Ri Lucax 11:48 - Quiché Bible

⁴⁸ Kastzij ri ix ix k'alajisal quech ri qui chac ri i mam, xa' junam i chomanic cuc'. Ri e are' xequicämisaj ri k'axal tak tzij, ri ix c'ut quebiyac qui wi' ri qui mukubal.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴⁸ Ri ix tajin kibꞌij chi utz ri xkibꞌan ri itat inan ojer rumal cher aꞌreꞌ xekamisan ri e qꞌalajisal taq utzij ri Dios, ri ix kꞌut are tajin kiyak tzꞌaq naꞌtabꞌal ke.

K'iche'

⁴⁸ Kas tzij chi ri alak, alak k'alajisal tak que ri xca'n ri mam alak, xukuje' junam wäch alak cuc' ri mam alak. E are' xecämisanic, ri alak c'ut queyac alak ri mukubal tak ja ri e mukum wi, —cächa'.

K'iche' (New Orthography)

⁴⁸ Qas tzij chi ri alaq, alaq q'alajisal taq ke ri xka'n ri mam alaq, xuquje' junam wäch alaq kuk' ri mam alaq. E are' xekämisanik, ri alaq k'ut keyak alaq ri muqub'al taq ja ri e muqum wi, —kächa'.

Ri Lucax 11:48 ပူးပေါင်းရင်းမြစ်များ

Ucab Tzijobelil 36:16

Ri e are' xa' xquitze'j qui wäch ri e u tako'n ri Dios, man nim ta xquil wi ri xutak u bixic chque xa' c'u xequetz'bej qui wäch ri e k'axal tzij, xyactaj c'u na ri royowal ri Ajawaxel puwi' ri u tinimit, ri man c'o ta chi cunabal che.

Ri Job 15:6

Man cajwataj ta chic catintzujuj, kas are' c'u ri a chi' catc'okonic.

Salmib 64:8

quetzak na rumal tak ri qui tzij, cätze'x na qui wäch cumal ri queilowic.

Ri Ezequiel 18:19

Ri ix quiban na we c'otoj chi'aj ri', qui bij na: ‘¿Jasche man quebukajbejtaj ri c'ojolaxel ri e u mac ri u tat?’ Rumal rech chi ri c'ojolaxel are xuban ri colomal xukuje' ri suq'uilal, xebutz'akatisaj c'ut xukuje' xebuban ronojel ri caquibij tak ri nu pixab: rumal ri' kastzij cutakej c'aslemal.

Ri Matey 23:27

¡Tok'ob i wäch, ajtijab re ri pixab xukuje' pariseyib! ¡Xa' quieb i wäch! Ri ix junam cuc' ri mukubal ri e chunam quij, je'l queca'yic. Ri qui pam c'ut e nojinak che qui bakil cäminakib, e nojinak che ronojel u wäch tz'ilol.

Ri Matey 23:31

Je c'u ri', quik'alajisaj iwib chi ix quija'l ri xecämisan ri e k'axal tak tzij.

Ri Lucax 11:47

¡C'ax iwe!, rumal rech chi quebiyac qui wi' ri e mukum wi ri e k'axal tak tzij, e are c'u ri i mam xecämisanic.

Ri Lucax 11:49

Rumal ri', ri Dios pa ri u no'j, xubij: ‘Quebentak na bic k'axal tak tzij xukuje' e takom. Jujun chque quequicämisaj na, jujun quecokataj na.’

Romanos 1:32

Queta'm chi c'ut ri u takanic ri Dios, chi conojel ri quebanow we jastak ri', takal chque chi quecämic. Pune' queta'm, cäquiban ri jastak ri'. Man xuwi ta cäquibano, xane' xukuje' utz cäquilo aretak niq'uiaj winak chic cäquibano.

Santiago 5:10

Wachalal, ri k'axal tak u tzij ri Dios ri xetzijon pa ri u bi' ri Ajawaxel xquirik c'ax, xqueyej c'ä xoc'ow na ri c'axc'olil. Chebic'ama' che c'utbal, chibana' iwe jas ri xquiban ri e are'.

Ri Josue 24:22

Xubij c'ut ri Josue chque: “Ix ri kas quixyo'w k'alajisanic chiwij chi i cha'om u patanix ri Ajawaxel.” “Uj” xecha' we winak ri'.