Ri Lucax 16:18 - Quiché Bible

¹⁸ “Ronojel achi ri cujach bic ri rixokil, cäc'uli' chi c'u ruc' jun chic, ri are' cäkaj pa mac. Xukuje' ri achi ri cäc'uli' ruc' ri ixok ri jachom bic rumal ri rachajil, ri are' cäkaj pa mac.”

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁸ Xapachin ri kujach ri rixoqil, kakꞌuliꞌ chi kꞌu rukꞌ jun ixoq chik, kamakunik rumal kekꞌojiꞌ kebꞌ rixoqil. Xuqujeꞌ ri kakꞌuliꞌ rukꞌ ri ixoq ri jachtal kanoq rumal ri rachajil, kamakun xuqujeꞌ rumal kekꞌojiꞌ e kebꞌ rachajil.

K'iche'

¹⁸ Ronojel achi ri cujach bi ri rixokil, cuc'ama chi na jun ixok chic, cuban ri nimalaj mac ri äwas u banic cho ri Dios xukuje' chrij ri rixokil. Xukuje' ri achi ri cuc'am jun ixok ri jachom bic rumal ri rachajil cuban ri' ri nimalaj mac ri äwas u banic cho ri Dios xukuje' chrij ri nabe rixokil, —xcha ri Jesús.

K'iche' (New Orthography)

¹⁸ Ronojel achi ri kujach b'i ri rixoqil, kuk'ama chi na jun ixoq chik, kub'an ri nimalaj mak ri äwas u b'anik cho ri Dios xuquje' chrij ri rixoqil. Xuquje' ri achi ri kuk'am jun ixoq ri jachom b'ik rumal ri rachajil kub'an ri' ri nimalaj mak ri äwas u b'anik cho ri Dios xuquje' chrij ri nab'e rixoqil, —xcha ri Jesús.

Ri Lucax 16:18 ပူးပေါင်းရင်းမြစ်များ

Ri Matey 19:9

Ri in c'ut quinbij chiwe, chi apachin ta ne cujach bic ri rixokil, we man rumal ruc'axic rib ri ixokil ruc' jun achi che u banic macunic, we cäc'uli' chi ruc' jun ixok chic, cäkaj pa mac. Ri achi c'ut ri cäc'uli' ruc' ri ixok ri jachom bic, xukuje' cäkaj pa mac.”

Ri Lucax 16:19

“C'o c'u jun k'inomalaj achi ri cucoj je'licalaj morato atz'iak sibalaj pakal rajil, cucoj ch'uch'ujalaj atz'iak re lino. Ronojel c'u k'ij cäjajat chubanic nimak'ij.

1 Corintios 7:4

Mawi ri ixokilaxel xuwi ta ri are' are' ta ajchak'e ri kas u cuerp, c'o c'u rech ri rachajil che. Mawi ri achajilaxel xuwi ta ri are' are ta ajchak'e ri kas u cuerp, c'o c'u rech ri rixokil che.