Ri Josue 7:7 - Quiché Bible

⁷ Xcha' c'u ri Josue: “¡Ay, Ajawaxel, Ajawaxel! ¿Jasche xban la' chi we tinimit ri' xroc'owisaj ri nima' Jordan? ¿La xa pa lo che ka jachic pa qui k'ab ri amoreyib, rech casachisax ka wäch cumal? ¡C'o ta banom wi xujcanaj ta can ch'käp che ri Jordan!

Ri Josue 7:7 ပူးပေါင်းရင်းမြစ်များ

Ucab Ajawinelab 3:10

Xubij c'ut ri ajawinel re Israel: “¡Kila' kib! Je ta ne chi ri Ajawaxel uj u c'amom ulok uj, ri uj oxib ajawinel, rech cujujach pa qui k'ab ri aj moabib.”

Salmib 116:11

Q'uistajinak nu c'u'x, xinjiquiba' u bixic chi ronojel winak banal tzij.

Elem 16:3

Je c'u xquibij wa' chque: “¡C'o ta banom wi chi xuban ta ri Ajawaxel chi xujcäm ta pa Ejipt! Chila' xujt'uyi wi chquinakaj ri jujun tak t'uy ti'j, cuj wa' c'ut c'ä cujnoj na, ri ix c'ut xujic'am ulok pa we chaki'j uwo sak ri' che ka cämisaxic konojel rumal wi'jal.”

Elem 17:3

Quecäm c'u ri winak che chaki'j chi' rumal ri' xquic'ulelaj ri Moises, xquibij che: “¿Jasche xujawesaj ulok pa Ejipt, che ka cämisaxic che chaki'j chi' ri uj, ri kalc'ual xukuje' conojel ri kawaj?”

Ajilanic 14:16

‘Ri Ajawaxel man xcuin ta che u banic chi we tinimit ri' xoc ta chupam ri ulew ri u banom ri chi'nic ri kas cäban na chi cuya' na chque, rumal c'u ri' xebucämisaj chupam ri chaki'j uwo sak.’

Ajilanic 14:3

¿Jasche xujuc'am ulok ri Ajawaxel chupam we ulew ri'? ¿Rech cujcäm chupam ri ch'o'j, e are' c'u ri kixokil xukuje' tak ri kalc'ual quekaj pa qui k'ab ri c'ulel? ¡Are utz na chke chi chujtzelej pa Ejipt!”

Ri Matey 17:17

Ri Jesus xubij chque: “¡Pe xibano, jech'alaj tak winak man ix cojonelab taj! ¿C'ä joropa' k'ij quinc'oji' chi na iwuc'? ¿C'ä jampa' quintakej na i coch'ic? Chic'ama' ulok ri ala waral.”

Ri Matey 17:20

Xubij ri Jesus chque: “Rumal rech chi xa' jubik' ri i cojonic. Kastzij quinbij chiwe, chi we ta c'o i cojonic je jas ri u nimal ri rija' ri moxtansa, quibij na ri' che we juyub ri': ‘Chatel bic waral, chatk'ax chila'’, cäk'ax c'u na. Ma ta c'o jun jasach ri' ri ma ta quixcuin che u banic.”

Hebreos 12:5

Sachinak chic pa i jolom ri pixbenic ri cuya' ri Dios chiwe, jas ri cuya' jun tataxel chque ri e ralc'ual, ri cubij pa ri Tz'ibatalic: “Walc'ual, nim cawil wi ri c'äjisabal a wäch rumal ri Ajawaxel, matk'itajic aretak cäk'alajisax ri a mac rumal.

Ri Josue 7:6

Ri Josue xukuje' ri e nimak tak tatayib aj Israel xequijis tak ri catz'iak xquiya' ulew pa tak qui jolom che u c'utic ri c'axc'ol; xquimej c'u quib chuwäch ri u caxa ri Ajawaxel xquiya' ri qui palaj cho ri ulew, c'ä xpe na ri xk'ekal.

Ri Josue 7:8

¡Ay, Ajawaxel, Ajawaxel! ¿Jas ta ri cuya' quinbij ta chic camic chi ri Israel animajinak chquiwäch tak ri e qui c'ulel?

Nabe Samuel 4:3

Aretak xetzelej ri ajch'ojab aj israelib pa ri kajebal, ri e qui nimak tak tatayib ri aj israelib xquibij: “¿Jasche xuya' c'olbal ri Ajawaxel chi xujquich'äc ri aj pilisteyib camic? ¡Jekac'ama' ulok pa Sil ri caxa ri c'o wi ri u c'ulwächinic ri Ajawaxel, rech cäbin chkaxo'l cujucol c'ut pa qui k'ab ri ka c'ulel!”