Ri Lucax 17:2 - Quiché Bible

² Are ta utz na ri' che, we ta cätzayabax jun ca' chukul, cäq'uiak ta c'u pa ri plo. Utz na wa' chuwäch we cutzakisaj jun chque we ch'utik ri'.

RI KꞌAKꞌ TESTAMENTO PA TZIJOBꞌAL KꞌICHEꞌ

² Are katanik kajatꞌix bꞌik jun kꞌa chuqul kakꞌyaq bꞌik pa ri plo, cho ri xaq kuꞌtaqchiꞌj ri alaj taq e chꞌutiꞌn chubꞌanik makaj.

K'iche'

² Are utz na we ta cäxim jun ca' re molino chukul ri winak ri', cäq'uiäk ta c'u bi pa ri mar, ¡utz c'u na ri' chuwäch ru banic chi jun chque we alaj tak ch'utik ri' curik ri be ri man utz taj!

K'iche' (New Orthography)

² Are utz na we ta käxim jun ka' re molino chuqul ri winaq ri', käk'iäq ta k'u b'i pa ri mar, ¡utz k'u na ri' chuwäch ru b'anik chi jun chke we alaj taq ch'utiq ri' kuriq ri b'e ri man utz taj!

Ri Lucax 17:2 ပူးပေါင်းရင်းမြစ်များ

Ri Isaiy 40:11

Cäpetic jacha' jun ajyuk' ri quebuchajij ri u chij quebuyac ri alaj tak chij, quebuk'aluj, quebuc'am bic cho u c'u'x, sibalaj coc il che qui chajixic ri c'äte xebalaxic.

Ri Zacariy 13:7

Ri Ajawaxel ri c'o ronojel u cuinem cujiquiba' u bixic: “¡Chatwalijok, ch'ich' re ch'o'j, che u banic c'ax che ri wajyuk' xukuje' che ri wachil! ¡Chacämisaj ri ajyuk', are c'u ri jumulaj cujabuj na rib, are c'u ri in quintzelej chi na che qui c'ulelaxic ri alaj ama'ib tak chij!

Ri Matey 17:27

Man cäkaj ta c'ut chi cäquiban quieb qui c'u'x chkij. Jät ba'. Chaq'uiaka' ri chapbal cär pa ri cho. Ri nabe cär c'ut ri cäriko, chac'ama', chajaka' ri u chi', cärik c'u na jun puak. Chaya' ba chque ri tok'il tak alcabal, catojbej can re ri wech in xukuje' ri awech at.”

Ri Matey 18:10

“Chiwila' c'o jun chque we ch'utik ri' miwetzelaj u wäch. Quinbij c'u chiwe, chi e c'o ri q'ui tako'nib pa ri caj ri amak'el cäquil u wäch ri nu Tat ri c'o pa ri caj.

Ri Matey 18:14

Je c'u ri', ri i Tat ri c'o pa ri caj man cäraj taj chi cäsach u wäch jun chque we ch'utik ri'.”

Ri Matey 26:24

Kastzij ri Rija'l winak cäbec, je jas ri tz'ibatal chrij. ¡Tok'ob c'u u wäch ri winak ri' ri cäjachowic! Are ta utz na che ri winak ri' we ta ma ta xalaxic.”

Marcos 9:42

“Apachin c'u ri cätakchi'n che mac jun chque we ch'utik ri' ri quecojon chwe in, are ta utz na ri' che, we ta cätzayibax jun ca' chukul, caq'uiak ta pa ri plo.

Ri Xuan 21:15

Tijtajinak chi ri qui wa, ri Jesus xubij che ri Simon Lu': “Simon, u c'ojol ri Jonas, ¿la sibalaj quinalok'ok'ej na chquiwäch wa'?” Ri Lu' xubij che: “Je', Wajaw, eta'm la chi lal quinlok'ok'ej.” Ri Jesus xubij che: “Chebayuk'uj ri alaj tak nu chij.”

1 Corintios 9:15

Are c'u ri in mawi c'o wechben che wa'. Mawi ta ne quintz'ibaj ta ba' wa' chiwe camic che u tz'onoxic chiwe chi c'o chiya' chwe. ¡Chwe in are utz na chi quincämic chi, je quinban wa'! Man c'o ta jun quesan chwe chi nu rikom ri u banic nimal wumal cumal we jastak ri'.

1 Corintios 9:22

Chquixo'l ri man c'o ta qui chuk'ab, xinbano chi man c'o ta nu chuk'ab, rech quebench'äc ri man c'o ta qui chuk'ab. Ronojel nu banom chquixo'l conojel ri winak, rech jeri' quecolotaj jujun chque.