Ri Josue 7:1 - Quiché Bible

¹ Jun c'ut chque ri ramak' ri Juda, Acan u bi' u c'ojol ri Carmi, ri' u mam ri Zabdi u xiquin u mam ri Zar, xebuc'am quieb oxib jastak chque ri e tasom che u sachisaxic qui wäch, rumal c'u rech wa' conojel ri aj israelib xebux ajchak'maquib chuwäch ri Ajawaxel chi xc'am ri u yo'm wi takanic ri Ajawaxel chi casachisax u wäch. Rumal c'u rech wa' ri Ajawaxel xnicow ri royowal paquiwi' ri aj israelib.

Ri Josue 7:1 ပူးပေါင်းရင်းမြစ်များ

Chapletajic 34:27

Xepe ri niq'uiaj u c'ojol chic ri Jacob, xequitac'alela' ri cäminakib, xequeläk'aj bic ri jastak quech ri winak che u tojic u q'uexel ri c'ax ri xban che ri canab.

Ucab Samuel 24:1

Ri Ajawaxel xyactaj chi royowal chque ri aj israelib, xutakchi'j c'u ri David chquij, xuya' c'u takanic chi chban jun ajilanic pa Israel xukuje' pa Juda.

Ucab Ajawinelab 5:24

Aretak c'u xebopan tza'm ri juyub, ri Jiez xuc'am ri sak puak ri cuc'am bic ri pataninelab, xuc'ol pa ri ja xebujach c'u bic.

Nabe Tzijobelil 21:7

Ri Dios itzel xril ronojel wa', xutak c'u jun c'äjisabal wächaj puwi' ri Israel.

Ucab Tzijobelil 24:18

xquitzak c'u can ri rachoch ri Ajawaxel, ri qui Dios ri e qui mam, xequiya' c'u k'ijilanic chque tak ri e u wächbal ri Asera xukuje' chque jule' tak e diosib chic. Rumal we macaj ri' ri Ajawaxel xoyowar chrij ri Juda xukuje' chrij ri Jerusalen.

Ri Esdras 9:6

je c'u xinbij wa': “Nu Dios, nu Dios, quinna' wib chi elinak nu q'uixbal, man quinch'ob ta c'ut jas ta ri quinban na quintzijon ta uc' la. Ri etzelal ri e ka banom e oc'owinak qui wi', ri e ka macunic tak e opaninak c'ä chicaj.

Ri Job 35:8

Chque tak ri winak jacha' ri lal ri cuban wi c'ax ri mac la xukuje' ri cuban wi utzil ri e utzalaj tak banoj la.

Ri Tzijonel 9:18

Are c'o na u patan ri no'j chquiwäch tak ri ch'ojibal ri cäcoj pa ch'o'j. Jun ajmac c'ut cäsachow u wäch q'ui utzil.

Ri Daniel 9:7

Ri lal Ajawaxel, lal suc', are c'u ri uj ri uj aj judeyib elinak ka q'uixbal camic; ri e jekel pa Jerusalen xukuje' ri niq'uiaj aj israelib chic, ri e c'o nakaj xukuje' ri e c'o naj, ri e jekel pa tak ri ulew ri xeq'uiak wi la bic rumal rech chi man xeniman ta che la.

Aj Levitib 10:6

Xubij c'u ri Moises che ri Aaron, e rachil ri e u c'ojol ri Eleazar xukuje' ri Itamar: ri e u c'ojol ri Aaron: “Miquiyiba' ri i wi', mawi mebijis ri iwatz'iak che u c'utic ri i bis, mixecäm c'u ne, mäkaj ri royowal ri Ajawaxel paquiwi' ri aj israelib. Ri cuya' caquibisoj are ri cachalal ri cachalaxic quib, conojel ri aj israelib, chi ri Ajawaxel xuban na we c'atic ri'.

Ri Jonas 1:7

Are' c'u ri achijab ri quechacun pa ri jucub xquibila' chbil tak quib: “Kaq'uiaka' ij, rech cäkilo jachin ri ajchak'mac che we quiäkasakil ri'.” Xequiq'uiak c'u ij, are' c'u ajchak'mac ri Jonas.

Ri Josue 22:16

“Ri uj cujch'aw pa u bi' ri u tinimit ri Ajawaxel. ¿Jas wa' chi jachanic ri i banom chrij ri u Dios ri Israel? ¿Jasche i xutum canok i wocom c'ut jun porobal che u c'ulelaxic ri Ajawaxel?

Ri Josue 22:18

¿La ma ta u banom wa' chiwe, rech xukuje' ri ix camic quitas iwib chrij ri Ajawaxel? We ri ix quiyac iwib chrij ri Ajawaxel camic, chwek ri are' cäyactaj na royowal chrij ronojel ri tinimit Israel.

Ri Josue 22:20

Chnataj chiwe chi ri Acan, ri u c'ojol ri Zar, xmacunic aretak xumajij ri jachom che u sachisaxic u wäch chi rumal rech ri u mac, ri Ajawaxel xyactaj royowal chquij conojel ri aj israelib. ¡Ri Acan man xak ta u tuquiel xcäm rumal rech ri u mac!”