Ri Lucax 13:19 - Quiché Bible

¹⁹ Ri rajawibal ri Dios xa' junam ruc' jun u bak' moxtansa, ri xuc'am jun winak, xutic pa ri ulew. Xq'uiyic, xux jun che', ri chicop aj uwo caj xquiban qui soc pa tak ri u k'ab.”

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁹ Are jeꞌ jas jun ijaꞌ rech moxtansia, ri xutik jun achi pa ri utikobꞌal, xkꞌiy kꞌut, xux jun cheꞌ. Xepe ri aꞌwaj ri kerapinik xkibꞌan kisok pa taq ri uqꞌabꞌ.

K'iche'

¹⁹ Are je' jas jun ija' re mostaza. Jun winak cuc'am bi ri ija' ri', cutic pa rulew. Cäq'uiyic, cuban nim je' jas cuban jun che' cäq'uiyic. Ri chicop ajuwocaj cäca'n ri qui soc pa tak ri u k'ab ri che' ri', —xcha chque.

K'iche' (New Orthography)

¹⁹ Are je' jas jun ija' re mostaza. Jun winaq kuk'am b'i ri ija' ri', kutik pa rulew. Käk'iyik, kub'an nim je' jas kub'an jun che' käk'iyik. Ri chikop ajuwokaj käka'n ri ki sok pa taq ri u q'ab' ri che' ri', —xcha chke.

Ri Lucax 13:19 ပူးပေါင်းရင်းမြစ်များ

Bixonic Tak 4:12

At, alaj wana'b, at ri catec'ulan wuc', at ticbal cotz'i'j tz'apitalic, tz'apim ja', t'ikom bulbux;

Bixonic Tak 4:16

Quiakik' re ri u wiquiak'ab elebal k'ij: ¡Chatc'astajok! Quiakik' re ri u mox k'ab elebal k'ij: ¡Tasaj waral! ¡Chixjich'ich' chupam ri nu ticbal cotz'i'j chijabuj c'ut ri u c'oc'al!” “Tasaj nu lok', chupam ri a ticbal cotz'i'j, chebatija' c'u awe ri e qui wächinic ri man c'o ta c'o wi ri u qui qui'al.”

Bixonic Tak 6:2

“Ri lok' chnuwäch benak pa ri ticbal u cotz'i'j, chupam ri ticbal u cotz'i'j ri c'oc'arinak, che u yuk'uxic ri u jumulaj xukuje' che qui ch'upic tak ri roxox.

Bixonic Tak 8:13

“¡Chaya' chwe chi quintatabej ri a chabebal, ajawinel ixok' quech tak ri ticbal tak cotz'i'j! ¡Ri e kachil queyem u tatabexic!”

Ri Isaiy 53:1

¿Jachin quecojowok ri ka tom? ¿Jachin chuwäch u c'utum wi ri Ajawaxel ri u cuinem?

Ri Isaiy 53:10

Ri Ajawaxel xraj xuban c'ax che ruc' tak ri c'axc'ol. Xujach c'u rib ri are' che tabal tok'ob qui mac ri macaj, che tabal tok'ob che u tojic ri macaj, kas cac'asi' c'u na, cäril na qui wäch ri e rija'lil; rumal ri are' utz quel wi na ri u chomanic ri Ajawaxel.

Ri Isaiy 58:11

Ri in quinc'am na a be amak'el, quintz'ebej na ri catijo chupam ri chaki'j uwo sak, quinya' na u chuk'ab ri a cuerp catux c'u na jacha' jun ticbal cotz'i'j ri utzalaj u ja'xic banom, jacha' jun u q'uiyibal ja' ri man cätzaj taj.

Ri Isaiy 61:11

Jacha' c'ut ri qui q'uiyic ulok ri tico'n pa ri ulew queq'uiy c'u ulok ri tuxaj chupam ri u ticbal cotz'i'j, jeri' cuban na ri Ajawaxel chi cäq'uiy na ri u ch'äcanic, chi conojel c'ut ri nimak tak tinimit chequibixoj na bix re k'ijilanic.

Ri Isaiy 9:7

Cät'uyi na chupam ri u tem re ajawibal ri David; culic' na ri u cuinem aj ajawinel pa ronojel c'olbal, ri jamaril man cäq'uis ta na; ri rajawinic co cajeki' na canok, ri e u tac'alibal are ri suq'uilal xukuje' ri ya'tal u banic kas camic c'ä chbe k'ij sak. Wa' cuban na ri nicowelalaj u lok'ok'ebal c'u'x ri Ajawaxel ri c'o ronojel u cuinem.

Ri Jeremiy 31:12

Quepe na quebixon na rumal quicotemal pa ri u chicajil ri Sion, quekaj na ri utzalaj tak jastak chquiwäch ri quebuban na ri Ajawaxel: ri trico, ri u wa'l uva xukuje' ri aseit, ri chij tak xukuje' tak ri wacax. Quebux na jacha' jun ticbal ri sibalaj utz u ja'xic banom, man c'u caquitzak ta chi na ri qui chuk'ab.

Ri Ezequiel 31:6

Ronojel qui wäch chicop ri c'o qui xic' caquiban qui soc xo'l tak ri u k'ab; ronojel qui wäch juyubal tak awaj quebalan chuxe'; pa ri u mujal cuya' quejeki' e q'ui nimak tak tinimit.

Ri Daniel 4:12

Ri e u xak sibalaj e je'lic xukuje' sibalaj q'ui ri u wächinic, ri cubana' che qui tzukic conojel. Ri juyubal tak awaj quec'oji' chuxe' ri u mu'jal, cäquiban qui soc tak ri chicop ri e c'o ri qui xic' xo'l tak ri u k'ab, are c'u ri u c'aslemal ronojel ri uwächulew che elinak wi.

Ri Daniel 4:21

ri e c'o je'licalaj tak u xak, ri c'o sibalaj q'ui u wäch ri cubana' che qui tzukic conojel, ri quekeb ri juyubal tak awaj chuxe' ri u mu'jal, ri cäquiban qui soc tak ri chicop ri e c'o qui xic' xo'l tak ri u k'ab,

Ri Zacariy 2:11

Aretak chec'ulmataj wa', e q'ui tak ri nimak tak tinimit ri caquijunaj na quib ruc' ri Ajawaxel. Ri are' cubij na: “Xukuje' we nimak tak tinimit ri' quebux na nu tinimit. Quinjeki' c'u na ri in chixo'l ix.” Je c'u ri' ri ix quich'ob na ix chi are' ri Ajawaxel ri c'o ronojel u cuinem are' in takowinak ulok.

Ri Matey 17:20

Xubij ri Jesus chque: “Rumal rech chi xa' jubik' ri i cojonic. Kastzij quinbij chiwe, chi we ta c'o i cojonic je jas ri u nimal ri rija' ri moxtansa, quibij na ri' che we juyub ri': ‘Chatel bic waral, chatk'ax chila'’, cäk'ax c'u na. Ma ta c'o jun jasach ri' ri ma ta quixcuin che u banic.”

Marcos 4:30

Xukuje' ri Jesus xubij: “¿Jas ruc' cäkajunamaj wi ri rajawibal ri Dios? ¿Ruc' jachique c'ambal no'j cäkaya' wi chi sakil?

Ri Lucax 17:6

Xubij c'u ri Ajawaxel: “We ta c'o i cojonic je jas ri jun u bak' moxtansa, quibij ta ri' che we juwi' mo'r ri': ‘Chaboko awib, chatica' awib pa ri plo’, cunimaj c'u ri' ri i tzij.”

Hechos 2:41

Je c'u ri' ri xquic'amowaj ri u tijonic, xban c'ut ri bautism; craj c'u ne e c'o oxib mil winak xetikitaj chque ri cojonelab pa ri k'ij ri'.

Hechos 21:20

Aretak xquito, xquinimarisaj u k'ij ri Dios. Xquibij che ri Pawl: “Cawilo, kachalal, joropa' mil aj judeyib e cojoninak. Conojel c'ut cäquibij chi rajawaxic u nimaxic ri u pixab ri Moises.

Hechos 4:4

E q'ui c'ut chque ri winak ri xquita' ri tijonic xecojonic. Cäraj ne xetz'akat job mil ri cajilabal ri cojonelab xuwi achijab.

Romanos 15:19

pa qui cuinem ri etal xukuje' mayibal, rumal ri u cuinem ri Uxlabaxel, nu tzijom ri utzalaj tak tzij re colobal ib rumal ri Crist pa Jerusalen xukuje' pa tak niq'uiaj c'olbal chic, c'ä pa Ilir.

Apocalipsis 11:15

Ri uwuk tako'n aj caj xrok'esaj ri u trompet. Xepe nimak tak ch'abal chicaj, ri xquibij: “Ri e ajawibal re ri uwächulew e rech chic ri Kajaw xukuje' e rech chic ri u Crist. Cajawin c'u na puwi' ronojel amak'el chbe k'ij sak.”