Ri Lucax 10:24 - Quiché Bible

²⁴ Quinbij chiwe chi q'ui k'axal tak tzij xukuje' q'ui ajawinelab xcaj xquilo jas ri quiwilo, man xquil ta c'ut. Xcaj xquito jas ri quito, man xquita' ta c'ut.”

RI KꞌAKꞌ TESTAMENTO PA TZIJOBꞌAL KꞌICHEꞌ

²⁴ Kinbꞌij chiꞌwe e kꞌo qꞌalajisal taq utzij ri Dios xuqujeꞌ e taqanelabꞌ ojer, xkaj kil ronojel we kiwil ix kamik, man xkil ta kꞌut, xkaj xuqujeꞌ xkita we kita ix kamik, man xekwin ta kꞌu chutatabꞌexik.

K'iche'

²⁴ Je' quinbij chiwe chi e c'o q'uia chque ri ojer tak k'alajisal re ru Lok' Pixab ri Dios, xukuje' nimak tak takanelab ri xquirayij ri rilic jas ri quiwil ix, man xquil tä c'ut. Xquirayij u tatabexic jas ri quitatabej ix, man xquita tä c'ut, —xcha ri Jesús chque.

K'iche' (New Orthography)

²⁴ Je' kinb'ij chiwe chi e k'o k'ia chke ri ojer taq q'alajisal re ru Loq' Pixab' ri Dios, xuquje' nimaq taq taqanelab' ri xkirayij ri rilik jas ri kiwil ix, man xkil tä k'ut. Xkirayij u tatab'exik jas ri kitatab'ej ix, man xkita tä k'ut, —xcha ri Jesús chke.

Ri Lucax 10:24 ပူးပေါင်းရင်းမြစ်များ

Ri Matey 13:16

Are c'u ri ix, utz que ri i bak'wäch, rumal rech chi queca'yic. Utz que ri i xiquin, rumal rech chi quetanic.

Ri Lucax 10:23

Ri Jesus xkeb cuc' ri u tijoxelab pa qui tuquiel wi, xubij chque: “Caquirik quicotemal ri winak ri cäquilo jas ri quiwil ix.

Ri Lucax 10:25

Jun ajtij rech ri pixab xbe che u tzijobexic ri Jesus xukuje' c'u che u c'ambejexic xuc'ot u chi': “Ajtij, ¿jas rajawaxic quinbano rech quinrik ri junalic c'aslemal?”

Ri Xuan 8:56

Ri Abraham ri i mam sibalaj xquicotic chi cäril na ri nu k'ij. Xril c'ut, xquicotic.”

Hebreos 11:13

Conojel we winak ri' xecämic man xequic'amowaj ta c'ut ri jastak ri u chi'm ri Dios; rumal c'u rech chi c'o qui cojonic, xequil apan chi naj, utz c'u qui c'ulaxic xequibano, xquich'ob c'u quib chi man e aj waral taj chi xak e oc'owenelab cho we uwächulew ri'.

Hebreos 11:39

Conojel wa' rumal ri qui cojonic xek'alajisaxic chi utz qui banom. Man xquirik ta c'u ri u bim ri Dios chi cuya' na,