Ri Lucax 10:15 - Quiché Bible

¹⁵ Ri at c'ut, Capernaum, ¿la cachomaj chi at walijisam c'ä chicaj? Jayi', xane' catkasax bic pa ri qui c'olbal ri cäminakib.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁵ Xuqujeꞌ ri ix winaq ri ix kꞌo pa ri tinimit Capernaúm, ¿teꞌq pa ikꞌuꞌx kixpaqabꞌax bꞌik pa ri kaj? Man je ta kꞌu riꞌ, kꞌa pa ri nimalaj jul ri maj ukꞌisik kixkꞌyaq wi bꞌik.

K'iche'

¹⁵ Ri ix c'ut, winak re ri tinimit Capernaum, ri sibalaj xinimarisaj iwib, c'ä pa ri k'ak' quixkasax wi na, —xcha chque.

K'iche' (New Orthography)

¹⁵ Ri ix k'ut, winaq re ri tinimit Capernaum, ri sib'alaj xinimarisaj iwib', k'ä pa ri q'aq' kixqasax wi na, —xcha chke.

Ri Lucax 10:15 ပူးပေါင်းရင်းမြစ်များ

Chapletajic 11:4

Xquibij c'ut: “Tisaj kayaca' jun ka tinimit xukuje' jun nimalaj tz'ak ri quel ri u wi' c'ä chicaj. Rech cänimar ka k'ij, man cäkatuquij ta c'u kib cho ronojel ri uwächulew.”

Ri Isaiy 5:14

Ri u jul cäminak cujakakej na ri u pa u chi' jacha' jun juyubal awaj, che qui bik'ic bic ri aj israelib xukuje' ri c'amal tak qui be we winak ri' ri e c'o pa jajatem xukuje' pa etzenem.

Ri Jeremiy 51:53

Ri Babilon pune' cäpaki' c'ä cho ri caj che u cojic ri to'bal rib sibalaj chicaj xukuje' chila' quebentak wi bic tak ri c'ulel che u sachisaxic u wäch. In, ri Ajawaxel, quinjiquiba' u bixic.”

Ri Ezequiel 26:20

chatbik'taj c'ut c'ä iquim jawije' ri e c'o wi ri cäminakib, ri winak ri xecasi' can ojer. Catinq'uiak c'u na chupam ri ulew ri sibalaj naj kajinak, chupam ri ulew re junalic sachbal wächaj, catjeki' c'u na chquixo'l ri e cäminak chic. Man quec'oji' ta chi na a winak, mawi catyac chi jumul pa we uwächulew ri' ri quech ri e c'asc'oj.

Ri Ezequiel 31:18

Mawi jun chque tak ri e juwi' tak che' ri e rech ri Eden ri xuya' xjunamataj ta ruc' pa ri je'lical xukuje' nimal; pune' c'u ruc' ronojel wa', cäkaj na cuc' ri niq'uiaj juwi' tak che' chic ri e c'o pa ri Eden pa ri c'olbal chuxe' ri ulew, rech quejeki' chquixo'l ri e k'ijilal tak diosib, chquixo'l ri winak ri xecäm pa ri ch'o'j. Ri juwi' che' are' ri ajawinel paraon xukuje' conojel ri u winak. In, ri Ajawaxel, quinjiquiba' u bixic.’ ”

Ri Ezequiel 32:18

“At, winak, chatbixon junam cuc' ri ixokib ri e re jalan nimak tak tinimit jun bix re cämical paquiwi' ri q'uialaj winak aj Ejipt xukuje' paquiwi' ri e c'amal tak qui be. ‘Ri e c'o qui cuinem quekaj na pa ri c'olbal chuxe' ri ulew cuc' ri e kajinak chic chuxe' ri ulew pa ri mukbal.

Ri Ezequiel 32:20

“Ri e are' quetzak na cuc' ri quecämisax pa ri ch'o'j. Ri ch'ich' re ch'o'j xak eyeninak. Cuc' tak e are' quebe wi na ri e qui nimak tak mulaj.

Ri Ezequiel 32:27

Man e mukutaltaj cuc' ri nimak qui k'ij re ojer, ri xemuk junam cuc' ri qui ch'ojibal chupam ri cajawibal ri cäminakib ri xeya' ri qui ch'ich' re ch'o'j che qui ch'acat e are' tak c'ut ri e qui quetecak ch'ich' puwi' ri qui cuerp, xequinojisaj c'u ne can ri e c'asc'oj che xibin ib.

Ri Abdiy 1:4

Pune' c'u sibalaj naj catpaki' chicaj jacha' ri cot, cacoj ta c'u ri a soc chquipam tak ri ch'imil chila' catintzakisaj wi ulok.” Ri Ajawaxel cujiba' u bixic:

Ri Matey 10:28

Mixe'j ba iwib chquiwäch ri cäquicämisaj ri cuerp, man quecuin ta c'ut cäquicämisaj ri c'aslibal. Are c'u chixe'j na iwib chuwäch ri jun ri cäcuin che u sachic u wäch ri cuerp xukuje' ri c'aslibal chupam ri xibalba.

Ri Matey 11:23

Are c'u ri at, tinimit Capernaum, ¿Ri at walijisam c'ä pa ri caj? Chupam ri nimalaj siwan catrokix wi na, we ta c'u pa Sodom xeban tak wi ri mayibal ri xeban tak awuc' c'ä c'o ta ri' ri Sodom camic.

Ri Matey 4:13

Xuya' can ri Nazaret, xbec xec'ol pa Capernaum, ri c'o chuchi' ri cho, chupam ri rulew ri Zabulon xukuje' ri Neptali.

Ri Lucax 13:28

Chila' c'ut quixok' wi na xukuje' quikuch'uch'ej na ri e i ware, aretak quebiwil ri Abraham, ri Isaac xukuje' ri Jacob pa ri rajawibal ri Dios cuc' conojel ri k'axal tak tzij, ri ix c'ut ix yo'm apan jela'.

Ri Lucax 16:23

Ri k'inom c'o pa ri c'olbal que ri cäminakib, c'o pa c'axc'olil. Xca'yic, xril apan ri Abraham chi naj, xril apan ri Lazaro cho ri u c'u'x ri Abraham.

U Camulixic ri Pixab 1:28

¿Jawije' c'u cujbe wi camic? Ri xetak bic che u solixic ri ulew xquibij chi ri achijab ri e c'o chila' sibalaj e cowilaj tak achijab na chkawäch uj, xukuje' sibalaj nimak tak cakan, xukuje' e c'o tinimit ri e nimak, ri sutim quij cuc' nimak tak tapia xukuje' xequil qui wäch ri e rija'lil ri tac'atic Anac, ronojel wa' u yo'm nimalaj xe'n ib chke.’

2 Pedro 2:4

Ri Dios man xusach ta qui mac ri tako'nib aj caj ri xemacunic, xane' xebuq'uiak pa ri xibalba, xebutz'apij pa ri k'eku'm, chila' cäqueyej wi na ri k'atoj tzij paquiwi'.