Ri Lucax 12:31 - Quiché Bible

³¹ Xane' are sibalaj chitzucuj ri rajawibal ri Dios. Xukuje' quebuya' c'u na ri i Tat ri niq'uiaj jastak chic ri e rajawaxic chiwe.”

RI KꞌAKꞌ TESTAMENTO PA TZIJOBꞌAL KꞌICHEꞌ

³¹ Are chitzukuj ix ri rawajarem ri Dios, xaq kꞌu katerebꞌax na uyaꞌik ronojel waꞌ we jastaq riꞌ chiꞌwe.

K'iche'

³¹ Chixchacun ba' nabe chujiquiba'xic ru takanic ri Dios, quirik c'u na xukuje' ri niq'uiaj jastak chic ri e rajwaxic chiwe, —xcha ri Jesús chque.

K'iche' (New Orthography)

³¹ Chixchakun b'a' nab'e chujikib'a'xik ru taqanik ri Dios, kiriq k'u na xuquje' ri nik'iaj jastaq chik ri e rajwaxik chiwe, —xcha ri Jesús chke.

Ri Lucax 12:31 ပူးပေါင်းရင်းမြစ်များ

Salmib 34:9

Nim chiwila' wi ri Ajawaxel, ri i tasom iwib che, man c'o ta c'u cajwataj na chque ri nim caquil wi.

Salmib 37:19

Pa c'axalaj tak k'ij, aretak c'o wi'jal, man quel ta na qui q'uixbal, c'o c'u cäquitijo.

Salmib 37:25

In xinux can c'ojol, in c'u nim winak chic, mawi c'u jumul xinwil jun utzalaj winak ri wonobam ta canok mawi xebenwil ta ri ralc'ual chi xa ta caquitz'onoj cochinic.

Salmib 37:3

Chacu'ba' a c'u'x chrij ri Ajawaxel, chabana' ri utzil, chatc'asal cho ri uwächulew, chätux c'u jic.

Salmib 84:11

Rumal rech chi ri Dios ri Ajawaxel cujutunuj xukuje' cujuch'uku; ri Ajawaxel quebulok'ok'ej, xukuje' nim queril wi ri man c'o ta qui bach'uyal, man cuk'il ta qui ya'ic ri utzalaj tak jastak chque.

Ri Isaiy 33:16

are wa' ri man c'o ta jachin cäslabisanic, curik na u panibal chupam tak ri cowilaj abaj, ronojel k'ij c'o cutijo xukuje' man cätzaj ta ri u ja'.

Ri Matey 6:33

Rumal c'u ri' are chicojo' i chuk'ab che u rikic ri rajawibal ri Dios chibana' c'ut ri cutok'ij ri Dios, quebic'am c'u na xukuje' conojel tak we jastak ri'.

Ri Lucax 10:42

Xa' c'u jun jasach ri rajawaxic, are ri Mariy u cha'om ri utz na, ri man quesax ta che.”

Ri Lucax 12:30

Conojel c'ut we jastak ri' are sibalaj quequitzucuj ri winak aj uwächulew. Ri i Tat c'ut reta'm chi rajawaxic wa' chiwe.

Ri Xuan 6:27

Mixoc il che u rikic ri wa ri cäsach u wäch, xane' che u rikic ri wa ri cäjekic ri cuya' junalic c'aslemal chiwe, are wa ri cuya' ri Rija'l Winak chiwe, rumal rech chi ri Dios Tataxel u cojom ri u t'ikbal che.”

Romanos 8:31

¿Jas c'u cäkabij che wa'? We c'o ri Dios kuc', ¿jachin ta ri cujc'ulelanic?

1 Timoteo 4:8

Ri u cojic ka chuk'ab ruc' ri ka cuerp xak jubik' cujuto' wi. Are c'u ri u patanixic ri Dios cujuto' na pa ronojel. C'o utzil cäkarik rumal wa' pa we c'aslemal ri' cho ri uwächulew, xukuje' pa ri c'aslemal ri cäpe na.

Hebreos 13:5

Milok'ok'ej ri puak, chubana' chiwe ri c'o iwuc'. U bim c'u ri Dios: Man catintzokopij ta canok mawi catinya' canok.