Ri Lucax 1:35 - Quiché Bible

³⁵ Ri tako'n xubij che: “Ri Ruxlabal ri Dios cäpe na pawi'. Ri u chuk'ab ri Dios aj chicaj cäpe na pawi' jas jun sutz'. Rumal ri' ri ac'al ri calax na, cäbix na ‘Tastalic’ xukuje' ‘U C'ojol ri Dios’ che.

RI KꞌAKꞌ TESTAMENTO PA TZIJOBꞌAL KꞌICHEꞌ

³⁵ Ri ángel xubꞌij che: Ri Tyoxalaj Uxlabꞌixel kaqaj na loq paꞌwiꞌ. Ri ukwinem ri nimalaj Dios katuchꞌuq na. Rumal riꞌ, ri neꞌ riꞌ ri kakꞌojiꞌ na, jun Tyoxalaj akꞌal, xuqujeꞌ kubꞌiꞌnaꞌj na Ralkꞌwaꞌl ri Dios.

K'iche'

³⁵ Xch'aw c'u ri ángel, xubij che: Cäkaj na lok ri Lok'alaj Espíritu pa wi'. Ri Dios aj Chicaj cärokxanej na wa' awuc' rumal ru chuk'ab. Rumal ri' we lok'alaj ac'al ri' ri quil na u wäch cäbix na u C'ojol ri Dios che, —cächa che.

K'iche' (New Orthography)

³⁵ Xch'aw k'u ri ángel, xub'ij che: Käqaj na loq ri Loq'alaj Espíritu pa wi'. Ri Dios aj Chikaj käroqxanej na wa' awuk' rumal ru chuq'ab'. Rumal ri' we loq'alaj ak'al ri' ri kil na u wäch käb'ix na u K'ojol ri Dios che, —kächa che.

Ri Lucax 1:35 ပူးပေါင်းရင်းမြစ်များ

Ri Job 14:4

Man c'o ta jun cacuinic cäresaj ch'ajch'ojil che ri tz'ilol.

Ri Job 15:16

¡etac'ulo ri winak, ri xibibal ch'uluch'uj ri cuban etzelal jacha' ri ruq'uiaxic ja' rumal!

Ri Job 25:4

¿La cäcuin ta c'u lo, jun xak winak cux ch'ajch'oj xukuje' chi ma ta c'o u mac chuwäch ri Dios?

Salmib 2:7

Quinya' u bixic ri u chomam u banic ri Ajawaxel: Ri are' u bim chwe: “At at nu c'ojol; in, camic in uxinak a tat.

Salmib 51:5

Kastzij, in lawalo kas aretak xinalaxic; in ajmac wi ulok kas pa ri u c'u'x ri nu nan.

Ri Matey 1:18

Jewa' xc'ulmaxic aretak xalax ri Jesucrist: Ri Mariy, u nan ri Jesus, tz'onom chic che c'ulanem rumal ri Jose. Maja' c'u cäquirik quib aretak ri Mariy yawab winak chic rumal ri Ruxlabal ri Dios.

Ri Matey 1:20

Aretak ri Jose cätajin cuchomaj wa', xpe jun tako'n aj caj re ri Ajawaxel, xuc'ut rib chuwäch pa ichic', xubij: “Jose, rija'l ri David, maxe'j awib che u c'amic ri Mariy che awixokil. Rumal rech chi ri ral ri cäc'oji' na are rumal ri Ruxlabal ri Dios.

Ri Matey 14:33

C'äte ri' ri e c'o pa ri jucub xquik'ijilaj ri Jesus, xquibij: “Kastzij lal ri' ri u C'ojol ri Dios.”

Ri Matey 27:54

Ri qui nimal ri jun sient ajch'ojab e rachil ri chajil tak re ri Jesus, aretak xquil ri cabrakan, aretak xquil ronojel ri xc'ulmaxic, sibalaj xquixe'j quib, xquibij: “Kastzij we achi ri' u C'ojol ri Dios.”

Ri Matey 4:3

Xopan c'u ri itzel ruc' ri Jesus che u c'ambejexic. Xubij che: “We at u C'ojol ri Dios, chabana' chi we abaj tak ri' chebux caxlanwa.”

Marcos 1:1

U tiquitajic ri utzalaj u tzijol ri Jesucrist, ri u C'ojol ri Dios.

Marcos 1:24

xubij: “¿Jas awe chke, Jesus aj Nazaret? ¿La at petinak che u sachic ka wäch? In quinch'ob a wäch, weta'm c'ut chi at ri Tastalic rumal ri Dios.”

Ri Lucax 1:27

Xopan ruc' jun k'apoj ali ri tz'onom chic rumal jun achi Jose u bi'. Are jun chque ri e rija'l ri David. Mariy u bi' ri ali ri'.

Ri Lucax 1:34

Xubij c'u ri Mariy che ri tako'n aj caj: “¿Jas lo wa'? Man in c'olinak ta ruc' achi.”

Ri Lucax 1:36

Chawilampe', ri Elisabet, ri awachalaxic, xukuje' ri are' yawab winak chic, pune' ri'j chic. Uwak ic' chi wa' che ri Elisabet, ri xbix canok chi man alc'ualanel taj.

Ri Xuan 1:34

In wilom, xukuje' nu k'alajisam, chi are' wa' ri u C'ojol ri Dios.”

Ri Xuan 1:49

Ri Natanael xubij che: “Ajtij, lal ri' ri u C'ojol ri Dios. Lal ri' ri Rajawinel ri Israel.”

Ri Xuan 20:31

E tz'ibam c'u wa' rech quicojo chi ri Jesus are' ri Crist, u C'ojol ri Dios, rech aretak quicojo, cäc'oji' i c'aslemal pa ri u bi'.

Hechos 8:36

Oc'owinak chi c'u jubik', xeboc'ow pa jun c'olbal jawije' ri e c'o wi ja', xubij ri aj Etiopiy: “E c'o ja' waral; ¿la ma ta lo cuya' cäban ri nu bautism?”

Romanos 1:4

Xya' u bixic chi are u C'ojol ri Dios rumal ri Ruxlabal ri Dios. Xk'alajisaxic chi c'o u cuinem aretak xc'astaj chquixo'l ri cäminakib. Are wa' ri Jesucrist ri Ajawaxel.

Gálatas 2:20

Junam xinrip ruc' ri Crist cho ri ripibal. Man in ta chic in c'aslic, xane' are ri Crist c'asal pa ri wanima'. Ri nu c'aslemal pa ri nu cuerp camic, quinwoc'owisaj pa ri cojonic che ri u C'ojol ri Dios, ri xinulok'ok'ej xukuje' xuya' ri u c'aslemal rumal wech.

Efesios 2:3

Jas ri e are', ojer konojel xkaban can ri ka rayinic aj winak re mac, xkaban ri u rayibal ri ka ti'jal, jas ri xkachomaj. Rumal c'u ri' takal chke we ta xpe ri royowal ri Dios pakawi', je jas ri niq'uiaj chic.

Hebreos 4:15

Ri qui nimal ri cojol tabal tok'ob ri c'o kuc', cäcuinic quil u c'u'x che ri ka tukaril, rumal rech chi xtakchi'x che ronojel u wäch c'ambejenic je jas ri uj, man xmacun ta c'ut.