Ri Lucax 12:4 - Quiché Bible

⁴ “Quinbij c'u chiwe, wachil: Mixe'j iwib chquiwäch ri winak ri cäquicämisaj ri cuerp. Xuwi c'u wa' quecuin che, man c'o ta chi jas quecuin che u banic.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴ Chiꞌwe ix wech chꞌabꞌeꞌn kinbꞌij man kixiꞌj ta iwibꞌ chike ri kekamisan ri ityoꞌjal, rumal xwi riꞌ kekwinik kakibꞌano.

K'iche'

⁴ Quinbij c'u chiwe ix, kachalal, chi mixej iwib chquiwäch ri quecämisan ri cuerpo, te c'u ri' man c'o tä chi ri quecowin chubanic chiwe.

K'iche' (New Orthography)

⁴ Kinb'ij k'u chiwe ix, qachalal, chi mixej iwib' chkiwäch ri kekämisan ri cuerpo, te k'u ri' man k'o tä chi ri kekowin chub'anik chiwe.

Ri Lucax 12:4 ပူးပေါင်းရင်းမြစ်များ

E C'ambal tak Tzij 29:25

Ri xe'n ib chquiwäch ri winak are jun c'amibal, are' c'u ri cujiquiba' u c'u'x chrij ri Ajawaxel chajitalic.

Bixonic Tak 5:1

“In oquinak chic chupam ri nu ticbal cotz'i'j alaj wana'b, at ri catec'ulan wuc'. Nu majim chic ri nu mir xukuje' tak ri c'oc'al ri e ya'tal chwe, nu naom chic ri juyubal räx cab re ri wakaj, uq'uiatajinak chic ri u wa'l nu uva xukuje' ri nu leche.” “Lok'alaj tak wachil, chixwok xukuje' chixuq'uianok, ¡Chiwuq'uiaj ronojel ri qui waj!”

Bixonic Tak 5:16

ri u pa u chi' man c'o ta c'o wi ri u qui'al. ¡Ronojel are' are jun ch'äcanel! Je u banic wa' ri nu lok', je u banic wa' ri lok' chwe, ixokib aj Jerusalen.”

Ri Isaiy 41:8

“Chattatabenok, Israel, u tinimit ri Jacob, ri pataninel wech, ri cha'tal wumal, tinimit ri e u k'ab tak rachalaxic ri Abraham ri junam nu wäch ruc':

Ri Jeremiy 1:17

Are c'u ri at chc'ol a chuk'ab; Jät jabij c'u chque ronojel ri catintak wi. Maxe'j awib chquiwäch, we c'u man jewa' cabano quinban na chawe chi catbirbit chquiwäch.

Ri Jeremiy 1:8

Maxe'j awib chuwäch apachin jun, quinc'oji' c'u na awuc' che a to'ic. In ri Ajawaxel quinya' ri nu tzij.”

Ri Jeremiy 41:18

rech man querik ta cumal ri aj caldeyib, caquixe'j c'u quib chquiwäch rumal rech chi ri Ismael xucämisaj ri Jedaliy, ri cojom can che k'atal tzij puwi' ri ulew rumal ri ajawinel re Babilon.

Ri Ezequiel 2:6

At, winak, maxe'j awib chquiwäch mawi che ri caquibij chawe, pune' ta ne cana' chi at c'o pa qui niq'uiajil tak ri q'uix o at jekel ta chquixo'l tak ri sina'j. Maxe'j awib che ri caquibij chawe mawi mape awanima' chuwäch ri qui palaj ri caquibano, pune' c'u man sibalaj e nimanelab taj.

Ri Matey 10:28

Mixe'j ba iwib chquiwäch ri cäquicämisaj ri cuerp, man quecuin ta c'ut cäquicämisaj ri c'aslibal. Are c'u chixe'j na iwib chuwäch ri jun ri cäcuin che u sachic u wäch ri cuerp xukuje' ri c'aslibal chupam ri xibalba.

Ri Xuan 15:13

Man c'o ta jun nim na u lok'ok'ebal c'u'x chuwäch wa', chi cuya' ri u c'aslemal che qui q'uexwäch ri rachil.

Hechos 20:24

Man are ta quinwilij ri nu c'aslemal, man quinnimarisaj ta u k'ij ri nu c'aslemal, rech jeri' quinq'uis na ri nu chac ruc' quicotemal. Jeri' quintz'akatisaj na ri patan ri xinc'am che ri Ajawaxel Jesus, are ri u k'alajisaxic ri utzalaj tak tzij, ri cubij chi ri Dios u banom tok'ob chque ri winak.

Hechos 4:13

Aretak ri e nimak tak tatayib xquilo chi ri Lu' xukuje' ri Xuan man cäquixe'j ta quib quech'awic; xukuje' xquilo chi xak e winak ri man c'o ta quitijom wi quib quemayijinic; queta'm c'u qui wäch chi xec'oji' ruc' ri Jesus.

Filipenses 1:28

Man c'o ta quixe'j wi iwib chquiwäch ri cäquiban qui c'ulel chiwe. Are c'utbal wa' chi ri e are' cäsach na qui wäch, are c'u ri ix quixcolotaj na. Are wa' rumal ri Dios.

Santiago 2:23

Je xbantajic jas ri cubij ri Tz'ibatalic, ri cubij: “Ri Abraham xcojon che ri Dios, rumal wa' xuc'ämawaj ri Dios jacha' jun suc'.” Xbix che ri Abraham chi are rachil ri Dios.

1 Pedro 3:14

Xukuje' we quirik c'ax rumal rech chi quiban ri suc', utz iwe. Mixe'j c'u iwib chquiwäch ri xibibal tak jastak ri cäquibano, mäk'oxow ri iwanima'.

Apocalipsis 2:10

Maxe'j awib chquiwäch ri c'ax ri carika' na. Chawilampe', ri itzel chanim quebuya' na jujun chiwe pa che', che c'ambejenic catoc'ow c'u na pa lajuj k'ij c'axc'ol. Chatux jic c'ä pa ri a cämical. Quinya' c'u na ri corona' re c'aslemal chawe.