Ri Lucax 15:32 - Quiché Bible

³² Rajawaxic u banic nimak'ij, rajawaxic chi cujquicotic, rumal rech chi we a chak' ri' ri cäminak chic, xc'astaj c'ut. Xsach na, xriktaj c'ut.’ ”

RI KꞌAKꞌ TESTAMENTO PA TZIJOBꞌAL KꞌICHEꞌ

³² Xa kꞌu rajawaxik xqabꞌan nimaqꞌij, xuqujeꞌ xujkiꞌkotik rumal cher we awachalal we xkamik, xkꞌastaj loq, pune xsach na, xqariq chi kꞌu na.”

K'iche'

³² Rajwaxic u banic nimak'ij, xukuje' cujquicotic rumal chi we a chak' ri' je' ta ne cäminak chic, xc'astaj c'u lok jumul chic. Xtzak na wa', xriktaj c'ut,” —xcha che ru c'ojol, —xcha ri Jesús chque.

K'iche' (New Orthography)

³² Rajwaxik u b'anik nimaq'ij, xuquje' kujkikotik rumal chi we a chaq' ri' je' ta ne käminaq chik, xk'astaj k'u loq jumul chik. Xtzaq na wa', xriqtaj k'ut,” —xcha che ru k'ojol, —xcha ri Jesús chke.

Ri Lucax 15:32 ပူးပေါင်းရင်းမြစ်များ

Salmib 51:8

Chinnojisaj la che utzil xukuje' quicotemal; chinquicotisaj chi c'u na la jumul, pune' in c'axc'obisam la.

Ri Isaiy 35:10

ri e torom rumal ri Ajawaxel queboc c'u na pa Sion cuc' tak bix re quicotemal, ronojel k'ij quequicot na. Cäquirik na utzil xukuje' utzalaj c'aslemal, cäsach na u wäch ri ok'ej xukuje' ri k'oxomal.

Ri Osey 14:9

E are' ba' ri ajno'jab xukuje' ri utz quenojinic chequich'ob we tijonic ri': Ri e u be ri Ajawaxel e colom, e are' tak c'ut ri e suc' quequitakej; e are' tak c'ut ri e banal tak etzelal chaquichak'ij quib puwi'.

Ri Lucax 15:24

Rumal rech chi we nu c'ojol ri' cäminak chic, xc'astaj c'u ulok, xsach na, xriktaj c'ut.’ Xquichaplej c'u nimak'ij.

Ri Lucax 15:31

Ri u tat xubij che: ‘Nu c'ojol, ri at amak'el at c'o wuc', conojel ri jastak wech e awech.

Ri Lucax 7:34

Xpe ri Rija'l Winak, ri cäwa'ic, ri cuq'uianic. Quibij c'ut: ‘Chiwilampe', jun achi ajwij, u q'uial u wa'l uva, cachil tok'il tak alcabal xukuje' ajmaquib.’

Romanos 11:15

We ri quesaxic can ri aj judeyib are xbanowic chi xquirik ri jamaril ri winak cho ri uwächulew ruc' ri Dios, ¿jas c'u lo cäc'ulmax na aretak quec'am chi na ri aj judeyib rumal ri Dios? ¡Are jun c'astajibal ri' chque ri cäminakib!

Romanos 3:19

Keta'm chi ronojel ri cubij ri pixab, chque conojel ri e c'o chuxe' ri pixab cubij wi, rech conojel ri winak man cuya' taj cäquibij chi man c'o ta qui mac, rech conojel ri winak cho ri uwächulew quec'oji' chuxe' ri u k'atoj tzij ri Dios.

Romanos 3:4

¡Man je ta ri'! Xane' are ri Dios kastzij, pune' conojel ri winak e banal tak tzij. Jas ri tz'ibatalic: “Rech cäk'alajisax la chi ri lal suc' pa tak ri tzij la, xukuje' rech cäch'äcan la aretak cäk'at tzij pa wi' la.”