Ri Lucax 1:6 - Quiché Bible

⁶ Ri Zacariy ruc' ri Elisabet e suc' chuwäch ri Dios. Cäquinimaj ronojel ri u takanic ri Ajawaxel. Cäquinimaj ronojel ri pixab. Man c'o ta etzelal xriktaj chquij.

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ Kikꞌulajal e utz laj taq winaq, sukꞌ kanimaꞌ cho ri Dios. Xeniman che ronojel ri utaqanik ri Dios. Man kꞌo ta etzelal xkibꞌano.

K'iche'

⁶ E utzalaj tak winak wa' we juc'ulaj ri', jicom c'u canima' cho ri Dios. Xeniman che ri Dios pa ronojel ri xtakan wi, pa ronojel ru Lok' Pixab ri Kajaw. Man c'o tä etzelal ri xca'no.

K'iche' (New Orthography)

⁶ E utzalaj taq winaq wa' we juk'ulaj ri', jikom k'u kanima' cho ri Dios. Xeniman che ri Dios pa ronojel ri xtaqan wi, pa ronojel ru Loq' Pixab' ri Qajaw. Man k'o tä etzelal ri xka'no.

Ri Lucax 1:6 ပူးပေါင်းရင်းမြစ်များ

Chapletajic 17:1

Aretak c'o chi jumuch' ruc' belejlajuj (99) u junab ri Abram, xuc'ut rib ri Ajawaxel chuwäch, xubij che: “In ri' ri Dios ri c'o ronojel u cuinem; chatbin pa jun suc'alaj c'aslemal chnuwäch.

Chapletajic 6:9

Are wa' ri u tzijobelil ri Noe. Ri Noe are' ri jun achi ri utz, ri amak'el nimaninak che ri Dios. Chquixo'l conojel ri winak pa tak ri k'ij ri' xuwi ri are' xniman che ri Dios.

Chapletajic 7:1

Chwi' chi c'ut ri Ajawaxel xubij che ri Noe: “Chquixo'l conojel ri winak re we k'ijol ri', xuwi ri at a banom ri nu rayibal. Rumal ri' chatoc chupam ri jucub quebawachilaj ri e awachalal.

Nabe Ajawinelab 15:5

ri David utz xbinic xya' c'u u k'ij rumal ri Ajawaxel, mawi jubik' xutas ta rib che u nimaxic u banic ri xtakan wi ri Ajawaxel, xuwi ri etzelal ri xuban che ri Uriy ri aj hitit.

Nabe Ajawinelab 9:4

Are c'u ri camic, we ri at utz ruc'axic ri a c'aslemal caban chnuwäch jacha' ri xuban ri David, ri a tat, ruc' jun anima' ri man c'o ta jas cäriktaj chrij, ri suc', catoc c'u che u banic ronojel ri at nu takom wi, quebanimaj c'ut ri e nu pixab xukuje' tak ri e nu takanic,

Ucab Ajawinelab 20:3

“In quinbochi'n che la, Ajawaxel, chi chnataj che la jas ri jicalaj patanixic la nu banom man c'u ruc' ta cawächibal, are c'u nu banom ri cakaj chwäch la.” Xok' c'ut ruc' c'ayil.

Ucab Tzijobelil 17:4

xane' are' xupatanij ri u Dios ri u mam, xebutz'akatisaj tak qui banic tak ri e u takomal man xutakej ta u banic rech ri cäquiban ri winak aj Israel.

Ri Job 1:1

Chupam ri rulewal ri Uz xc'oji' jun achi Job u bi', ri xruc'aj jun jicomalaj c'aslemal ri man c'o ta wi jubik' macaj, are c'u jun jicalaj pataninel rech ri Dios, sibalaj c'u cuchajij rib chi man c'o ta jun c'ax cuban ta che jun rajil u tz'akat.

Ri Job 1:8

Xubij c'ut ri Ajawaxel che: “¿La ma ta at oquinak il che ri Job ri pataninel wech? Man c'o ta jun chuwäch ri uwächulew jacha' ri are', ri sibalaj jic che nu patanixic, ri ruc'am jun c'aslemal ri sibalaj colom ri man c'o ta jubik' macaj pa ri u c'aslemal, sibalaj c'u cuchajij rib chi man c'o ta jun c'ax cuban ta che jachin jun.”

Salmib 119:6

Ma ta c'u c'o jas quinq'uix wi na aretak chinoc il che qui nimaxic tak conojel ri e takomal la.

Ri Lucax 1:7

Man e c'olinak ta calc'ual. Man alc'ualanel ta c'u ri Elisabet. Ri e quieb e nimak tak winak chic.

Ri Lucax 16:15

Ri Jesus xubij chque: “Ri ix quik'alajisaj iwib chquiwäch ri winak chi ix suc'; are c'u ri Dios reta'm jas c'o pa iwanima'. Ri jastak ri nimak qui k'ij chquiwäch ri winak, e are itzelalaj tak jastak wa' e tz'il chuwäch ri Dios.”

Ri Lucax 2:25

C'o c'u jun achi pa Jerusalen, Simeon u bi'. We achi ri' suc', nimanel che ri Dios. Reyem c'ut ri u to'tajisaxic ri Israel. C'o c'ut ri Ruxlabal ri Dios ruc' ri Simeon.

Hechos 2:25

Je jas ri xubij ulok ri David chrij ri Jesus: ‘In quinwil amak'el ri Ajawaxel c'o chnuwäch. C'o pa ri nu wiquiak'ab, rech man c'o ta jas quinslabenic.

Hechos 23:1

Ri Pawl co xca'y chque ri comon re ri qui nimakil ri aj judeyib, xubij chque: “Wachalal, in in bininak ruc' jun utzalaj retamabal nu c'u'x chuwäch ri Dios c'ä pa we k'ij ri'.”

Hechos 24:16

Rumal c'u ri', quinoc il amak'el chi cac'oji' jun ch'ajch'ojalaj retamabal nu c'u'x chuwäch ri Dios xukuje' chquiwäch ri winak.

Hechos 8:21

Ri at man ya'tal ta jubik' chawe chi cac'amowaj, man suc' ta c'ut ri awanima' chuwäch ri Dios.

Romanos 8:4

Jeri', ri uj cäkabano jas ri cäraj ri Uxlabaxel, man are ta ri ka rayibal ri aj winak re mac, rech cujcuin che u banic ri suc' jas ri cubij ri pixab.

1 Corintios 11:2

Quinya' i k'ij chi amak'el quinnataj chiwe e i takem c'ut ri tijonic ri e nu k'axem chiwe.

2 Corintios 1:12

Sibalaj cujquicot rumal wa', chi cäkana' pa ri canima' chi uj tastalic tak winak che u patanixic ri Dios xukuje' man xa ta quieb kanima' pa ronojel ri ka banom cuc' conojel ri winak kas c'u are na chixo'l ix. Are ri Dios yowinak wa' chke rumal ri u tok'ob, man are ta rumal quetamabal winak.

U Camulixic ri Pixab 5:33

Chitakej ri be ri u c'utum ri Ajawaxel ri i Dios chiwäch, rech utz quixelic, quixc'asi' c'u na q'ui junab cho ri ulew ri cuya' na chiwe che iwechbal.”

Filipenses 2:15

Rech jeri' man c'o ta etzelal cäriktaj chiwij, ix ralc'ual ri Dios, man c'o ta mac pa ri i c'aslemal, ix je ta ne chäj quixjuluw chquixo'l ri itzel tak winak ri e c'o cho ri uwächulew camic, ri man e suc' taj,

Colosenses 1:22

Camic c'ut ri Dios u yo'm chi jamaril chixo'l ruc' are', rumal ri u cämical ri Crist, aretak xurik cämical pa ri u cuerp aj winak. Xuban wa' che i tac'abaxic chuwäch are', ix tastalic tak winak chic, man ix tz'ajtajinak taj, man c'o ta chi i mac,

1 Tesalonicenses 3:13

Jeri' sibalaj c'o u chuk'ab ri iwanima', man c'o ta etzelal cäriktaj chiwij, ix tastalic tak winak chuwäch ri Dios ka Tat, aretak cäpe ri Kajaw Jesus e rachilam conojel ri tastalic tak winak ri e rech.

2 Pedro 3:14

Rumal ri', lok'alaj tak wachalal, iweye'm we jastak ri', chicojo' apan i chuk'ab, rech quixulurika' ri Dios pa jamaril, man ix tz'ajtajinak ta apanok, ix ch'ajch'oj.

1 Juan 2:29

We quich'obo chi suc' ri are', chiwetamaj ba' xukuje' chi conojel ri cäquiban suq'uil, e are ri' e ralc'ual ri Dios.

1 Juan 2:3

We cäkanimaj ri e u takomal ri Dios, kas jic ri' chke chi ketamam u wäch.

1 Juan 3:7

Lok'alaj tak walc'ual, c'o mixsubuwic. Apachin ri cuban ri suq'uil, suc' ri', je jas ri are' suc'.