Ri Lucax 10:16 - Quiché Bible

¹⁶ Apachin ri cutatabej ri i tzij, in ri' qui nu tatabej. Apachin ri man nim ta quixril wi, in ri' man nim ta quinrilo. Apachin ri man nim ta quinrilo, man nim ta cäril wi ri' ri xinutak ulok.”

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁶ Xapachin ri kixutatabꞌej, in riꞌ kinutatabꞌej, xapachin ri kaketzelaj iwach, in kinretzelaj. Xapachin kꞌu ri kinretzelaj in, karetzelaj ri xintaqow loq.

K'iche'

¹⁶ Xch'aw chi ri Jesús, xubij: Apachique winak ri cutatabej ri i tzij ix, in ri' ri quinutatabej. Apachin ri man nim tä quixrilo, in ri' ri man nim tä quinril wi xukuje'. Apachin c'u ri man nim tä quinrilo, man nim tä cäril wi ri' ri xintakow lok, —xcha chque ru tijoxelab.

K'iche' (New Orthography)

¹⁶ Xch'aw chi ri Jesús, xub'ij: Apachike winaq ri kutatab'ej ri i tzij ix, in ri' ri kinutatab'ej. Apachin ri man nim tä kixrilo, in ri' ri man nim tä kinril wi xuquje'. Apachin k'u ri man nim tä kinrilo, man nim tä käril wi ri' ri xintaqow loq, —xcha chke ru tijoxelab'.

Ri Lucax 10:16 ပူးပေါင်းရင်းမြစ်များ

Elem 16:7

ak'ab quiwil na ri u juluwem ri Ajawaxel, u tom c'ut chi c'ax quixch'aw chrij. ¿Jas ta ri ka banic uj chi c'ax quixch'aw chkij?”

Elem 16:8

Xubij chi c'u ri Moises chque ri aj israelib: “Ri Ajawaxel benak k'ij cuya' na i ti', ak'ab cuya' na i wa ri tz'ebetalic, u tom c'ut chi c'ax quixch'aw chrij. ¿Jas ta ri ka banic uj? Man chkij ta c'u uj c'ax xixch'aw wi xane' chrij ri Ajawaxel.”

Ri Malaquiy 1:6

Ri Ajawaxel ri c'o ronojel u cuinem cubij chque ri e cojol tabal tok'ob: “Ri alc'ualaxelab nim chequila' ri qui tat qui nan, e are' c'u ri pataninelab nim chequila' wi ri e cajaw. We c'u ri in in i Tat, ¿Jas che ri ix man nim ta quiniwilo? We in Iwajaw, ¿Jasche man nim ta quiniwil wi? Ix quiwetzelaj nu wäch, c'ä quibij c'ut: ‘¿Jas ri ketzelam wi wäch la?’

Ajilanic 14:11

xubij c'ut ri Ajawaxel che ri Moises: “¿C'ä jampa' lo cutakej na retzelaxic nu wäch we tinimit ri'? ¿C'ä jampa' lo caquitakej na u queblaxic qui c'u'x chwij, pune' ta c'u ne e nu banom mayibal chquixo'l?

Ajilanic 14:2

Conojel e are' xquichaplej qui bixic lawaloyil chrij ri Moises xukuje' ri Aaron. Je xquibij wa': “¡C'o ta banom wi xujcäm ta can pa Ejipt, o waral chupam ri chaki'j uwo sak!

Ajilanic 16:11

Kastzij ri Aaron man c'o ta u banic rech cäban yok'onic chrij; chrij ri Ajawaxel wa' ri at xukuje' ri e awachil qui walijisam wi quib.”

Ri Matey 10:40

“Apachin ri quixc'amowanic, in ri' in u c'amowam; apachin c'u ri quinc'amowanic, u c'amowam ri xintakow ulok.

Ri Matey 18:5

Apachin c'u ri cuc'am jun ac'al jewa' pa ri nu bi', in ri' quinuc'amowaj.”

Marcos 9:37

“Apachin ri cuc'amowaj jun chque ri ac'alab ri je u banic jewa' pa ri nu bi', in ri' quinuc'amowaj. Apachin c'u ri quinc'amowanic, man in ta ri quinuc'amowaj, xane' are cuc'amowaj ri xintakow ulok.”

Ri Lucax 9:48

xubij chque: “Apachin ri cac'amowan we ac'al ri' pa ri nu bi', in ri' quinuc'amowaj. Apachin c'u ri quinc'amowanic, are' cuc'amowaj ri xinutak ulok. Are' c'u ri ch'utin na chixo'l iwonojel, are wa' cux na nim u k'ij.”

Ri Xuan 12:44

Ri Jesus co xch'awic, xubij: “Jachin ri cäcojon chwe in, man xuwi ta chwe in cäcojon wi, xane' che ri xinutak ulok.

Ri Xuan 12:48

Jachin ri man nim ta quinril wi, ri man cäc'amow ta ri nu tzij, c'o jachin cäk'atow tzij puwi'. Ri tzij ri nu tzijom canok, are ri' cäk'atow na tzij puwi' pa ri q'uisbal k'ij.

Ri Xuan 13:20

Kastzij, kastzij quinbij chiwe: Jachin ri cac'amowan ri quintak bic, quinuc'amowaj in; jachin c'u ri quinuc'amowaj in, cuc'amowaj ri xintakow ulok.”

Hechos 5:4

Aretak awech ri ulew, ¿la ma ta c'o pa a k'ab? Aretak c'ut xac'ayij, ¿la ma ta pa a k'ab c'o wi ri puak? ¿Jasche xachomaj wa' pa awanima'? Man a banom ta tzij chquiwäch ri winak, xane' chuwäch ri Dios.”

Gálatas 4:14

We yabil ri' jun c'ambejebal wa' chiwe, chi man xiwetzelaj ta nu wäch mawi xinipakchi'j rumal rech, xa' c'u ne man je ta wa', xane' xinic'amowaj jacha' jun aj cajalaj u tako'n ri Dios, ¡je ta ne ri kas are' ri Jesucrist!

1 Tesalonicenses 4:8

Je c'u ri' xa apachin ri man nim ta cäril wi we tzij ri', man are' ta ri winak ri man nim ta cärilo, xane' are' man nim ta cäril wi ri Dios ri yowinak ri Ruxlabal chke.