Ri Lucax 1:78 - Quiché Bible

⁷⁸ Je cuban ri ka Dios rumal rech chi sibalaj quel u c'u'x chke, rumal wa' cäpe na Jun chicaj je jas ri k'ij ri quel ulok nim a k'ab.

RI KꞌAKꞌ TESTAMENTO PA TZIJOBꞌAL KꞌICHEꞌ

⁷⁸ Tyox che ri utoqꞌobꞌ ri Dios, katunan na ri tunal rech pa ri kaj, chiqaxoꞌl.

K'iche'

⁷⁸ Ri ka Dios sibalaj quel u c'ux chke. Rumal ri' cutak na lok ri Kajaw Jesús kuc' uj. Sibalaj je'l c'u ri Are' je' jas ru sakilal ri k'ij aretak cäsakiric.

K'iche' (New Orthography)

⁷⁸ Ri qa Dios sib'alaj kel u k'ux chqe. Rumal ri' kutaq na loq ri Qajaw Jesús quk' uj. Sib'alaj je'l k'u ri Are' je' jas ru saqilal ri q'ij aretaq käsaqirik.

Ri Lucax 1:78 ပူးပေါင်းရင်းမြစ်များ

Salmib 25:6

Ajawaxel, chnataj ri lok'ok'ebal c'u'x la che la xukuje' ri ch'uch'ujil la ri amak'el c'utum la chkawäch,

Ri Isaiy 11:1

Che we cuta'mil ri' ri are' ri Isayi, cäq'uiy wi na jun tuxaj, jun tuxaj ri cäq'uiy che ri u rab.

Ri Isaiy 42:16

Quebenc'am na bic ri moyab pa tak be xukuje' pa alaj tak be ri man quetamam taj. Quinq'uex na ri k'eku'm pa sakil chquiwäch ri e are', ri ch'ucuch'ak tak juyub quinjalwächij na pa lianic tak ulew. We jastak ri' kas quebenban na.

Ri Isaiy 63:15

Ca'y la ulok chicaj, Ajawaxel, kas pa ri tastalicalaj c'olbal ri cäjuluwic ri lal c'o wi. ¿Jawije' c'o wi ri k'ak'alaj lok'ok'ebal c'u'x la xukuje' ri chuk'ab la? ¿Jasche man c'o ta chi cubij c'u'x la? ¿La xq'uis ri relebal c'u'x la chke?

Ri Isaiy 63:7

In quinwaj quintzijoj ri lok'ok'ebal u c'u'x ri Ajawaxel, quebenbixoj bix che yabal u k'ij rumal ronojel ri u banom ri are' che ka to'ic, rumal ri nimalaj utzil ri u banom chque conojel ri aj israelib, rumal ri u banom ruc' ri rutzil chupam c'ut ri nimalaj lok'ok'ebal u c'u'x.

Ri Zacariy 3:8

Kas utz u tatabexic chabana', Jexu, at ri at quinimal ri e cojol tabal tok'ob, xukuje' chi chquitatabej ri e awachil ri e a wäch tak cojol tabal tok'ob, iwonojel c'ut ix ix jacha' jun etal ix k'axal tak tzij: Quinc'am na ulok ri Nu Pataninel, ri Tuxaj.

Ri Zacariy 6:12

Chabij c'u che: ‘Ri Ajawaxel ri c'o ronojel u cuinem cujiquiba' u bixic chi ri c'ojol ri cäbinax tuxaj che caq'uiy na paquiwi' ri kas e u rab cuban c'u na u banic ri rachoch ri Ajawaxel.

Ri Malaquiy 4:2

Are c'u ri ix ri nim quiniwil wi, ri nu suq'uilal cajuluw na chiwe jacha' ta ne ri chaj ri cuya' ri k'ij, ri quebuc'am ulok rutzil wächaj chquipam tak ri e u tun. Are c'u ri ix quixch'opin na che quicotemal e jacha' ri alaj tak ama'ib wacax ri quebel ulok chupam ri qui warabal.

Ajilanic 24:17

Quinwil apan ri petinak, c'o ri quinwil apanok ri c'o chinaj: jun ch'imil ri quebel che ri Jacob, jun ajawinel ri cäwalij pa Israel. Cuxak'alej na ri u jolom ri Moab, quebuxak'alej na ri e rija'lil ri Set.

Ri Xuan 3:16

“Chi' cäkil wi chi ri Dios sibalaj quebulok'ok'ej ri winak cho ri uwächulew, xuya' c'ut ri u C'ojol, ri xa' jun c'olic, rech conojel ri quecojon che, man cäsach ta qui wäch, xane' cäc'oji' na junalic qui c'aslemal.

Efesios 5:14

Ri sakil cuk'alajisaj ronojel. Rumal ri' cäbixic: “Chatc'astajok, at ri catwaric, chatwalij chquixo'l ri cäminakib. Ri Crist catuya' na pa sak.”

Filipenses 1:8

Ri Dios reta'm, chi sibalaj quixinwaj iwonojel ruc' ri lok'ok'ebal u c'u'x ri Jesucrist.

Filipenses 2:1

We ri Crist cuya' i chuk'ab, we ri lok'ok'ebal u c'u'x cucu'bisaj i c'u'x, we c'o u comonixic ri Uxlabaxel iwuc', we c'o jun ja'laj c'uxaj iwuc' xukuje' we quel i c'u'x chque niq'uiaj chic,

Colosenses 3:12

Ri Dios quixulok'ok'ej, ix u cha'om, u banom tastalic tak winak chiwe. Chc'ol tok'obisan wächaj pa ri iwanima', chel i c'u'x chque niq'uiaj winak chic, minimarisaj iwib chquiwäch niq'uiaj chic, mibanala' c'ax chbil iwib, chc'ol i coch'onic,

2 Pedro 1:19

Xukuje' c'o can ri qui tzij ri k'axal tak tzij kuc', ri sibalaj co tiquitoj, man cäq'uextaj taj. Are c'u utz we kas quitatabej ri tzij, ri je jas jun chäj ri cäjuluw pa jun k'ekumalaj c'olbal, c'ä aretak cäsakaric, c'ä quil na ulok ri ch'imil re u sakaric pa ri iwanima'.

1 Juan 3:17

Apachin c'u ri c'o jastak rech, we cärilo chi ri rachalal c'o u rajawaxic, man quil ta c'u u c'u'x che, ¿jas ta ri cubano cac'oji' ri u lok'ok'ebal u c'u'x ri Dios pa ri ranima'?

Apocalipsis 22:16

“Ri in Jesus nu takom bic ri nu tako'n aj caj che qui k'alajisaxic we jastak ri' chiwäch che qui ya'ic pa tak ri comon cojonelab. In ri' ri u xe'al xukuje' ri rija'l ri David. In ri' ri ch'imil ri cäjuluw pa ri sakaribal.”