Ri Lucax 13:34 - Quiché Bible

³⁴ ¡Jerusalen, Jerusalen! At quebacämisaj ri e k'axal tak tzij, cabuc' chabaj ri quetak ulok awuc'. Q'ui mul xinwaj taj xebenmulij ri awal, jas ri ec' quebumulij ri alaj tak ral chquixe' ri u xic', man xawaj ta c'ut.

RI KꞌAKꞌ TESTAMENTO PA TZIJOBꞌAL KꞌICHEꞌ

³⁴ ¡Tinimit Jerusalén! ¡Tinimit Jerusalén! At ri kaꞌkamisaj ri qꞌalajisal taq rech ri utzij ri Dios xuqujeꞌ kabꞌan che abꞌaj ri ketaq loq awukꞌ. ¡Kꞌi mul xwaj xeꞌnmulij ri awalkꞌwaꞌl jetaq ri kubꞌan ri atiꞌt akꞌ kuꞌmulij ri alaj taq e ral chuxeꞌ ri uxikꞌ, man xawaj ta kꞌut!

K'iche'

³⁴ ¡Ay, winak aj Jerusalén! Are quecämisaj alak ri k'alajisal tak re ru Lok' Pixab ri Dios, queban alak che abaj ri quetak bi uc' alak. ¡Q'uia mul nu rayim ri mulixic alak jas cuban jun ati't äc' cumulij ri alaj tak ral chuxe' ru xic', man caj tä c'u alak! —cächa'.

K'iche' (New Orthography)

³⁴ ¡Ay, winaq aj Jerusalén! Are kekämisaj alaq ri q'alajisal taq re ru Loq' Pixab' ri Dios, keb'an alaq che ab'aj ri ketaq b'i uk' alaq. ¡K'ia mul nu rayim ri mulixik alaq jas kub'an jun ati't äk' kumulij ri alaj taq ral chuxe' ru xik', man kaj tä k'u alaq! —kächa'.

Ri Lucax 13:34 ပူးပေါင်းရင်းမြစ်များ

Ri Nehemiy 9:26

Man c'u xeniman taj, xquiwalijisaj quib chij la, xquetzelaj u wäch ri pixab la, xequicämisaj tak c'ut ri e k'axal tak tzij la, ri xequitzujuj tak chisak xquibij c'u chque chi chetzelej uc' la, xequiban c'u nimak tak macaj chwäch la.

Ri Nehemiy 9:30

Q'ui junab c'ut xecoch' la, xepixbej c'u la rumal ri uxlabal la, xukuje' cumal tak ri e k'axal tak tzij la; man c'u xeboc ta il, rumal ri' xejach la pa xquicowirisaj c'u quib qui k'ab tak ri nimak tak tinimit ri e c'o cho ri uwächulew.

Salmib 149:2

Chequicot ri aj israelib, ri tinimit aj Sion, ri Dios are c'ut i winakirisanel xukuje' iwajawinel.

Salmib 17:8

Chinchajij la jacha' ri qui chajixic ri qui c'u'x ri bak'wäch la, chinch'uku la chquixe' ri e qui mu'jal ri e xic' la

Salmib 36:7

¡Sibalaj mayibal ri lok'ok'ebal c'u'x la, nu Dios! Ri winak cäquitzucuj u ch'ukic quib chuxe' ri xic' la.

Salmib 57:1

Chel c'u'x la chwe, nu Dios, chel c'u'x la chwe, uc' la quintzucuj wi u to'ic wib. Quinwaj quinto' wib chquixe' ri xic' la c'ä coc'ow na ri xak quieb cubij panuwi'.

Salmib 81:13

¡We ta xinutatabej ri nu tinimit! ¡we ta ri Israel xebutakej ta ri e nu be,

Salmib 91:4

catuch'uk c'u na cuc' ri e u xic', man c'o ta c'u jas cac'ulmaj na chquixe'. ¡Ri u jiquil catucol c'u na jacha' jun quetequic ch'ich'!

Ri Isaiy 30:15

Ri Ajawaxel, ri Tastalicalaj u Dios ri Israel, cubij: “Chixtzelejok, mixel c'u ch'u'j, man c'o ta c'u qui c'ulmaj na. Pa ri jororemal, pa ri jiquiban c'uxaj c'o wi ri i chuk'ab.” Man c'u xiwaj taj,

Ri Isaiy 50:2

¿Jasche, aretak xinulic man c'o ta jachin xinriko? ¿Jasche, aretak xinsiq'uinic, man c'o ta jun xch'aw chwe? ¿La are pa i c'u'x chi man quincuin ta che i toric? ¿La are pa i c'u'x chi man quincuin ta che i tzokopixic? Cubana' jun takanic ri quinya'o chi cächaki'jar ri plo, e are tak c'ut ri nima' quebux chaki'j uwo sak rech quecäm ri cär rumal chakij chi', quepuk'pup c'ut rumal rech chi man c'o ta ja'.

Ri Jeremiy 2:30

Xak lok' xinc'äjisaj qui wäch ri e i c'ojol, man xcaj ta c'ut xquetamaj taj ri tijonic. Kas ri ix, ix junam cuc' ri c'analaj tak coj, xebicämisaj tak ri e k'axal tak tzij ri e c'o iwuc'.

Ri Jeremiy 26:23

ri xequic'ama' ulok ri Uriy pa Ejipt xquijach pa u k'ab ri ajawinel Joasim, ri xtakanic chi cämisaxok chiq'uiaka' c'u ri u cuerp chupam ri jul ri quebalix wi conojel ri cäminakib.

Ri Jeremiy 35:14

Ri e rija'lil ri Jonadab, u c'ojol ri Recab, qui tz'akatisam u banic ri takanic ri xuya' chque chi macuq'uiaj u wa'l uva, xukuje' c'u c'ä pa ri k'ij camic man cäcuq'uiaj taj rumal rech chi qui nimam ri u takanic ri e qui mam. In xukuje' e nu yo'm tak takanic chiwe ri man e ajilatal taj, man c'u in i nimam taj.

Ri Jeremiy 35:17

Rumal ri' in, ri Ajawaxel ri c'o ronojel u cuinem xukuje' u Dios ri Israel, quinbij: Quenbana' chi quekaj puwi' ri Juda xukuje' paquiwi' ri winak ri e c'o pa Jerusalen conojel ri c'axc'ol ri nu yo'm u bixic chi cäpe paquiwi'. Ix nu tzijobem c'ut, are c'u ri ix man xiwaj taj xitatabej taj ri xinbij chiwe; ix nu siq'uim, are c'u ri ix man c'o ta jas i tzelem ta u bixic chwe.’ ”

Ri Jeremiy 6:16

Ri Ajawaxel cubij che ri u tinimit: “Chixtac'al pa tak ri be chixca'y c'ut, chich'obo' jachique tak ri ojer tak be, ri c'o wi ri utzalaj be; chitakej quirik c'u na ri uxlanem.” Caquibij c'ut ri e are': “Jayi', man cäkaj taj cäkatakej.”

Juyuwem 1:16

We jastak ri' quinquiya' pa ok'ej. Ri e nu bak'wäch quenoj che qui wal tak wächaj, man c'o ta c'u jachin jun ri c'o ta wuc' ri cacu'bisan ta nu c'u'x, man c'o ta jachin jun ri cuya' ta c'ac' chajin anima'aj chwe. Chquixo'l tak ri etzeletajic xecanaj wi can tak ri e walc'ual, are c'u xch'äcan na ri c'ulel chkawäch uj.

Juyuwem 4:13

¡Ronojel u mac rech ri qui mac ri e k'axal tzij ri e c'o cuc', qui mac ri quetzelal tak ri e cojol tabal tok'ob, ri xquitix quic' kas chupam ri nimalaj tinimit ri man c'o ta u mac!

Ri Osey 11:2

Aretak c'u xincäm che u siq'uixic; xa' sibalaj cunajtajisaj rib chnuwäch. Ri nu tinimit xebuchi'j tabal tak tok'ob chque ri diosib ri e subunelab quequiporoj c'u c'oc' k'ol chquiwäch tak ri diosib.

Ri Osey 11:7

Ri nu tinimit u takem u najtajisaxic rib chnuwäch; caquirak qui chi' chicaj, man c'o ta c'u jachin ta cäyo'w ta ri to'banic chque.

Ri Joel 2:23

¡Chixquicotok ix ri ix jekel pa Sion, chixquicot rumal ri Ajawaxel ri Dios! Are yowinak tak ri jäb chiwe pa ri k'ijol ri rajawaxic, ri nabe tak jäb xukuje' ri q'uisbal tak jäb, je jacha' ri xuban nabe.

Ri Zacariy 1:4

Miban iwe ri xquiban ri e i mam, ri xbix chque cumal ri ojer tak k'axal tzij chi in xinbinic chi chquitzaka' canok ri itzel qui c'aslemal xukuje' ri e itzel tak qui banoj, e are tak c'u wa' man xcaj taj, xinquitatabej taj, mawi xquiya' ta qui xiquin chwe. In, ri Ajawaxel, quinjiquiba' u bixic.

Ri Matey 22:3

Xebutak bic ri u tako'n che qui siq'uixic ri winak ri bim chque chi quec'oji' pa ri c'ulanem. Man xcaj ta c'ut xepetic.

Ri Matey 22:6

Niq'uiaj winak chic xequichap ri tako'n, xequiyok'o, xequicämisaj.

Ri Lucax 15:28

Sibalaj c'u xpe royowal ri nabeal, chi man cäraj taj coc bic. Xel c'u ulok ri u tat che u bochi'xic.

Ri Lucax 19:44

Catquiwulij na can cho ulew, quequiq'uiak na can ri winak cho ulew ri e c'o awuc'. Man cäquiya' ta na can jun abaj puwi' jun abaj. Rumal rech chi man xach'ob taj ri rulem ri Dios awuc'.”

Ri Lucax 23:28

Ri Jesus c'ut xutzolk'omij rib cuc', xubij: “Ixokib aj Jerusalen, miniwok'ej chic. Are chiwok'ej iwib, chebiwok'ej ri e iwalc'ual.

Hechos 7:52

¿Jachin ta chque ri e k'axal tak tzij ri ma ta xban c'ax che cumal tak ri e mam alak? Ri e are' xequicämisaj jachin tak ri xeyo'w u bixic ri u petic ri suc' ulinak c'ut, ri alak xjach alak pa ri cämical.

Hechos 7:59

Xquibuc' ri Estebn che abaj. Ri Estebn xuta' ri u to'banic ri Ajawaxel, xubij: “Wajaw Jesus, c'ama' la ri wuxlabal.”

Hechos 8:1

Ri Sawl are' jun xuya' u tzij che ri u cämisaxic ri Estebn. Pa ri k'ij ri', xpe c'u jun nimalaj c'axc'olil chrij ri comon cojonelab ri c'o pa Jerusalen. Conojel xquijabuj quib, xebe pa tak ri tinimit re Judey xukuje' re Samar. Xuwi c'u ri takomxenlab man xebe taj.

U Camulixic ri Pixab 32:29

We ta c'o qui no'j, cäquich'ob ta ri'; cäquetamaj ta ri' jas quebel na.

U Camulixic ri Pixab 5:29

¡C'o ta banom wi chi je ta quechoman wa' amak'el, nim ta quinquil wi, queniman ta che ri nu takomal conojel tak ri k'ij, rech ri e are' xukuje' ri e calc'ual cäc'oji' jun utzalaj qui c'aslemal!

Apocalipsis 11:8

Ri qui cuerp queya' na can pa ri nim be pa ri nimalaj tinimit, jawije' xrip wi ri Cajaw cho ri ripibal. Pa c'ambal no'j, cäbix Sodom xukuje' ri Ejipt che u bi' ri tinimit ri'.

Ri Rut 2:12

¡Are' ri Dios cäyo'w na rajil u c'axelal chawe! ¡Are' ba' ri Ajawaxel ri u Dios ri Israel ri a tzucum wi to'bal awib, chattojowok rumal ronojel ri a banom!”