Ri Lucax 17:1 - Quiché Bible

¹ Xubij ri Jesus chque ri u tijoxelab: “Kas quepe wi ri takchibal mac. C'ax c'u re ri winak ri rumal rech quepetic.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Xubꞌij ri Jesús chike ri utijoxelabꞌ: Xa chi kꞌo wi laꞌ le topibꞌal taq aqanaj, kꞌax kꞌu re ri winaq ri rumal rech katzaq jun chik.

K'iche'

¹ Xubij ri Jesús chque ru tijoxelab: Tzc'o wi jachique ri cubano chi jun winak chic curik ri be ri man utz taj, cätakchi'x c'u che mac. ¡C'äx re ri winak ri' ri rumal rech cäbantaj wa'! —cächa'.

K'iche' (New Orthography)

¹ Xub'ij ri Jesús chke ru tijoxelab': Tzk'o wi jachike ri kub'ano chi jun winaq chik kuriq ri b'e ri man utz taj, kätaqchi'x k'u che mak. ¡K'äx re ri winaq ri' ri rumal rech käb'antaj wa'! —kächa'.

Ri Lucax 17:1 ပူးပေါင်းရင်းမြစ်များ

Ri Matey 16:23

Ri Jesus xutzolk'omij rib, xubij che ri Lu': “Chatel chnuwäch, Satanas. Quinaya' pa takchibal mac. Are c'u ri at man cachomaj ta ri e jastak re ri Dios, xane' ri jastak que ri winak.”

Ri Matey 18:7

¡C'ax c'u cäpe paquiwi' ri winak ri' ri e c'o cho ri uwächulew ri cumal quepe tak ri macaj!; rajawaxic c'ut chi quepe na ri takchibal tak macaj; ¡c'ax c'u cäpe puwi' ri winak ri' ri quebutakchi'j ri niq'uiaj pa ri macaj!

Ri Lucax 16:31

Ri Abraham xubij che: ‘We man cäquitatabej ri tzij ri xuya' ri Moises xukuje' ri xquiya' ri e k'axal tak tzij, mawi ne quecojonic we jun cäminak cäc'astaj bic chquixo'l ri cäminakib.’”

Romanos 14:13

Je c'u ri', mäkak'atala' chi tzij pakawi'. Xane' are chichomaj chi man quiban ta chque ri iwachalal chi quetzakic o quekaj pa mac.

Romanos 16:17

Quixinbochi'j, wachalal, chi chajij iwib chquiwäch ri winak ri quequitas jujun cojonelab chquij niq'uiaj chic, ri cäquiban chque chi cuban quieb canima' che ri tijonic ri xiwetamaj. Chitasa' iwib chquij wa'.

1 Corintios 10:32

Mixux ya'l tzakibal chque ri aj judeyib, mawi chque ri man aj judeyib taj, mawi che ri comon cojonelab aj Dios.

1 Corintios 11:19

¡Man c'o ta quieblan c'uxaj chi ri ix quitasala' iwib pa tak k'at, man e utz ta c'u wa' ri tasow ib ri'; quek'alajin c'ut e jachin tak ri e utz chiwe cho ri Dios!

1 Corintios 8:13

Rumal ri', we ri quintijo cuban che ri wachalal chi cätzakic, mawi jumul quintij chi ti'j, rech man quinux ta jun tzakibal che ri wachalal.

1 Timoteo 4:1

K'alaj cubij ri Uxlabaxel chi pa ri q'uisbal tak k'ij, e c'o jujun cäquitas na quib chrij ri cojonic, quequitatabej na ri uxlabal ri e subunelab, xukuje' ri qui tijonic ri itzel tak uxlabal.

Apocalipsis 2:14

C'o c'u quieb oxib jastak quinna' chawij, rumal rech chi e c'o jujun chixo'l ri cäquiterenej ri u tijonic ri Balaam ri xuya' u no'j ri Balac che u banic macunic chquiwäch ri israelib, rech cäquitij ri jastak ri e yo'm chquiwäch tak ri diosib, xukuje' ri cuc'axic quib cuc' achijab ixokib che qui banic macunic.

Apocalipsis 2:20

Quinna' c'u wa' chawij: a yo'm c'u che ri ixok Jezabel, ri cubij rib chi k'axal tzij, chi quebutijoj ri nu pataninelab xukuje' chi quebusub che u banic macunic cuc' ixokib, xukuje' che u tijic jastak ri e cojom chquiwäch tak diosib.