Ri Lucax 1:32 - Quiché Bible

³² Ri are' cux na nim u k'ij, cäbix na u C'ojol ri Dios aj chicaj che. Ri Ajawaxel Dios cuya' na ri u tem ri ajawinel David ri u mam che.

RI KꞌAKꞌ TESTAMENTO PA TZIJOBꞌAL KꞌICHEꞌ

³² Kanimar na uqꞌij, kabꞌix na ukꞌojol ri Nimalaj Dios che. Ri Ajawxel Dios kukoj na che nim taqanel jetaq ri qamam David.

K'iche'

³² Cänimar na u k'ij ri a Jesús. Cäbix na u C'ojol ri Dios aj Chicaj che. Ri Kajaw Dios cucoj na che nim takanel je' jas ra mam David.

K'iche' (New Orthography)

³² Känimar na u q'ij ri a Jesús. Käb'ix na u K'ojol ri Dios aj Chikaj che. Ri Qajaw Dios kukoj na che nim taqanel je' jas ra mam David.

Ri Lucax 1:32 ပူးပေါင်းရင်းမြစ်များ

Ucab Samuel 7:16

Ri awija'lil xukuje' ri awajawinic quecanaj jic chuxe' ri nu to'banic, xukuje' ri a tem re ajawibal cäjekebax can chbe k'ij sak.’ ”

Salmib 132:11

Pa ri u bi', ri Ajawaxel co xutiq'uiba' che ri David jun chi'nic ri kas cäban na, jun chi'nic wa' ri man c'o ta u q'uextajic:

Salmib 132:12

“Quincoj na pa ri a tem re ajawibal jun chque ri e awija'lil. We ri e a c'ojol quequitz'akatisaj ri nu c'ulwächinic xukuje' ri e nu takanic ri quebentijoj chque, xukuje' ri e qui c'ojol ri e are' quet'uyi na pa ri a tem re ajawibal chbe k'ij sak.”

Ri Isaiy 16:5

jun rija'lil ri David coc na che ajawinel, ri u tem re ajawibal co cäjeki' na che u banic tok'ob. Jun k'atal tzij wa' ri ch'ajch'oj ranima', cujekeba' na ri ya'tal u banic, cuban na ri suq'uil chque ri winak.

Ri Jeremiy 17:25

We je qui ban wa', amak'el e c'o tak ajawinelab ri' ri quet'uyi na puwi' ri u tem re ajawibal ri David queboc'ow c'u pa tak ri oquibal re we tinimit ri' pa tak carwaj ri e wiktalic xukuje' chquij tak quiej, ri achilatal cumal ri e cach tak takanelab xukuje' tak winak re Juda xukuje' tak re Jerusalen. Ri Jerusalen amak'el quec'oji' na winak chupam.

Ri Jeremiy 22:2

chuwäch ri rajawinel ri Juda, ri t'uyul puwi' ri u tem re ajawibal ri David, chquiwäch c'ut ri rach k'atal tak tzij xukuje' ri winak re ri tinimit: ‘Chitatabej ri cubij ri Ajawaxel.

Ri Daniel 2:44

Pa tak c'ut ri k'ijol ri quebajawin tak we ajawinelab ri', ri Dios ri c'o pa ri caj cujekeba' na jun ajawibal ri mawi jubik' casachisax ta u wäch mawi c'o jun nim tinimit cätakan ta chi na puwi', xane' quebusachisaj na qui wäch conojel tak ri niq'uiaj ajawibal chic, cäjeki' c'u na chbe k'ij sak.

Ri Matey 1:1

Are wuj wa' ri cutzijoj ri ija'lil ri xpe wi ri Jesucrist, ri rija'lil ri David, rija'lil ri Abraham.

Ri Matey 12:42

Ri ixok ajawinel aj u mox ri elebal k'ij cäc'oji' na pa ri k'atoj tzij junam cuc' ri winak ri e c'o cho ri uwächulew camic. Ri are' quebuc'okoj na. Rumal rech chi ri are' xpe pa jun tinimit cho ri uwächulew ri sibalaj naj che u tatabexic ri u no'j ri Salomon. Chiwilampe', c'o jun waral ri nim na u banic chuwäch ri Salomon.”

Ri Matey 28:18

Xkeb ri Jesus cuc', xebuch'abej, xubij chque: “Ronojel takanic pa ri caj, ronojel takanic cho ri uwächulew yo'm pa nu k'ab.

Ri Matey 3:11

Ri in kastzij quinban i bautism pa ri ja', c'utbal wa' chi i q'uexom i c'u'x i yo'm c'u can ri i mac; are c'u ri jun ri petinak chwij, c'o na u cuinem chnuwäch. Man takal ta chwe quinwuc'aj bic ri u xajäb. Ri are' quixucoj na pa ri Ruxlabal ri Dios; o quixucoj na pa ri k'ak'.

Marcos 14:61

Ri Jesus man xch'aw taj, man c'o ta jun tzij xutzelej u wäch. Ri e qui nimal ri e cojol tabal tok'ob xuc'ot chi jumul u chi', xubij che: “¿La at ri' ri Crist, u C'ojol ri Tewichimalaj Dios?”

Marcos 5:7

Xurak u chi' ruc' chuk'ab, xubij: “¿Jas awe chwe, Jesus, u C'ojol ri Dios ri sibalaj aj chicaj? Catinbochi'j chuwäch ri Dios, maban c'ax chwe.”

Ri Lucax 1:15

Cux c'u na nim u k'ij chuwäch ri Ajawaxel. Man c'o ta u wa'l uva, man c'o ta tzam cutij na. Ri Ruxlabal ri Dios canojisan na c'ä majok chalaxok.

Ri Lucax 1:35

Ri tako'n xubij che: “Ri Ruxlabal ri Dios cäpe na pawi'. Ri u chuk'ab ri Dios aj chicaj cäpe na pawi' jas jun sutz'. Rumal ri' ri ac'al ri calax na, cäbix na ‘Tastalic’ xukuje' ‘U C'ojol ri Dios’ che.

Ri Lucax 1:76

Are c'u ri at alaj nu c'ojol, k'axal u tzij ri Dios aj chicaj catuchix na. Rumal rech chi catnabej na chuwäch ri Ajawaxel, che qui suc'umaxic ri u be.

Ri Lucax 3:16

Xch'aw ri Xuan, xubij chque conojel: “In kastzij quinban ri i bautism pa ri ja'. Petinak c'u jun chwij ri c'o na u cuinem chnuwäch. Man takal ta chwe chi quinquir ri u c'amal ri u xajäb. Ri are' quixucoj na pa ri Ruxlabal ri Dios; o quixucoj na pa ri k'ak'.

Ri Lucax 6:35

Chebilok'ok'ej ba' ri cäquiban qui c'ulel chiwe. Chibana' utzil, chiya' jolomal, micu'ba' i c'u'x chrij chi cätzelex chi na. Nim c'u ri tojbal iwe, quixux na ralc'ual ri Dios aj chicajil, rumal rech chi ri are' ch'uch'uj chque ri man quemaltioxin taj xukuje' chque ri itzel tak winak.

Ri Xuan 12:34

Ri winak xquibij che: “Uj ka tom pa ri pixab, chi ri Crist cäjeki' na chbe k'ij sak. ¿Jas c'u che cabij at chi rajawaxic chi ri Rija'l Winak cäwalijisax na? ¿Jachin wa' ri Rija'l Winak?”

Ri Xuan 6:69

Ri uj ka cojom, xukuje' keta'm chi lal ri' ri Jun ri Tastalic rech ri Dios.”

Hechos 16:17

We ali ri' xuterenej ri Pawl xukuje' ri uj curak u chi': “¡We achijab ri' e pataninel rech ri Dios ri aj chicaj, caquiya' c'u u bixic ri be rech colobal ib chiwe!”

Hechos 2:30

Are c'u ri David k'axal tzij, xukuje' reta'm chi ri Dios u banom ri chi'nic ri kas cäban na pa ri u bi' chi jun chque ri e rija'lil cucoj na che ajawinel.

Hechos 2:36

Chretamaj ba' ronojel ri tinimit Israel, ruc' jicomal chi kas are we Jesus ri', ri xrip alak, ri Dios u banom Ajawaxel che xukuje' Crist.”

Hechos 7:48

Pune' c'u ri Dios aj chicaj man cäc'oji' ta pa tak ja ri e banom che k'abaj, jas ri xubij ri k'axal tzij:

Romanos 1:4

Xya' u bixic chi are u C'ojol ri Dios rumal ri Ruxlabal ri Dios. Xk'alajisaxic chi c'o u cuinem aretak xc'astaj chquixo'l ri cäminakib. Are wa' ri Jesucrist ri Ajawaxel.

Apocalipsis 3:7

“Chatz'ibaj che ri u tako'n ri comon cojonelab pa Piladelp: ‘Ri u tasom rib man quebuban ta etzelal, ri aj kastzij, ri c'o ri u lawe ri David ruc', ri cäjakanic mawi c'u jun cätz'apinic, ri cätz'apinic mawi c'u jun cäjakowic, je cubij wa':