Ri Josue 7:12 - Quiché Bible

¹² Rumal ri' ri aj israelib man que cuintaj quech'äcan paquiwi' ri e qui c'ulel. Quebanimaj na chquiwäch, are' c'u ri camic ri aj israelib takal chque chi casachisax qui wäch. We c'u ri ix man qui sachisaj ta u wäch ri xinya' wi takanic chi casachisax u wäch, man quintakej ta c'olem iwuc'.

Ri Josue 7:12 ပူးပေါင်းရင်းမြစ်များ

Salmib 44:10

Banom la chke chi xa cujanimaj chquiwäch ri e ka c'ulel; ri cäquetzelaj ka wäch cujqueläk'aj, cäquic'am c'u bic jachique ri cäcaj.

Salmib 60:10

Are c'u ri lal, nu Dios, uj xutum la canok; ¡man cäbe ta chi la cuc' ri kajch'ojab!

E C'ambal tak Tzij 28:1

Ri banal etzelal canimajic pune' man c'o jachin tereninak, e are' tak c'ut ri e suc' quejeki' ruc' cu'bisan c'uxaj jacha' ri coj.

Ri Isaiy 59:2

Are c'u ri etzelal ri e i banom u walijisam jun k'atibal chixo'l ruc' ri Dios ri i mac u banom chi u ch'ukum ri u palaj chiwäch, man craj ta c'ut quixutatabej.

Ri Jeremiy 23:33

“Jeremiy, we c'o jun winak aj tinimit o jun k'axal tzij, o jun cojol tabal tok'ob cuc'ot a chi', cubij chawe: ‘¿Jachique ri u chilibenic ri Ajawaxel?’, chatchok chque: ‘Ri Ajawaxel cujiquiba' u bixic chi ix quixupuquij c'ut.’

Ri Jeremiy 6:8

Chc'äj a wäch, Jerusalen, we c'u man cäc'äj a wäch, in oyowarinak quintas na wib chawij, quinban na chawe chi catux jun chaki'j uwo sak, man c'o ta a winakil quebenya' ta canok.”

Ri Osey 9:12

We c'u ne queticar che qui q'uiyisaxic tak calc'ual, in quebentokij na chque man c'o ta c'u jun quinya' ta can chque. ¡Tok'ob qui wäch we winak ri' aretak man in c'o ta chic cuc'!

Ri Habacuc 1:13

Ri lal sibalaj lal ch'ajch'oj che u c'ulaxic ri lawaloyil, che u ca'yexic ri etzelal ri cäkaj ta chwäch la; ¿jasche quekaj ri banal tak etzelal chwäch la man c'o ta c'u jas cabij ta la chque, man cäch'aw ta c'u la aretak ri banal etzelal cusachisaj qui wäch ri e utz na chuwäch ri are'?

Ajilanic 14:39

Aretak ri Moises xuya' u bixic chque ri aj israelib ri u yo'm u bixic ri Ajawaxel, conojel sibalaj xebisonic.

Ajilanic 14:42

Mi takej i be, man c'o ta c'ut ri Ajawaxel iwuc'. Quixch'äctaj na cumal ri e i c'ulel.

Ajilanic 14:43

Je la' apanok chiwe quixqueyej ri aj amalesib xukuje' ri aj cananeyib, che u banic ch'o'j iwuc' quixquicämisaj c'u na. Rumal c'u rech chi i xutum can ri Ajawaxel, ri are' man c'o ta chic iwuc'.”

Ajilanic 14:45

Xebel c'u ulok ri aj amalesib xukuje' ri aj cananeyib ri e jekel chupam ri ulew ri', xecokataj c'ut ri aj israelib c'ä pa Horm, xech'äcataj c'u cumal.

U Camulixic ri Pixab 7:26

Rumal c'u ri', mic'am bic jun jasach ri itzel cho iwachoch, rech xukuje' ri ix man cäsach ta i wäch. Wa' k'atom chrij chi cäsachisax u wäch, rajawaxic quich'obo chi jun jasach wa' ri itzel.”

Ri Josue 6:18

Are' c'u ri ix, chichajij iwib chi c'o jas mimajij mawi c'o jas michapo chque ri jastak ri e c'o pa ri tinimit u tasom c'ut ri Ajawaxel che u sachisaxic u wäch, we c'u man je quiban wa' quiya' na ri Israel chuxe' c'okonic quic'am c'u na ulok ri quiäksakil puwi'.

K'atal tak Tzij 16:20

Xurak u chi' che: “¡Sanson, xepe ri aj pilisteyib chawij!” Ri Sanson xc'astajic, are pa u c'u'x cäcuinic cuto' rib jas ri xuban can nabe, man reta'm ta c'ut chi yo'm chi can rumal ri Ajawaxel.

K'atal tak Tzij 2:14

rumal ri' ri Ajawaxel xoyowar chquij ri aj israelib, xubano chi ri eläk'omab xequeläk'aj ri jastak quech, xukuje' xech'äc cumal ri e qui c'ulel ri e c'o chquinakaj man xecuin taj xquito' ta quib pa qui k'ab.

K'atal tak Tzij 2:4

Aretak ri aj cajalaj u tako'n ri Ajawaxel xutanaba' qui tzijobexic ri aj israelib, conojel ri aj israelib xebok'ic co xquirak qui chi'.

Nabe Samuel 14:38

Xubij c'u ri Saul: “Chekeb ulok ri quinimakil tak ri e banal ch'o'j waral, chich'obo' jachin banowinak we mac ri' camic.