Ri Lucax 12:1 - Quiché Bible

¹ Qui mulin quib q'ui mil winak ruc' ri Jesus, jeri' chi cäquitac'alela' quib. Nabe ri Jesus xuchaplej u bixic chque ri u tijoxelab: “Chichajij iwib chuwäch ri qui ch'am ri pariseyib, ri quel cubij ri qui cawächil.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Sibꞌalaj e kꞌi winaq kꞌut xkimulij kibꞌ, xaq kakitakꞌaleꞌla chi kibꞌ, xpe kꞌu ri Jesús xuchapleꞌj kichꞌabꞌexik, nabꞌe xubꞌij chike ri utijoxelabꞌ: Chichajij iwibꞌ che ri chꞌam kech ri fariseos, pa nikꞌaj tzij chik, ri kikawachil.

K'iche'

¹ Xquimulij c'u quib sibalaj q'uia winak je ri' chi cäquitac'alela quib. Ri Jesús xeutzijobej ru tijoxelab nabe, xubij chque: Chichajij iwib chuwäch ri qui ch'amil ri tata'ib fariseos. Ri ch'äm ri quinbij chiwe man kas tä ch'äm wa', xane are ri qui no'j ri fariseos ri xak quieb qui wäch ri quinjunamaj ruc' ri ch'äm, —cächa'.

K'iche' (New Orthography)

¹ Xkimulij k'u kib' sib'alaj k'ia winaq je ri' chi käkitak'alela kib'. Ri Jesús xeutzijob'ej ru tijoxelab' nab'e, xub'ij chke: Chichajij iwib' chuwäch ri ki ch'amil ri tata'ib' fariseos. Ri ch'äm ri kinb'ij chiwe man qas tä ch'äm wa', xane are ri ki no'j ri fariseos ri xaq kieb' ki wäch ri kinjunamaj ruk' ri ch'äm, —kächa'.

Ri Lucax 12:1 ပူးပေါင်းရင်းမြစ်များ

Ucab Ajawinelab 7:17

Ri ajawinel are xutak ri to'l rech che u chajixic ri oquibal chupam ri tinimit, xxak'alex c'u cumal ri winak chuchi' ri oquibal xcäm c'ut, je xc'ulmatajic jas u bim ri k'axal tzij aretak ri ajawinel xopan che rilic.

Ri Job 20:5

Ri u jajatem ri banal etzelal man cabeytaj taj; ri u quicotemal xa' re jok'otaj.

Ri Job 27:8

¿Jas lo ri eyebal c'uxaj ri careyej ri man caniman ta che ri Dios aretak chesax ri u c'aslemal rumal ri Dios?

Ri Job 36:13

Ri co canima' quenoj che k'ak'aric, man caquitz'onoj ta c'u ne to'banic pune' ta ne e c'o pa che'.

Ri Isaiy 33:14

Quebirbob ri ajmaquib pa ri Sion, ri man e nimanelab taj quenoj na che xe'n ib cäquibij c'ut: “¿Jachin ta chke cäcuinic cäc'asi pa jun k'ak' jarisanel, pa jun k'ak' aj chbe k'ij sak?”

Ri Lucax 11:44

¡C'ax iwe!, ix pariseyib, rumal rech chi ix je jas ri mukubal ri man e k'alaj taj. Ri winak c'ut quebin paquiwi', man c'u quequinabej taj.”

Ri Lucax 12:56

¡Quieb i wäch! Quich'ob u wäch ri caj ri ulew. ¿Jas c'u che man quich'ob taj jas cäban pa tak we k'ij ri'?”

Ri Lucax 5:1

Aretak ri Jesus tac'al chuchi' ri cho re Galiley, xebopan q'ui winak ruc', cäpitz' c'u cumal ri q'uialaj winak che u tatabexic ri u tzij ri Dios.

Ri Lucax 5:15

Xesax c'u u tzijoxic ri Jesus pa ronojel c'olbal. Rumal ri' cäquimulij quib q'uialaj winak che u tatabexic ri u tzij xukuje' che qui cunaxic chque tak ri qui yab.

Ri Lucax 6:17

E rachilam c'ut xkaj bic, xtaq'ui' pa jun c'olbal lianic cuc' ri u tijoxelab xukuje' q'ui winak ri xepe pa ronojel Judey, pa Jerusalen, pa tak ri tak'aj re Tir, re Sidon, ri e petinak che u tatabexic ri Jesus, xukuje' rech quecunax bic che ri qui yab.

Hechos 21:20

Aretak xquito, xquinimarisaj u k'ij ri Dios. Xquibij che ri Pawl: “Cawilo, kachalal, joropa' mil aj judeyib e cojoninak. Conojel c'ut cäquibij chi rajawaxic u nimaxic ri u pixab ri Moises.

1 Corintios 15:3

Are c'ut ri kas in xinc'amowic are' wa' xinya' u bixic chiwe, are' c'u wa' ri sibalaj nim na u k'ij: chi ri Crist xcäm qui mac quech ri e ka mac, je jacha' ri caquibij ri e Tz'ibatalic,

Hebreos 12:22

Are c'u ri ix ix opaninak chunakaj ri juyub Sion, chunakaj ri u tinimit ri c'aslic Dios, ri Jerusalen aj chicaj, chquiwäch e q'uialaj mil tako'n aj caj ri qui mulin quib.

Santiago 3:17

Are c'u ri winak ri cäya' qui no'j rumal ri Dios, nabe e ch'ajch'oj, c'äte ri' cäquiya' jamaril, e utz cuc' ri winak, are' e nimanelab, e nojinak che elebal c'uxaj xukuje' che utzalaj tak wächinic, man cuban ta quieb qui c'u'x, man c'o ta quieb qui wäch.

1 Pedro 2:1

Je c'u ri, chiwesaj ronojel etzelal xukuje' ronojel subunic. Miban chi iwe jas cäquiban ri quieb qui wäch. Itzel miwil wi aretak jun chic curik utzil. Miyac chi tzij chquij niq'uiaj winak chic.