Ri Lucax 12:20 - Quiché Bible

²⁰ Xubij c'u ri Dios che ri achi ri': ‘Ri at man c'o ta aweta'm. Camic chak'ab catcämic. Are c'u ri jastak ri a c'olom, ¿jachin lo quechbenic?’

RI KꞌAKꞌ TESTAMENTO PA TZIJOBꞌAL KꞌICHEꞌ

²⁰ Xubꞌij kꞌu ri Dios che: “¡Konalaj achi! Chaqꞌabꞌ kamik katkamik. ¿Jachin kꞌu pa uqꞌabꞌ kakanaj wi kan ri ajastaq ri amulim?”

K'iche'

²⁰ Xubij c'u ri Dios che: “¡Conalaj achi! Cämic chak'ab catcämic, quel na rawanima'. ¿Jachin lo ajchak'el can ri jastak ri a c'olom?” —xcha ri Dios che, —cächa ri Jesús.

K'iche' (New Orthography)

²⁰ Xub'ij k'u ri Dios che: “¡Konalaj achi! Kämik chaq'ab' katkämik, kel na rawanima'. ¿Jachin lo ajchaq'el kan ri jastaq ri a k'olom?” —xcha ri Dios che, —kächa ri Jesús.

Ri Lucax 12:20 ပူးပေါင်းရင်းမြစ်များ

Ri Ester 5:11

ri Aman xebutzijoj c'ut ri nimak tak u k'inomal chque, ri q'uialaj u c'ojol ri e c'olic, xukuje' chi sibalaj nim quil wi rumal ri ajawinel chquixo'l ri rach k'atal tak tzij xukuje' ri quetoban ruc', xuya' c'u jun rekle'n ri nim na u k'ij chquiwäch ri quech are'.

Ri Job 27:8

¿Jas lo ri eyebal c'uxaj ri careyej ri man caniman ta che ri Dios aretak chesax ri u c'aslemal rumal ri Dios?

Salmib 39:6

“¡Ronojel winak xak coc'owic xa jacha' jun nanoch'! Man c'o ta cupatanij che cumulij sibalaj k'inomal, man reta'm ta c'ut jachin quechben canok.

Salmib 49:10

C'o chkawäch chi xak junam ri qui camic conojel, xak quejunamataj ri ajno'jab cuc' ri conab, quecanaj c'u can ri qui k'inomal chque jule' chic.

Salmib 73:19

¡Xa' pa jok'otaj cäsach qui wäch! ¡Ri xe'n ib caq'uisow na tzij paquiwi'!

Salmib 78:30

C'ä maja' c'u ne coc'ow ri qui jik'al, c'ä cätajin caquiba' ri qui wa,

E C'ambal tak Tzij 10:2

Ri k'inomal tak ri xa quet'orixic man c'o ta quechbex na chque, are' c'u ri tz'akatinic pa ronojel cäto'tajisan chuwäch ri cämical.

E C'ambal tak Tzij 11:4

Man c'o ta cäquipatanij na ri k'inomal pa ri k'ij re ri k'atan tzij, are c'u ri suq'uilal cuto'tajisaj ri winak pa u k'ab ri cämical.

E C'ambal tak Tzij 13:7

E c'o jachin tak ri man c'o ta cäc'am chque cäquiban c'u quib chi e k'inomab, e c'o c'u jachin tak c'o ronojel cuc' cäquiban c'u quib chi e mebayib.

E C'ambal tak Tzij 27:1

Maban nimal che ri k'ij re chwek, man aweta'm ta c'ut ri cuc'am ulok ri chwek.

E C'ambal tak Tzij 28:8

Ri quebumulij tak k'inomal rumal ri ral puak ri cutok'ij, quebumulij che ri quel u c'u'x chque ri mebayib.

Ri Isaiy 56:12

Cäquibij: “Jo' jekatzucuj u wa'l uva xukuje' ja' ri cäk'abarisanic rech cujk'abaric. Je c'u cäkaban na chwek jas ri cäkaban camic, o coc'ow chi ne na jubik' u wi'.”

Ri Jeremiy 17:11

Ri man ruc' ta suq'uilal cak'inomaric xak junam ruc' ri sakco'r ri cujupulej qui sakmol jule' chic. Quetiltit rakan u k'ab cuya' can ri u k'inomal, chuq'uisbalil xa' c'u jun con chic.

Ri Amos 6:13

Ri ix xa' u cawäch ri quicotemal ri qui c'utu', quibij c'ut: “Rumal ri kas ka chuk'ab ka rikom cuinem.”

Ri Nahum 1:10

Ix jacha' q'uix ri qui quemom tak quib, jacha' ri chaki'j u xak k'ayes, kas quixporox na.

Ri Lucax 11:40

Ri ix xa' man quiwaj taj quixch'obonic. Ri xbanow ri rij, ¿la ma ta are xukuje' xbanow ri u pam?

1 Tesalonicenses 5:3

Aretak cäquibij ri winak: “Utz uj c'olic, man c'o ta cäkac'ulmaj”, c'äte ri' cäpe na ri sachbal wächaj paquiwi' jas ri u k'oxowem ri ixok ri yawab winak. Man cato'taj ta c'ut.

1 Timoteo 6:17

Ri e k'inomab ri e c'o cho ri uwächulew camic, chebataka' chi mäquinimarisaj quib, chi mäquicu'ba qui c'u'x chrij ri k'inomal ri man kastzij taj chi c'olic. Xane' chquicu'ba qui c'u'x chrij ri c'aslic Dios, ri yowinak ronojel ri jastak chke, sibalaj nim u yo'm chke, rech cujquicot ruc'.

1 Timoteo 6:7

Man c'o ta ka c'amom ulok cho ri uwächulew, man c'o ta c'u cujcuin che u c'amic bic.

Santiago 4:14

Man iweta'm ta c'u ri chwek, jas quel wi na ri i c'aslemal. Kastzij ri i c'aslemal je jas ri mayul, ri xa' jubik' cuc'ut rib, c'äte ri' man quilitaj ta chic.