Ri Lucax 1:49 - Quiché Bible

⁴⁹ Rumal rech chi ri Dios ri c'o u cuinem u banom nimak tak jastak chwe, nim u k'ij c'u ri u bi'.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴⁹ Jeriꞌ rumal cher ri Tyox xuqujeꞌ kwinel laj Dios xubꞌan nimalaj taq jastaq wukꞌ.

K'iche'

⁴⁹ Je ri' cäquibij na rumal rech wa' chi ri Dios ri sibalaj c'o u chuk'ab u banom nimak tak utzil chwe. Sibalaj lok' ri Dios, sibalaj lok' ru bi' ri Are', —cächa ri al María.

K'iche' (New Orthography)

⁴⁹ Je ri' käkib'ij na rumal rech wa' chi ri Dios ri sib'alaj k'o u chuq'ab' u b'anom nimaq taq utzil chwe. Sib'alaj loq' ri Dios, sib'alaj loq' ru b'i' ri Are', —kächa ri al María.

Ri Lucax 1:49 ပူးပေါင်းရင်းမြစ်များ

Chapletajic 17:1

Aretak c'o chi jumuch' ruc' belejlajuj (99) u junab ri Abram, xuc'ut rib ri Ajawaxel chuwäch, xubij che: “In ri' ri Dios ri c'o ronojel u cuinem; chatbin pa jun suc'alaj c'aslemal chnuwäch.

Salmib 111:9

Xutor ri u tinimit, co xujekeba' ri u c'ulwächinic re chbe k'ij sak. Ri Dios tastalic xukuje' xibibal.

Salmib 24:8

¿Jachin wa' we Ajawinel ri' aj juluwem? ¡Are' ri Ajawaxel, c'o u chuk'ab xukuje' c'o u cuinem! ¡Are' ri Ajawaxel, ri c'o u cuinem chupam ri ch'o'j!

Salmib 99:3

Chyo'k u k'ij ri u bi', nim xukuje' xibibal; ¡Ri Dios tastalic!

Salmib 99:9

Chiya' u k'ij ri Ajawaxel, ri ka Dios, ¡chixxucul chuwäch ri tastalicalaj u juyub! Ri ka Dios, ri Ajawaxel, tastalic ri are'.

Elem 15:11

Oh, Ajawaxel, man c'o ta jun dios ri cacuintaj cujunamaj ta rib uc' la. Man c'o ta chi jun ri sibalaj ta tastalic na mawi nim u bantajic jacha' ta ri lal. Quebe ban la mayibalalaj tak jastak xukuje' xibibal. Ya'tal che la chi cak'ijilax la.

Ri Isaiy 1:24

Rumal ri', ri Ajawaxel ri c'o ronojel e u cuinem, ri c'o ronojel u cuinem pa Israel, cujiquiba' u bixic: “¡Ruc' la'! quinwesaj na ri woyowal paquiwi' ri qui banom qui c'ulel chwe. Camic quinq'uis u c'äjisaxic qui wäch ri qui banom qui c'ulel chwe. Cäquitoj na ri qui mac pa nu k'ab.

Ri Isaiy 57:15

Are' c'u ri Dios ri aj chicajil, ri cac'al chbe k'ij sak, ri tastalic u bi', je cubij wa': “Ri in in jekel pa jun c'olbal chicaj ri tastalic, xukuje' in c'o c'u ruc' ri meba' ri u rikom c'ax, quincu'bisaj c'u u c'u'x xukuje' quinya' u chuk'ab.

Ri Isaiy 6:3

Caquibij c'u chquibil tak quib: “Tastalic, tastalic, tastal ri Ajawaxel ri c'o ronojel u cuinem ronojel ri uwächulew nojinak che ri u juluwem.”

Ri Isaiy 63:1

“¿Jachin wa' ri elinak ulok pa Bosra, u chuch ri Edom, ri tz'ajom ri ratz'iak ruc' quiäk, ri e u cojom je'lalaj tak ratz'iak petinak, ri cäbin ruc' xibibalalaj chuk'ab? In ri', ri quinya u bixic ri colomal, c'o c'u nimalaj nu cuinem che qui colic ri winak.

Ri Jeremiy 10:6

Ajawaxel, man c'o ta jachin jun jacha' ta ri lal: ri lal nim banic la, ri bi' la nim u banic xukuje' cuinel.

Ri Jeremiy 20:11

Are c'u ri lal, Ajawaxel, lal c'o wuc' jacha' jun ajch'o'j ri man cäch'äctaj ta wi; ri caquitzucuj ri nu kajic pa qui k'ab, cäquichak'ij na quib; quech'äctaj na, quel c'u na qui q'uixbal, xa' c'u jumul cäcanaj ri qui q'uixbal paquiwi' ri elinak, man casachisax taj.

Marcos 5:13

Ri Jesus xuya' c'u chque. Xebel bic ri itzel tak uxlabal che ri achi, xeboc bic chquipam ri ak. Ri cäraj e quieb mil (2000) ri ak xquiq'uiak biquib tza'm ri juyub c'ä xejik' pa ri cho.

Ri Lucax 1:48

Rumal rech chi xel u c'u'x che ri u pataninel ri man nim ta quil wi. Chilampe' la, kas camic conojel ri winak cäquibij na chi utz we.

Ri Lucax 1:50

Ri are' quel u c'u'x chbe k'ij sak chque conojel ri winak ri cäquixe'j quib chuwäch.

Efesios 3:20

Are c'u ri camic chkanimarisaj ba' u k'ij ri Dios, ri sibalaj nim na ri cäcuin che u banic chuwäch ri cäkata' che, nim na chuwäch ri cäkachomaj chi cubano. Je cubano rumal ri cuinem ri cächacun pa kanima'.

Apocalipsis 15:4

¿Jachin ta lo ri ma ta cuxe'j rib chwäch la, Ajawaxel? ¿Jachin ta lo ri ma ta cunimarisaj u k'ij ri bi' la? Xuwi c'u ri lal tastalic man queban ta la etzelal. Quepe na conojel ri nimak tak tinimit, quek'ijilan na chwäch la. K'alajininak c'ut chi suc' ri k'atoj tzij ri cäban na la.”

Apocalipsis 4:8

Ri quiejeb awaj ri' e c'o wakitak qui xic' chquijujunal, e nojinak che bak'wächaj chquij xukuje' chquipam. Chi pa k'ij chi chak'ab man quebuxlan ta che u bixic: “U tasom rib, u tasom rib, u tasom rib ri Ajawaxel man cuban ta etzelal, ri Dios ri c'o ronojel u cuinem, ri c'o ulok ojer, ri c'olic, cäpe c'u na.”

Nabe Samuel 2:2

¡Man c'o ta jun ri tastal taj ri man cuban ta etzelal jacha' ri lal, Ajawaxel! ¡Man c'o ta jun cuya' ta to'banic jacha' ri lal, ka Dios! ¡Man c'o ta chi jun we ta ma ta xuwi ri lal!