Ri Josue 6:2 - Quiché Bible

² Are' c'ut ri Ajawaxel xubij che ri Josue: “In nu jachom ri Jerico rachil ri rajawinel xukuje' tak ri e rajch'ojab pa a k'ab.

Ri Josue 6:2 ပူးပေါင်းရင်းမြစ်များ

Ucab Samuel 5:19

Rumal ri', ri David xuta' u no'j che ri Ajawaxel, xubij c'u che: “¿La quincuin che qui ch'äquic ri e aj pilisteyib we quinbe chquij? ¿La cäya' la chwe chi quinch'äcan paquiwi'?” Xutzelej u bixic ri Ajawaxel che, xubij: “Je', chatch'ojin cuc', quinya' c'u na ri ch'äcanic chawe paquiwi'.”

Ri Nehemiy 9:24

Xeboc c'ut ri e are', xquimaj ri ulew Canaan; xemach'irisaj c'u la ri winak ri e jekel pa we ulew ri', xukuje' tak ri e cajawinelab e are' c'ut ri winak ri e jekel pa we c'olbal ri', xejach la pa qui k'ab rech caquiban chque jachique ri cäcaj.

Ri Daniel 2:21

Ri are' quebuq'uex ri k'ijaric xukuje' tak ri k'ijol; queresaj xukuje' quebucoj tak ajawinelab, cuya' qui no'j tak ri ajno'jab xukuje' qui c'oxomabal ri quec'oxomanic.

Ri Daniel 2:44

Pa tak c'ut ri k'ijol ri quebajawin tak we ajawinelab ri', ri Dios ri c'o pa ri caj cujekeba' na jun ajawibal ri mawi jubik' casachisax ta u wäch mawi c'o jun nim tinimit cätakan ta chi na puwi', xane' quebusachisaj na qui wäch conojel tak ri niq'uiaj ajawibal chic, cäjeki' c'u na chbe k'ij sak.

Ri Daniel 4:17

Are c'u c'äjisabal wächaj wa' ri xquiya' u bixic ri tastalicalaj tak tako'n yuxlenelab, rech conojel ri winak chquetamaj chi ri Dios ri sibalaj chicaj c'o wi ri c'o u cuinem paquiwi' ri ajawinic aj winak chi are' cuya' ri ajawinic jachin che ri craj cuya' wi, cuban c'u che jun winak ri sibalaj man nim ta u k'ij chi cux c'amal u be jun nim tinimit.

Ri Daniel 4:35

Chuwäch are' man nimak ta qui k'ij ri winak ri e c'o cho ri uwächulew, ri are', are cuban ri u rayibal, pa ri caj jacha' xukuje' cho ri uwächulew. Man c'o ta jachin jun ri cäcuinic cuk'atij ta u wäch ri u cuinem mawi c'o ta jun cuta' ta che jasche jewa' cubano.’

Ri Daniel 5:18

Ri Dios aj chicaj xuya' ri ajawinic xukuje' ri nimalil, juluwem xukuje' ri nimarisabal k'ij che ri Nabucodonosor, ri tat la.

U Camulixic ri Pixab 7:24

Ri e cajawinelab quebujach na pa i k'ab, ix c'ut quiban na chi man c'o ta chi jun cho ri uwächulew ri quenatan ta chic. Man c'o ta c'u jun chque cäcuinic cutac'aba' ta rib che u banic ch'o'j iwuc', quisach c'u na qui wäch conojel.

Ri Josue 12:9

Ri ajawinelab ri xech'äquic e are' tak wa': ri re Jerico, ri re Hai, tinimit ri c'o chunakaj ri Betel,

Ri Josue 2:24

Xquibij che: “Ri Ajawaxel u jachom ronojel ri ulew pa ka k'ab. Rumal kech uj, conojel ri winak ri e c'o chila' e cäminak che xe'n ib.”

Ri Josue 2:9

“In weta'm chi ri Ajawaxel u yo'm we ulew ri' chiwe, u banom c'ut chi ri uj sibalaj ka xe'n kib chiwäch. Conojel ri e jekel waral e cäminak che xe'n ib u mac iwech.

Ri Josue 20:1

Ri Ajawaxel xtzijon ruc' ri Josue xubij c'u che:

Ri Josue 6:1

Man c'o ta jun cacuinic coc bic mawi quel ulok pa Jerico, xetz'apix c'ut ri e u chi' ri tinimit che u to'ic chquiwäch ri aj israelib.

Ri Josue 6:3

Ix, ajch'ojab ri aj israelib, wakib k'ij chiya' jusut chrij ri tinimit.

Ri Josue 8:1

Ri Ajawaxel xubij che ri Josue: “Maxe'j awib mawi mat chukuchubic. Chebamulij conojel ri ajch'ojab jät che u banic ch'o'j ruc' ri Hai, quinya' c'u na ri ch'äcanic chawe puwi' ri rajawinel ri Hai xukuje' ri u winak. Ri u tinimit xukuje' tak rirulew quecanaj na pa a k'ab,

K'atal tak Tzij 11:21

Are c'u ri Ajawaxel, ri u Dios ri Israel ri u tinimit, xuya' ri ch'äcanic chke xujch'äcan c'u puwi' ri Sehon xukuje' paquiwi' ri rajch'ojab, xkechbej c'u ri culew ri aj amoreyib ri c'o pa we c'olbal ri':

K'atal tak Tzij 11:24

We ri Quemos ri a dios, cuya' jun jasach chawe rech cawechbej, caban awech ri' che, ¿la ma ta kastzij? Xukuje' ri uj cäkaban kech che ri u yo'm ri Ajawaxel chke.