Ri Josue 9:1 - Quiché Bible

¹ Ri cajawinelab ri hititib, ri amoreyib, ri cananeyib, ri perezeyib, ri hebeyib xukuje' ri jebuseyib xquinabej ri c'ulmatajinak. (We ajawinelab tak ri' e jekel pa ri u kajebal k'ij che ri u chi' ri nima' Jordan, pa tak ri c'ache'laj, pa tak ri lianic xukuje' pa ronojel ri tak'aj chuchi' ri Plo Mediteran quetakal c'ä ruc' ri rulewal ri Libano).

Ri Josue 9:1 ပူးပေါင်းရင်းမြစ်များ

Ucab Samuel 24:7

Xeboc'ow c'u pa Tir xukuje' pa conojel tak ri qui tinimit ri aj hebeyib xukuje' ri aj cananeyib, xebopan c'a pa u mox ri Juda, pa Beerseb.

Elem 23:23

Ri nu tako'n aj caj canabej na chawäch, catuc'am bic pa ri culew ri aj amoreyib, ri aj hititib, ri aj perezeyib, ri aj cananeyib, ri aj hebeyib, ri aj jebuseyib, ri quebenbok na c'ä chquixe'.

Elem 23:31

Ri e a c'ulbat cächapletaj ulok chuchi' ri Quiäk Plo, quetakal c'ä chuchi' ri qui plo ri aj pilisteyib, cächapletaj ulok chuchi' ri chaki'j uwo sak quetakal c'ä chuchi' ri nima' Euprats. In e nu jachom we winak ri' pa a k'ab ri e c'o pa tak we ulew ri' quebaq'uiak c'u na bic chawäch.

Elem 3:17

Xukuje' xubij chwe chi quixresaj bic pa ri rikoj tak c'ax ri ix c'o wi pa Ejipt, quixuc'am bic pa ri culew ri aj cananeyib, ri aj hititib, ri aj amoreyib ri aj perezeyib, ri aj hebeyib, ri aj jebuseyib, ulew wa' ri cabelel wi leche xukuje' ri juyubal räx cab jacha' ri ja'.’

Elem 34:11

Chebitz'akatisaj ba' qui banic ri ix nu takom wi camic, are c'u ri in quebenwesaj bic chiwäch ri aj amoreyib, ri aj cananeyib, ri aj hititib, ri aj perezeyib, ri aj hebeyib, ri aj jebuseyib.

Ajilanic 13:29

Chupam ri ulew Negueb e jekel wi ri aj amalesib, chupam ri c'ache'laj ulew e jekel wi ri aj hititib, ri aj jebuseyib xukuje' ri aj amoreyib, pa u xcut c'ut ri plo chunakaj ri nima' Jordan e jekel wi ri aj cananeyib.”

Ajilanic 34:6

Ri c'ulbat pa ri kajebal k'ij cac'ulbatin ruc' ri u tak'aj ri plo ri Mediteran.

U Camulixic ri Pixab 1:7

Chebimolo ba ri jastak iwech, jix pa tak ri qui juyub ri aj amoreyib xukuje' pa conojel tak ri ulew ri e c'o chquinakaj: ri Araba, ri ulew ri nojinak che c'ache'laj, ri lianic, ri Negueb, ri tak'aj, ri culew ri aj cananeyib xukuje' ri Libano, c'ä chuchi' ri nimalaj nima' Euprats.

U Camulixic ri Pixab 3:25

Bana' ba' la tok'ob chya' la chwe chi quink'ax ch'akäp che ri nima' Jordan, quinwaj quinwil ri utzalaj ulew, ri je'lalaj ulew ri c'ache'laj xukuje' ri Libano.’

U Camulixic ri Pixab 4:49

coc'ow pa ronojel ri Araba, pa ri elebal k'ij che ri nima' Jordan, quetakal c'ä chuchi' ri Cäminak Cho, chuxe' ri juyub Pisga.”

U Camulixic ri Pixab 7:1

“Ri Ajawaxel, ri i Dios, quixroquisaj na pa ri ulew ri quic'am che iwechbal, queresaj c'u na bic chiwäch wukub nimak tak tinimit ri e nimak na xukuje' c'o na qui chuk'ab chiwäch ix, e are wa' ri aj hititib, ri aj jerjeseyib, ri aj amoreyib, ri aj cananeyib, ri aj perezeyib, ri aj hebeyib xukuje' ri aj jebuseyib.

Ri Josue 1:15

c'ä cuya' na ri Ajawaxel chque jun c'olbal re uxlanibal, jacha' ri xuya' chiwe, c'ä quebux c'u na ajchak'e ri ulew ri cuya' na ri Ajawaxel chque. C'äte c'u ri' ri ix cuya' quixtzelej pa tak ri e iwulew chupam we c'olbal ri' pa ri elebal k'ij che ri nima', rech kas xa jumul quixoc che rechbexic we ulew ri' ri xuya' ri Moises chiwe, ri pataninel rech ri Dios.”

Ri Josue 1:4

Quinya' na ri ulew chiwe ri cächaptaj bic pa ri chaki'j uwo sak xukuje' ri u c'ache'laj ri Libano quetakal c'ä pa ri nima' Euprats, carachilaj ri culew ri aj hititib, copan c'ä chuchi' ri Plo Mediteran.

Ri Josue 10:23

Je c'u xquiban ri aj israelib xequesaj ulok ri ajawinel re Jerusalen, Hebron, Jarmut, Lacs xukuje' ri Eglon.

Ri Josue 11:17

Cachaptaj kas ruc' ri juyub Halac, ri cawalij chu suq'uil ri Seir, c'ä pa Baal-gad, ri c'o pa tak ri lianic rech ri Libano, chuxe' ri juyub Hermon, ri Josue xebuchapo xukuje' xebucämisaj conojel tak ri cajawinelab tak we ulew ri',

Ri Josue 13:5

C'o na xukuje' ri culew ri jibleyib, xukuje' ronojel ri Libano chusuq'uil ri elebal k'ij, kas pa Baal-gad, chuxe' ri Hermon, c'ä pa ri oquibal pa Hamat.

Ri Josue 15:12

Chuq'uisbalil, ri c'ulbat che u kajebal k'ij are' ri Plo Mediteran. E are' tak qui c'ulbatil wa' ri echbal ri xequirik ri e aj ramak' ri Juda, ri xejach chquixo'l ri u k'ab tak rachalaxic ri amak'.

Ri Josue 22:4

Camic chi ri are' u tz'akatisam ri u chi'nic e c'o chi c'ut ri e iwachalal pa jamaril, chixtzelej pa tak ri i cäbal ri lic'om xukuje' pa tak ri ulew ri xujach ri Moises ri pataninel rech ri Ajawaxel chiwe pa ri elebal k'ij che ri nima' Jordan.

Ri Josue 22:7

Che ri jun pa niq'uiaj ri ramak' ri Manases, ri Moises e u yo'm can culew pa ri rulew ri Basan. Ri jun pa niq'uiaj chic ri ramak' ri Manases ri Josue xuya' culew chquixo'l tak ri aj israelib pa ri u kajebal k'ij che ri Jordan, chque tak ri e nabe xebutewichi'j xebutako chi chetzelejok.

Ri Josue 23:4

Ri in rumal taklebenic xinjach tak we ulew ri' chquiwäch tak ri amak'. Man xuwi ta xinjach tak ri ulew ri e ch'äctajinak, xane' xukuje' ri xak queyem chic ri qui ch'äctajic, cachaptaj ulok ruc' ri nima' Jordan pa ri elebal k'ij quetakal c'ä chuchi' ri Plo Mediteran pa ri u kajebal k'ij.

Ri Josue 24:11

Xixoc'ow c'ut chupam ri nima' Jordan xixopan c'ut c'ä jawije' c'o wi ri Jerico. Ri e jekel pa Jerico (amoreyib, perezeyib, cananeyib, hititib, jerjeseyib, hebeyib, xukuje' jebuseyib) xech'ojin iwuc', xinban c'ut in chi xebich'äco'.

Ri Josue 3:10

Are' cac'utuw wa' chi ri c'aslic Dios c'o pa i niq'uiajil, quebupac c'ut ri aj cananeyib ri quebirik pa ri i be, ri aj hititib, ri aj hebeyib, ri aj perezeyib, ri aj jerjeseyib, ri aj amoreyib xukuje' ri aj jebuseyib.

Ri Josue 3:17

Ronojel ri tinimit xoc'ow chupam ri Jordan pa chaki'jal, aretak ri e cojol tabal tok'ob ri e uc'aninak ri caxa ri c'o wi ri u c'ulwächinic ri Ajawaxel canajinak pa u niq'uiajil ri Jordan, co tac'al pa chaki'j ulew.

Ri Josue 5:1

Conojel ri cajawinelab ri aj amoreyib ri e c'o pa ri u kajebal k'ij che ri Jordan, xukuje' tak ri cajawinelab ri aj cananeyib ri e c'o chuchi' ri Plo Mediteran, xoc pa qui jolom chi ri Ajawaxel xuchaki'jarisaj ri u ja'il ri nima' Jordan aretak xeboc'ow ri aj israelib chupam, sibalaj c'u xuya' xe'n ib chque, man c'u xquichajij ta anima' che u banic ch'o'j cuc' ri aj israelib.

Ri Josue 6:27

Ri Ajawaxel xuto' ri Josue, xjabun c'ut ri u tzijol ri Josue pa ronojel ri ulew.

Ri Josue 9:7

Ri aj israelib xquitzelej u bixic chque ri aj hebeyib: “Ix cäraj ne xa jewa' quixel wi, nakaj chke; ¿jas ta che cakaban jun c'ulwächinic iwuc'?”