Ri Lucax 15:8 - Quiché Bible

⁸ “Jachin ta ri ixok ri c'o lajuj rakan puak ruc'. We cutzak jun chque, ¿la ma ta cutzij ri u chäj, cumes ri u pa ja, cärilij u tzucuxic, c'ä curik na?

RI KꞌAKꞌ TESTAMENTO PA TZIJOBꞌAL KꞌICHEꞌ

⁸ Xuqujeꞌ qaꞌnampe che we kꞌo jun ixoq ri kꞌo lajuj saqa pwaq rukꞌ, kutzaq kꞌu jun chike, ¿la man kꞌu kutzij jun qꞌaqꞌ riꞌ pa ri ja, xuqujeꞌ kumes ri upaja, kuchapleꞌj utzukuxik kꞌa kuriq na?

K'iche'

⁸ We c'o jun ixok ri e c'o lajuj quetzales ruc', cätzak c'u jun quetzal, ri ixok cutzij na jun u candela, cumes na ri upaja, cärilij na u tzucuxic c'ä curik na ri puak.

K'iche' (New Orthography)

⁸ We k'o jun ixoq ri e k'o lajuj quetzales ruk', kätzaq k'u jun quetzal, ri ixoq kutzij na jun u candela, kumes na ri upaja, kärilij na u tzukuxik k'ä kuriq na ri puaq.

Ri Lucax 15:8 ပူးပေါင်းရင်းမြစ်များ

Ri Ezequiel 34:12

Jacha' ri ajyuk' ri coc il chque tak ri u chij aretak qui tuquin quib, jewa' ri oquem il ri quenbana' na chque tak ri nu chij; quebento'tajisaj pa tak ri c'olbal ri xquituquij wi quib pa jun k'ekumalaj k'ij ri sibalaj rech rikoj c'ax.

Ri Matey 5:15

Mawi catzij jun chäj rech caya' ta chuxe' jun bo'j, xane' caya' chicaj. Jeri' cuya' sakil chque conojel ri e c'o pa ja.

Ri Lucax 15:7

Quinbij chiwe, jeri' c'o na quicotemal chila' chicaj rumal rech jun ajmac ri cuq'uex u c'u'x, chquiwäch ri jumuch' belejlajuj suc', ri man rajawaxic taj u q'uexic qui c'u'x.”

Ri Lucax 15:9

Aretak u rikom chic, quebusiq'uij ri rachil xukuje' ri e u c'ul tak ja, cubij: ‘Chixquicot wuc', rumal rech chi nu rikom ri puak ri nu tzakom.’

Ri Lucax 19:10

Petinak c'ut ri Rija'l Winak che qui tzucuxic, che qui colic ri winak ri e sachinak.”

Ri Xuan 10:16

E c'o chi c'u niq'uiaj nu chij, ri man e rech ta we warabal ri'. E are c'u ri' xukuje' rajawaxic quebenc'ama' na ulok. Cäquitatabej na ri nu ch'abal. Cäc'oji' na xa' jumulaj chij, xukuje' xa' jun ajyuk'.

Ri Xuan 11:52

Man xuwi' ta c'u cäcäm na che u q'uexwäch ri nim tinimit, xane' xukuje' rech quebumulij na pa jun ri e ralc'ual ri Dios ri e jabuninak.

Hechos 19:19

Xukuje' e q'ui chque ri qui banom k'ijinic, xequic'am ulok ri qui wuj, xquiporoj chquiwäch conojel. Xcajilaj joropa' ri cajil, xquetamaj chi are cawinak lajuj mil rakan sak puak.

Efesios 2:17

Ri Crist xpe c'ut, xutzijoj jamaril chiwe ri ix c'o naj, xukuje' chque ri e c'o nakaj.