Ri Josue 7:5 - Quiché Bible

⁵ craj c'u ne xequicämisaj juwinak waklajuj (36) aj israelib, ri xequiterenej niq'uiaj c'ut ri kas chuchi' ulok ri roquibal ri tinimit c'ä pa ri paxibal abaj, xequisoc c'ut pa ri xuluxic. Rumal rech wa' ri winak xuban quieb qui c'u'x xechukchubic.

Ri Josue 7:5 ပူးပေါင်းရင်းမြစ်များ

Salmib 22:14

In jacha' ja' ri cajamajobic; e tuktubinak ri e nu bakil, ri wanima' junam ruc' ri xca'b ri cabelebob chnupam.

Salmib 58:7

Sacha' la qui wäch jacha' ri ja' ri cäbinic, chechaki'jarok jacha' ri k'ayes pa tak ri be;

Ri Isaiy 13:7

Conojel c'u ri winak cho ri uwächulew quechukchub na ri qui k'ab, conojel man c'o ta chic qui chuk'ab,

Ri Ezequiel 21:7

We c'u ne cäc'ot a chi' jasche cätok'ic, chabij chque chi rumal jun jasach ri xya' u bixic ri xa' jubik' man quec'ulmatajok, conojel c'ut ri winak ri e c'o chuwäch ri uwächulew quebejbob na quetuktub na tak ri qui k'ab; man c'o ta chi jun c'o ta chajin anima' ruc', conojel quebirbitlab tak ri qui ch'ec rumal xe'n ib. Chanim cäpe ri jok'otaj, quec'ulmataj chanim. In, ri Ajawaxel, quinjiquiba' u bixic.”

Aj Levitib 26:36

E Are' c'ut ri quecanaj can chiwe, quinya' na nimalaj tukaril pa canima' chquiwäch ri qui c'ulel, xa c'u rumal ri u wojojem jun u xak che' ri cäsalabic quebanimaj na, je ta ne ri quebanimaj chuwäch jun cämisanel, quejupujubic man c'o ta c'u queboktanic.

Ri Nahum 2:10

Sachisam u wäch, tz'inowirisam, tolobam canok, jewa' ri u c'ulmam ri Ninibe. Ri animaaj quelebelob che xe'n ib, quebirbit tak ri ch'ecaj, conojel man e c'o ta chic qui chuk'ab quesakmaqui c'ut.

U Camulixic ri Pixab 1:44

Ri aj amoreyib ri e jekel pa tak ri juyub ri', xebel ulok chiwij jacha' sita'l, xixcokataj, xixquich'äc c'u pa Seir c'ä pa Horm.

Ri Josue 2:11

Sibalaj nim ri xe'n ib ri i yo'm chke aretak xketamaj, chi man c'o ta jachin cuchajij ta anima' che u tac'abaxic rib chiwäch. Rumal rech chi ri Ajawaxel, ri i Dios, are' ri Dios ri c'o chicaj xukuje' iquim cho ri uwächulew.

Ri Josue 2:9

“In weta'm chi ri Ajawaxel u yo'm we ulew ri' chiwe, u banom c'ut chi ri uj sibalaj ka xe'n kib chiwäch. Conojel ri e jekel waral e cäminak che xe'n ib u mac iwech.

Ri Josue 5:1

Conojel ri cajawinelab ri aj amoreyib ri e c'o pa ri u kajebal k'ij che ri Jordan, xukuje' tak ri cajawinelab ri aj cananeyib ri e c'o chuchi' ri Plo Mediteran, xoc pa qui jolom chi ri Ajawaxel xuchaki'jarisaj ri u ja'il ri nima' Jordan aretak xeboc'ow ri aj israelib chupam, sibalaj c'u xuya' xe'n ib chque, man c'u xquichajij ta anima' che u banic ch'o'j cuc' ri aj israelib.