Ri Lucax 1:8 - Quiché Bible

⁸ Jun k'ij ri Zacariy c'o che u cojic tabal tok'ob chuwäch ri Dios jas ri u cholajil ri u juk'at.

RI KꞌAKꞌ TESTAMENTO PA TZIJOBꞌAL KꞌICHEꞌ

⁸ Jun qꞌijal ri Zacarías are tajin kapatanij pa ri Templo rech ri Dios rumal cher xuriq ri qꞌij are kapatanik ri uwo kaj.

K'iche'

⁸ Pa jun k'ij ri tat Zacarías tajin cäpatänin ri are' pa ri nimalaj rachoch ri Dios rumal chi cäquirik u banic wa' ri achijab ri e jun cuc' ri juch'ob sacerdotes aj re ri mam Abías pa tak ri k'ij ri'. Ri u chac ri tat Zacarías are la' chi cäch'aw pa qui wi' ri winak ruc' ri Dios.

K'iche' (New Orthography)

⁸ Pa jun q'ij ri tat Zacarías tajin käpatänin ri are' pa ri nimalaj rachoch ri Dios rumal chi käkiriq u b'anik wa' ri achijab' ri e jun kuk' ri juch'ob' sacerdotes aj re ri mam Abías pa taq ri q'ij ri'. Ri u chak ri tat Zacarías are la' chi käch'aw pa ki wi' ri winaq ruk' ri Dios.

Ri Lucax 1:8 ပူးပေါင်းရင်းမြစ်များ

Nabe Tzijobelil 24:19

Je c'u qui jachanic tak ri chac wa' xbanic che ri patanijic chupam ri rachoch ri Dios, je jas ri nak'atisabal ri u bim ri Ajawaxel, ri u Dios ri Israel, ri u takom u banic rumal ri Aaron, ri qui mam.

Nabe Tzijobelil 24:2

U mac c'u rech chi xcäm ri Nadab xukuje' ri Abiu, nabe xecäm chuwäch ri qui tat, man c'o ta c'u qui c'ojol xebalaxic, ri Eleazar xukuje' ri Itamar pa qui k'ab xcanaj wi can ri u cojic tabal tok'ob.

Ucab Tzijobelil 11:14

ri aj levitib xequitzak na can tak ri culew re yuk'bal xukuje' ri niq'uiaj tak quechbal chic, che ri qui bic pa Jerusalen xukuje' pa niq'uiaj tak c'olbal chic pa Juda, rumal rech chi ri Jeroboam xukuje' tak ri xecanaj che u q'uexwäch man xquiya' ta chi be chque chi xquitakej ta chic ri qui chac chuwäch ri Ajawaxel.

Ucab Tzijobelil 31:19

Pa conojel tak ri tinimit e c'o jachin tak ri e cojom che qui jachic ri ya'tal u jachic che ronojel achi chquixo'l ri e cojol tabal tok'ob ri e rija'lil ri Aaron, xukuje' chque conojel ri aj levitib ri e tz'ibatalic ri e jekel pa tak ri ulew re yuk'bal quech tak ri e qui tinimit ri e cojol tabal tok'ob.

Ucab Tzijobelil 31:2

Xujekeba' c'ut ri Ezequiy ri qui cholajixic ri e cojol tabal tok'ob xukuje' tak ri aj levitib jas ri u cholajil tak ri qui chac ri qui rikom, rech junam que chquiwäch, chquijujunal jas ri u cholajil ri qui chac ri quena'w che u banic, quequichi'j c'u tabal tok'ob ri quechajirisaxic xukuje' tabal tak tok'ob quech utzirisan tak ib, chequiya' c'u maltioxinic xukuje' k'ijilanic che ri Ajawaxel, quepatanij c'u chquichi' tak ri e oquibal chupam ri rachoch Dios.

Ucab Tzijobelil 8:14

Xukuje' xebujekeba' tak ri chac ri cäbin chquiwäch, je jas ri u chomam can u banic ri David, ri u tat, rech ri e cojol tabal tok'ob quequiban ri qui patanijic e are' tak c'ut ri e aj levitib are' quebeklen ri u ya'ic k'ijilanic che ri Ajawaxel xukuje' chi quetoban cuc' ri e cojol tabal tok'ob jawije' ri c'o wi rajawaxic k'ij chk'ij. Xukuje' ri u jachic ri qui chac ri e chajil tak oquibal pa jujun tak oquibal, je c'u wa' ri takanic ri u yo'm can ri David, achi ri c'o ri Dios ruc'.

Ri Esdras 6:18

Xequicoj c'ut ri e cojol tabal tok'ob pa tak ri qui chac ri takalic, xukuje' c'u tak ri aj levitib pa tak ri qui chac, che u ya'ic ri k'ijilanic che ri Dios pa Jerusalen, jacha' ri tz'ibatal chupam ri u wuj ri Moises.

Elem 28:1

“Chasiq'uij ri Aaron ri awachalal e rachilam ri e u c'ojol ri Nadab, ri Abiu, ri Eleazar, xukuje' ri Itamar, chebawesaj ulok chquixo'l ri aj israelib, rech queboc che cojol tabal tok'ob chnuwäch.

Elem 28:41

Chebacojo' we atz'iak ri' chrij ri Aaron xukuje' chquij ri e u c'ojol, cak'ij c'u aseit puwi' ri qui jolom che u ya'ic takanic pa qui k'ab xukuje' che qui tewichi'xic rech quecanaj che cojol tabal tok'ob chnuwäch.

Elem 29:1

“Che qui tasic e jacha' che nu cojol tabal tak tok'ob, are wa' ri rajawaxic caban chque: chacha' jun alaj ama' wacax xukuje' quieb ama'ib tak chij ri man c'o ta qui yab;

Elem 29:44

Quintas na ri Lic'om Rachoch Dios re rikoj ib, xukuje' ri porobal, xukuje' quitas na ri Aaron e rachil ri e u c'ojol e jacha' che e cojol tabal tok'ob ri e wech.

Elem 29:9

Utz u cojic ri u pas ri Aaron cabano xukuje' ri qui pas ri e u c'ojol, utz caban che u cojic ri pisbal jolomaj chqui jolom. Je caban wa' che u ya'ic ri takanic pa qui k'ab, xukuje' ri qui chac re cojol tabal tok'ob cäcanaj c'u can che jun pixab re chbe k'ij sak.

Elem 30:30

Xukuje' chajamij we aseit ri' puwi' ri Aaron xukuje' pa qui wi' ri e u c'ojol, che qui tasic e jacha' che nu cojol tabal tok'ob,

Ajilanic 18:7

xak xuwi c'u ri at xukuje' tak ri e a c'ojol cuya' cäquiban ri chac re ri u cojic ri tabal tok'ob jas ri rajawaxic u banic puwi' ri porobal o ri queban chrij ri ch'ukubal. We patanijic ri' rajawaxic are wa' ri rajawaxic u banic iwumal, in c'ut in jachowinak ri chac pa i k'ab re ri u cojic ri tabal tok'ob we c'o jachin jun capatanijic jacha' cojol tabal tok'ob, ri man cojol tabal tok'ob taj, cac'okox na che cämical.”

Ri Lucax 1:5

Pa tak ri k'ij aretak ri Herod are' ajawinel re Judey, xc'oji' jun cojol tabal tok'ob, Zacariy u bi', ri c'o pa ri juk'at aj Abiy. Elisabet u bi' ri rixokil, jun chque ri e rija'l ri Aaron.

Ri Lucax 1:7

Man e c'olinak ta calc'ual. Man alc'ualanel ta c'u ri Elisabet. Ri e quieb e nimak tak winak chic.