Ri Lucax 13:24 - Quiché Bible

²⁴ “Chicojo' i chuk'ab rech quixoc pa ri uchi'ja ri ch'utin u wäch. Quinbij c'u chiwe chi e q'ui cäquitzucuj coquic, man quecuin ta c'ut.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁴ Chikojo ichuqꞌabꞌ rech kixok pa ri uchiꞌ ja ri nitzꞌ uwach, rumal cher e kꞌi winaq kakaj na koꞌk chilaꞌ man kekwin ta kꞌut.

K'iche'

²⁴ Cätij chuk'ab alak rech coc alak pa ri uchija ri sibalaj latz' u wäch. Je' quinbij chi e q'uia ri cäquitij na qui k'ij rech queboquic, man quecowin tä c'ut, —xcha chque.

K'iche' (New Orthography)

²⁴ Kätij chuq'ab' alaq rech kok alaq pa ri uchija ri sib'alaj latz' u wäch. Je' kinb'ij chi e k'ia ri käkitij na ki q'ij rech keb'okik, man kekowin tä k'ut, —xcha chke.

Ri Lucax 13:24 ပူးပေါင်းရင်းမြစ်များ

E C'ambal tak Tzij 14:6

Ri yacal ch'o'j cutzucuj no'j man curik ta c'ut; che ri c'oxomanel, ri etamanic man c'ax ta u rikic.

E C'ambal tak Tzij 21:25

Cumal tak rayinic cäcäm ri sak'or, rumal rech chi ri e u k'ab man cäcajtaj quechacunic;

Ri Tzijonel 10:15

Ri man c'o ta u no'j sibalaj cucämisaj rib che u banic ri chac, man reta'm ta c'u ne ri be ri cäbe pa ri tinimit.

Ri Isaiy 1:15

Aretak quiyac ri i k'ab che u banic ch'awem, ri in man quixinca'yej taj; pune' quiban q'ui ch'awem, ri in man quixintatabej taj, rumal chi tz'ajtajinak ri i k'ab che quic'.

Ri Ezequiel 33:31

Je c'u ri' ri nu tinimit cäpetic cat'uyi' chawäch, jacha' nak'atal u banic rumal, che qui tatabexic tak ri a tzij. Man c'u caquiban taj jas ri caquibij. Caquitzelela' tak u bixoxic jacha' caban che qui bixoxic tak bix quech taquenic, benak c'u ri ranima' chrij ri puak.

Ri Matey 11:12

Kas pa tak ri u k'ijol ri Xuan Bautist c'ä camic, cäcoj chuk'ab che ri rajawibal ri Dios. E are c'ut ri cäquicoj c'u qui chuk'ab, caquitokij.

Ri Lucax 13:23

C'o jun xuc'ot u chi' ri Jesus: “Ajawaxel, ¿la xa' e quieb oxib ri quecolotajic?” Ri Jesus xubij chque:

Ri Lucax 21:36

Xakba' chixc'ol suc'umatalic, chibana' ch'awem ruc' Dios ronojel jok'otaj, rech quixcuinic quixto'tajic man quebikajbej ta c'ut we jastak ri' ri quec'ulmataj na quixcuin c'u ri' quitac'aba' iwib chuwäch ri Rija'l Winak.”

Ri Xuan 13:33

Alaj tak walc'ual, xa jubik' chic quinc'oji' iwuc'. Quinitzucuj na, jas c'u ri xinbij chque ri aj judeyib: Jawije' ri quinbe wi, ri ix man quixcuin taj quixbe chila'. Je xukuje' quinbij chiwe camic.

Ri Xuan 6:27

Mixoc il che u rikic ri wa ri cäsach u wäch, xane' che u rikic ri wa ri cäjekic ri cuya' junalic c'aslemal chiwe, are wa ri cuya' ri Rija'l Winak chiwe, rumal rech chi ri Dios Tataxel u cojom ri u t'ikbal che.”

Ri Xuan 7:34

Quinitzucuj na, man quinirik ta c'ut. Jawije' ri in c'o wi, man quixcuin taj quixbe chila'.”

Ri Xuan 8:21

Ri Jesus xubij chi jumul chque: “In quinbec. Ri ix quinitzucuj na, pa ri i mac c'ut quixcäm wi na. Jawije' ri quinbe wi, ri ix man quixcuin taj quixbe chila'.”

Romanos 10:3

Man queta'm ta c'u ri suq'uil ri cuya' ri Dios. Are cäcaj cäquirik ri suq'uil rumal ri qui chac. Man cäquinimaj ta c'u ri cubij ri Dios.

Colosenses 1:29

Rumal ri' sibalaj quinchacunic, quintij nu chuk'ab. Ri cuinem ri cuya' ri Crist chwe, are cächacun pa ri wanima' ruc' chuk'ab.

Hebreos 4:11

Chkacojo' ba' ka chuk'ab rech cujoc pa ri uxlanem ri', rech man c'o ta jun cätzakic cutakej ta c'ut ri c'utbal que ri man xeniman taj.

Ri Josue 7:3

aretak c'u xetzelej ulok xquibij che ri Josue: “Man rajawaxic taj chi ronojel ri tinimit quech'ojin ruc' ri Hai, quieb o xib mil achijab quebubana' che u majixic ri tinimit. Matak la bic ronojel ri tinimit, ri e chajil rech ri tinimit man e q'ui taj.”

2 Pedro 1:10

Rumal ri', wachalal, quinbij wa' chiwe: Ri Dios xixuch'a xukuje' ix cha'talic. Chicojo' ba i chuk'ab che u c'utic pa ri i c'aslemal chi kastzij ix siq'uim xukuje' ix cha'tal rumal ri Dios. We jewa' quibano, mawi jumul quixtzakic.