aretak quinsach a mac che ronojel ri a banom, In ri Ajawaxel, quinjiquiba' u bixic.”

Ri Daniel 9:5

Uj macuninak xukuje' ka banom ri etzelal; ka banom ri lawaloyil; xak uj c'olinak chi jeri' man kayo'm ta c'olbal che la pa ri ka chomanic; e ka xutum ri takomal la xukuje' tak ri takanic la.

Ri Matey 10:3

ri Pelip, ri Bartolome, ri Max, ri Matey ri tok'il alcabal, ri Santiag u c'ojol ri Alpey, ri Tadey,

Ri Matey 6:5

“Aretak ri ix quiban ch'awem ruc' Dios, je mibano jas ri quieb qui wäch, utz cäquil ri e are' cäquitac'aba' quib pa tak ri ja ri cäquitijoj wi quib ri aj judeyib che ri pixab, cäquitac'aba' quib pa tak ri qui ch'u'c ri c'ayibal, rech quebil cumal ri winak. Kastzij quinbij chiwe chi c'o chic ri tojbal quech.

Ri Matey 9:13

Jix chiwetamaj ri quel cubij we tz'ibatalic ri': ‘Ri quinwaj are' chi quel i c'u'x, ma are ta ri qui chi'xic tabal tak tok'ob.’ Man in petinak taj che qui siq'uixic ri e suc', xane' ri ajmaquib, rech cäquiq'uex qui c'u'x.”

Marcos 11:25

Aretak ix c'o pa ch'awem ruc' Dios, we c'o jas quina' chrij jun winak chic, chi sacha' u mac, rech ri i Tat ri c'o chila' chicaj xukuje' cusach na ri i mac ix.”

Ri Lucax 17:12

Aretak xopan pa jun alaj tinimit, xebel ulok lajuj achijab xa' col man cäquic'ulaj c'ut, ri c'o ch'a'c chquij. Ri e are' xetaq'ui' c'ut,

Ri Lucax 22:41

Ri are' c'ut xutas apan rib chquij jas ri u najil ri quetakal wi jun abaj. Xxuquic, xuban ch'awem ruc' Dios,

Ri Lucax 23:48

Conojel ri winak xquimulij quib che rilic. Aretak xquil ri xbantajic, xetzelejic. Cäquit'oc ri uwo qui c'u'x ruc' nimalaj bis aretak xebec.

Ri Lucax 5:8

Ri Simon Lu', aretak xrilo, xutzak rib cho ri ulew chuwäch ri Jesus, xubij: “Tasa' ib la chwe, Wajaw, in c'u ajmac.”

Hechos 2:37

Aretak xquita' wa', xk'oxow canima', xquibij c'u che ri Lu' xukuje' chque ri e niq'uiaj takom chic: “Kachalal tak, ¿jas c'u ri rajawaxic cäkaban na?”

Romanos 5:8

Are c'u ri Dios cuk'alajisaj chkawäch chi cujulok'ok'ej. Aretak c'ä uj ajmaquib, ri Crist xcäm rumal kech.

2 Corintios 7:11

Ri ix xicoch' ri bis jacha' ri cäkaj chuwäch ri Dios, ¡chebiwila' c'ut ri xel wi! Xixoc il che ri xc'ulmatajic xito' c'u nu wi'; xuban chiwe chi xpe iwoyowal, xukuje' xina' xe'n ib. Chuwi' chi c'u wa' xpe i rayinic che wilic, xichomaj c'ut u c'äjisaxic u wäch ri ajchak'mac. Ruc' c'u ronojel wa' i c'utum ix chi man i nimon ta iwib chupam wa'.

1 Timoteo 1:15

C'o jun tzij ri cuya' cäcu'bi ka c'u'x chrij, takal c'u che ri tzij chi cäcoj cumal conojel: chi ri Crist Jesus xpe cho ri uwächulew che qui colic ajmaquib, in c'u ri' nim na ri nu mac chquiwäch conojel.

Hebreos 4:16

Mäkaxe'j ba' kib, chujkeb chuwäch ri tem re ajawibal rech ri u tok'ob ri Dios, rech ri are' quil u c'u'x chke, cuban tok'ob chke che ka to'ic pa ri k'ij ri rajawaxic na chke.

Hebreos 8:12

Ri in c'ut man quinc'äjisaj ta na qui wäch rumal rech ri etzelal ri qui banom, man quenataj ta chic ri qui mac xukuje' ri quetzelal chwe.’ ”