Ri Josue 7:6 - Quiché Bible

⁶ Ri Josue xukuje' ri e nimak tak tatayib aj Israel xequijis tak ri catz'iak xquiya' ulew pa tak qui jolom che u c'utic ri c'axc'ol; xquimej c'u quib chuwäch ri u caxa ri Ajawaxel xquiya' ri qui palaj cho ri ulew, c'ä xpe na ri xk'ekal.

Ri Josue 7:6 ပူးပေါင်းရင်းမြစ်များ

Chapletajic 37:29

Xbe c'u ri Ruben xtzelej che rilic ri Jose pa ri chaki'j c'ua', man c'o ta chi c'u jachin xurik chupam, xujis ri ratz'iak rumal ri u bis.

Chapletajic 37:34

Ri Jacob xujis ri ratz'iak chrij rumal ri u bis, xucoj atz'iak re bis, q'ui k'ij xrok'ej u wäch ri u cämical ri u c'ojol.

Ucab Samuel 1:11

Ri David xukuje' ri e achilaninak xequijisila' ri catz'iak che u c'utic chi c'axc'obinak ri canima',

Ucab Samuel 1:12

xebok' c'ut xquibisoj ri u cämical ri Saul, xukuje' ri Jonatan ri u c'ojol, xukuje' rumal ri tzakmajic ri xquic'ulmaj ri aj israelib ri e rajch'ojab ri Ajawaxel Dios, man xquitij ta c'u wa c'a xkaj na ri k'ij.

Ucab Samuel 1:2

Churox c'u k'ij xopan jun achi ri elinak ulok pa ri kajebal chquixo'l ri rajch'ojab ri Saul. E jisjobinak ri ratz'iak chrij ri u q'uiakom ulew pa u jolom che u c'utic chi c'axc'obinak ri ranima'. Aretak xopan chuwäch ri David, xumej rib c'ä cho ri ulew che u c'utic chi nim caril wi ri David.

Ucab Samuel 12:16

Ri David xubochi'j ri Dios puwi' ri ac'al, man xwa' ta c'ut xeroc'owisaj c'ut ri chak'ab cho ri ulew.

Ucab Samuel 13:19

xuya' chaj pa u jolom, xujis ri ratz'iak ri u cojom, xebuya' ri quieb u k'ab pa u jolom, cok'ic xbec pa ri be.

Ucab Samuel 13:31

Xwalij c'u ri ajawinel xujis ri ratz'iak che u c'utic ri k'oxomal xuq'uiak rib cho ri ulew. Conojel ri e rach k'atal tak tzij ri e c'o apan ruc' xukuje' xequijisila' ri catz'iak;

Ucab Ajawinelab 22:11

Aretak xuta' ri ajawinel ri cubij ri wuj re ri pixab, xujis ri ratz'iak chrij,

Ucab Tzijobelil 34:19

Aretak xtatabetaj rumal ri ajawinel ri cubij ri wuj re ri pixab, xujisij ri ratz'iak,

Ri Esdras 10:1

Aretak ri Esdras cätajin cuban ch'awem ruc' ri Dios cätajin c'u cuban we k'alajisam macaj ri' cätajin cok'ic u xucuban c'u rib chuwäch ri Rachoch ri Dios, jumulaj aj israelib, achijab, ixokib xukuje' ac'alab, ri xukuje' quebok' ruc' nimalaj c'axc'olil, xquimulij quib pa tak u xc'ut.

Ri Nehemiy 9:1

Pa ri k'ij juwinak quiejeb (24) re ri rajilabal ri ic' ri', ri aj israelib xquimulij quib man xquitij ta qui wa; xecatz'iakila' tak quib cuc' wakwoj tak atz'iak, xquijopij c'u ulew pa qui jolom.

Ri Ester 4:1

Aretak xretamaj ri Mardoquey ronojel ri c'ulmatajinak, xujix ri ratz'iak chrij che u c'utic ri u bis, xebucoj wakwoj tak atz'iak chrij, xuya' chaj pa u jolom xuchaplej c'u u binibexic ronojel ri tinimit curak u chi' nojinak che c'ayilaj bis.

Ri Ester 4:3

Xukuje' pa conojel ri u tz'akatil ri ajawibal ri copan wi ri takanic ri xtz'ibax rumal ri ajawinel, xwalij nimalaj bis chquixo'l ri aj judeyib, ri xquic'ut ri qui bis ruc' ok'ej, ruc' rakoj chi'aj xukuje' man xewa' taj, e q'ui c'ut chque xek'oyi' pa ri chaj, xequicoj c'u wakwoj tak atz'iak.

Ri Job 1:20

Xwalij c'u ri Job, nojinak che c'axc'ol xujis ri ratz'iak, xutolorisaj ri u jolom xumej rib che k'ijilanic.

Ri Job 2:12

Xquil apan ri Job chinaj, ruc' c'u c'ax xecuin che u ch'obic u wäch, xquichaplej u rakic qui chi' xquitakej c'u ok'ej, e nojinak c'u che k'oxomal xequijisila' tak ri catz'iak chquij xquiq'uiakila' ulew pa ri quiakik' pa tak ri qui jolom.

Ri Job 42:6

Rumal ri' quintzelej wib chwij nu q'uexom nu c'u'x, in t'uyul chupam puc'uc' ulew xukuje' chaj.”

Juyuwem 2:10

Ri e u ri'jab tak tatayib ri je'lalaj Sion quet'uyi cho ri ulew man quech'aw taj, quequiq'uiakala' ulew pa qui jolom quequicoj wakwoj tak atz'iak chquij. Ri c'ojolab aj Jerusalen quequipachba' ri qui jolom c'a cho ri ulew.

Ajilanic 14:6

are c'u ri Josue xukuje' ri Caleb, ri xepe can che retamaxic u wäch ri ulew, xquijis ri catz'iak che u c'utic ri k'oxomal

Ajilanic 16:22

Are c'u ri e are', xquimej quib xquiya' ri qui palaj c'ä cho ri ulew, je xquibij wa': “Oh Dios, lal ri caya' la ri qui c'aslemal conojel ri winak, ¿la cäpe oyowal la che ronojel ri tinimit u mac rech ri u mac xa jun winak?”

Ajilanic 16:45

“¡Chixel chquixo'l we winak ri', xa c'u pa jok'otaj quinsachisaj na qui wäch!” Ri Moises xukuje' ri Aaron xquimej quib c'ä xquiya' na ri qui palaj cho ri ulew,

Hechos 14:14

Aretak xquita' wa', ri Bernabe xukuje' ri Pawl xquit'ubij ri catz'iak, aninak xeboc chquixo'l ri winak, xquirak qui chi',

Ri Josue 7:7

Xcha' c'u ri Josue: “¡Ay, Ajawaxel, Ajawaxel! ¿Jasche xban la' chi we tinimit ri' xroc'owisaj ri nima' Jordan? ¿La xa pa lo che ka jachic pa qui k'ab ri amoreyib, rech casachisax ka wäch cumal? ¡C'o ta banom wi xujcanaj ta can ch'käp che ri Jordan!

Apocalipsis 18:19

Xquiya' ulew pa qui jolom, xquirak qui chi', xebok'ic, sibalaj xebisonic, je caquibij wa': “¡Tok'ob u wäch, tok'ob u wäch ri nimalaj tinimit! Conojel ri c'o nimak tak qui jucub pa ri plo e k'inomarinak rumal ri q'uialaj u k'inomal. ¡Xa c'u pa jun jok'otaj xsach u wäch ronojel!

K'atal tak Tzij 11:35

aretak c'ut xrilo, xujis ri ratz'iak che u c'utic ri u bis xubij c'u che: “¡Ay, nu mia'l, sibalaj nim ri k'oxow anima' caya' chwe! ¡At, at banowinak chi quinrik nimalaj bis, nu banom c'u jun chi'nic che ri Ajawaxel, quintz'akatisaj c'u na!”

K'atal tak Tzij 20:26

Conojel c'u ri e banal ch'o'j aj israelib xukuje' conojel ri winak xebe chi jumul pa Betel che u banic ok'ej chuwäch ri Ajawaxel, ronojel ri jun k'ij man xewa' taj, xebequichi'j tabal tak tok'ob ri quechajirisaxic xukuje' tabal tak tok'ob re utzirisan ib chuwäch ri Ajawaxel.

K'atal tak Tzij 21:2

Xquimulij c'u quib pa Betel, xec'oji' chuwäch ri Ajawaxel c'ä xoc na ri ak'ab, xquiq'uis quib che ok'ej xquibij:

Nabe Samuel 4:12

C'o c'u jun ajch'o'j aj ramak' ri Benjamin ri xcuinic xresaj bic rib chupam ri kajebal ri cätajin wi ri ch'o'j, cäxiq'uinic xopan pa Sil pa ri k'ij ri'. Jisjobinak ri ratz'iak chrij xukuje' nojinak ulew pa u jolom.