Ri Lucax 16:23 - Quiché Bible

²³ Ri k'inom c'o pa ri c'olbal que ri cäminakib, c'o pa c'axc'olil. Xca'yic, xril apan ri Abraham chi naj, xril apan ri Lazaro cho ri u c'u'x ri Abraham.

RI KꞌAKꞌ TESTAMENTO PA TZIJOBꞌAL KꞌICHEꞌ

²³ Are kꞌo chi ri qꞌinom achi pa ri kikꞌolibꞌal ri kaminaqibꞌ jawjeꞌ ri kꞌo wi nimalaj kꞌaxkꞌolal, are kꞌo pa ri kꞌaxkꞌolal, xkaꞌy chikaj, xeꞌril apanoq ri Abraham rachiꞌl ri Lázaro naj e kꞌo wi apanoq che.

K'iche'

²³ C'o c'u ri k'inom pa ri c'olibal ri quebe' wi ri canima' ri winak aretak quecämic. Sibalaj c'äx tajin curiko. Xca'y apanok, xril ri ka mam Abraham chinaj, xukuje' chi ri tat Lázaro c'o ruc'.

K'iche' (New Orthography)

²³ K'o k'u ri q'inom pa ri k'olib'al ri keb'e' wi ri kanima' ri winaq aretaq kekämik. Sib'alaj k'äx tajin kuriqo. Xka'y apanoq, xril ri qa mam Abraham chinaj, xuquje' chi ri tat Lázaro k'o ruk'.

Ri Lucax 16:23 ပူးပေါင်းရင်းမြစ်များ

Salmib 16:10

Man quinya' ta la canok chupam ri mukubal, ¡man cawonoba' ta la canok pa ri mukubal ri jicalaj achil ib la ruc'!

Salmib 49:15

Ri Dios c'ut quinresaj na pa u k'ab ri cämical, quinuc'am na bic ruc'.

Salmib 86:13

¡Man c'o ta u q'uisic ri lok'ok'ebal c'u'x la chwe! ¡In esam la pa u k'ab ri cämical!

Salmib 9:17

Ri e banal etzelal, xukuje' ri quequik'ijilaj diosib, ri cäsach ri Dios pa qui jolom, caq'uis na tzij paquiwi' chupam ri ajawibal rech ri cämical;

E C'ambal tak Tzij 15:24

Ri be re ri c'aslemal chicaj cäpaki' wi, cuto'tajisaj c'u ri ajno'j rech man cäkaj ta pa ri mukubal.

E C'ambal tak Tzij 5:5

Ri binem ruc' we ixok ri' cac'aman bic pa ri cämical; ri u xo'l tak rakan cäc'aman bic pa ri mukbal.

E C'ambal tak Tzij 7:27

Ri u takexic ri be ri cäbe cho rachoch are' wa' ri u takexic ri u be ri cämical.

E C'ambal tak Tzij 9:18

Ri e are' man queta'm ta c'ut chi ri e ula'm wi e u mujal cämical chic, camic chupam ri rajawibal ri cämical.

Ri Isaiy 14:15

¡Xa c'u kas at kajinak chquixo'l ri cäminakib, c'ä pa u c'u'x ri nimalaj siwan!

Ri Isaiy 14:9

Iquim, chquixo'l tak ri cäminakib c'o nimalaj elem ch'u'j rumal awech, quebel c'u ulok che a c'ulaxic. Ri qui nutub ri cäminakib quewalijic, conojel ri c'amal tak be cho ri uwächulew quebel c'u ulok che a c'ulaxic conojel ri ajawinel que tak ri tinimit quewalij chupam tak ri qui tem re ajawibal.

Ri Matey 11:23

Are c'u ri at, tinimit Capernaum, ¿Ri at walijisam c'ä pa ri caj? Chupam ri nimalaj siwan catrokix wi na, we ta c'u pa Sodom xeban tak wi ri mayibal ri xeban tak awuc' c'ä c'o ta ri' ri Sodom camic.

Ri Matey 18:9

We ri a bak'wäch catutzak pa ri mac, chawesaj bic, chaq'uiaka' apanok. Are utz na chi xa' jun ri a bak'wäch catoc pa ri c'aslemal, chuwäch ri c'o quieb a bak'wäch catq'uiak pa ri k'ak' re ri xibalba.”

Ri Matey 23:33

¡Ix je ta ne e cumätz! ¡Ix quija'l cumätz! ¿Jas lo ri quiban che u to'ic iwib chuwäch ri xibalba ri cac'äjisax wi i wäch?

Ri Matey 5:22

Ri in c'ut quinbij chiwe, chi ronojel jachin ri cäpe royowal che ri rachalal, takal che chi cäc'äjisax na u wäch. Apachin ri cuyok' ri rachalal, takal che chi cäc'äjisax na u wäch cumal ri tatayib ri cäquik'at tzij pa ri comon qui nimakil ri aj judeyib. Apachin ri cubij con che ri rachalal, takal che ri are' cäbe pa ri u k'ak'al ri xibalba.

Ri Matey 5:29

Rumal ri', we ri a bak'wäch re ri awiquiak'ab cattzakow pa ri mac, chawesaj, chaq'uiaka' apanok; are utz na chawe chi cäsach u wäch jun u tz'akatil ri a cuerp, chuwäch ri ronojel ri a cuerp cäq'uiak pa ri xibalba.

Ri Matey 8:29

Xquirak c'u qui chi', xquibij: “¿Jas awe chke, Jesus u C'ojol ri Dios? ¿La at petinak waral che u banic c'ax chke, c'ä majok curika' ri k'ijol?”

Ri Lucax 16:24

C'äte ri' ri k'inom co xch'awic, xubij: ‘Tat Abraham, chel c'u'x la chwe, chtakala' ulok ri Lazaro rech curub ulok ri u wi' u k'ab pa ja', cujorobisaj c'u ri wak'; rumal rech chi quinel ch'u'j pa we k'ak' ri.’

Ri Lucax 16:28

E c'o c'u can job wachalal. Quinwaj chi ri Lazaro cuk'alajisaj ronojel wa' chquiwäch, rech man quepe ta pa we c'olbal ri' re c'axc'olil.’

Ri Lucax 8:28

Ri achi, aretak xril apan ri Jesus, xurak u chi', xutzak rib cho ri ulew chuwäch, xubij ruc' nimalaj chuk'ab: “¿Jas awe chwe, Jesus, u C'ojol ri Dios aj chicaj? Catinbochi'j chi maban c'ax chwe.”

1 Corintios 15:55

Cämical, ¿jawije' c'o wi ri a cuinem che u banic c'ax chke? Cämical, ¿jawije' c'o wi ri a ch'äcanic?”

2 Pedro 2:4

Ri Dios man xusach ta qui mac ri tako'nib aj caj ri xemacunic, xane' xebuq'uiak pa ri xibalba, xebutz'apij pa ri k'eku'm, chila' cäqueyej wi na ri k'atoj tzij paquiwi'.

Apocalipsis 20:10

Ri itzel ri xesubuwic, xq'uiak pa ri cho re k'ak' xukuje' asubre, jawije' ri c'o wi ri itzel awaj xukuje' ri jun ri u jalum rib chi k'axal tzij. Cäban c'u na nimalaj c'ax chque chi pa k'ij chi chak'ab amak'el chbe k'ij sak.