Ri Josue 6:9 - Quiché Bible

⁹ Ri achijab ri e banal ch'o'j e benak chquiwäch ri e cojol tabal tok'ob, are c'u ri q'uialaj winak e benak chrij ri caxa e are tak c'ut ri e cojol tabal tok'ob man caquitanaba' ta c'u cok'esaxic tak ri trompet.

Ri Josue 6:9 ပူးပေါင်းရင်းမြစ်များ

Ri Isaiy 58:8

We je caban wa', cäjuluw na ri a chaj, jacha' aretak cäpe u sakaric, man cäbeytaj ta c'u qui cunatajic tak ri e a socotajic. Ri a suq'uil cänabej na chawäch cäteri c'u ri nu juluwem chawij.

Ajilanic 10:25

Che ri q'uisbabalil, chquij ri niq'uiaj ajch'ojab chic, xetaken ri quebin chuxe' ri retal ri Dan, ri are' c'u c'o ri Ahiezer che c'amal qui be (ri u tat ri Ahiezer are' ri Amisaday).

Ri Josue 6:10

Xuya' c'u takanic ri Josue chque ri ajch'ojab chi che bin ruc' yinelijem, c'ä cuya' na takanic chque che u rakic qui chi' ruc' ronojel ri qui chuk'ab.

Ri Josue 6:13

Ri wukub e cojol tabal tok'ob e nabe' chuwäch ri u caxa ri Ajawaxel, man xquitanaba' ta binem mawi xquitanaba' cok'esaxic tak ri qui trompet. Ri achijab ri e banal ch'o'j e nabe chquiwäch, ri niq'uiaj chic e benak chrij ri caxa. Ri trompet man caquitanaba' ta ok'enic.

Ri Josue 6:8

Conojel xquiban ri xetak che u banic rumal ri Josue. Ri wukub e cojol tabal tok'ob e benak chuwäch ri caxa ri c'o wi ri u c'ulwächinic ri Ajawaxel, cätajin cacok'isaj ri wukub trompet, benak c'u ri caxa chquij.